Ndị Rom 5:5 - Ika

⁵ bụ olilẹnyanị ekpuyekọ ẹnyi, makẹni Osolobuẹ nwọn ihiẹn-ọsụsụọ ẹnyi ọda-ọda — o hugụọd'a ye ẹnyi imẹ obi ghahanị Mmọn-nsọ a o ye ẹnyi.

Ndị Rom 5:5 ပူးပေါင်းရင်းမြစ်များ

Jobu 27:8

Makẹni onyẹ ghalẹni a tụ egun Osolobuẹ enwọnzi ihiẹn o kwọndọn ẹka wẹ weriọlẹ ndụn a, Chuku napụọl'a ndụn a.

Ẹbụ-ọma 119:116

Dodo, dọnmẹ m kẹ i dọn kwe nkwa; kẹni m rị ndụn; anịkwọl'a kpuye m.

Azaya 49:23

Ndị-nze k'a mụrụn ị kẹ nwa; inyẹnmẹ ndị-nze e mẹn'i kẹ nnẹ. Wẹ k'a kụn'ị isi alị, wẹ k'a rachan uzunzun rị ị ụkụ. Ogẹn hụ kẹ y'e gi marịn nị mmẹ wụ Osolobuẹ; nị ifẹnrẹn emẹkọ ndị gi m dọn ẹnya.”

Izikẹlụ 36:25

E fekpu m ụnụ mirin nwunni, gi ẹ fepụ ụnụ ụrụ ile ụnụ rụ lẹ mmọn ile ụnụ fe.

Ọrụn Ndị-ozi 10:45

Ọ nọ tụ ndị Ju kwa ugun kwerini hụn gha Jọpa sọnhẹn Pita ẹnya nị Osolobuẹ e hukpugụọzidẹ ndị wụlẹni ndị Ju Mmọn-nsọ,

Ọrụn Ndị-ozi 2:17

‘Osolobuẹ sị, “Ogẹn ikpanzụụn, m jẹnkọ d'e hu Mmọn-nsọ m kpu ịhịan ile. Ụmụ ụnụ ikẹnnyẹ lẹ ikpoho k'e bu amụma; ikorọbịa ụnụ k'a hụn ọhụn; ikẹnnyẹ-ọba ụnụ k'a rọ nrọ.

Ọrụn Ndị-ozi 2:33

Osolobuẹ e weshigụọ a elu-igwee ebe ọghọ rị ẹka-nni Osolobuẹ; ọ nahangụọ Chuku-Nẹdi Mmọn-nsọ hụ Chuku-Nẹdi kwe nkwa a, ọ nọ nwan hupụha ihiẹnni ụnụ rị a hụn lẹ hụn ụnụ rị a nụ.

Ndị Rom 1:7

M rị e dejẹnni ndị ile Osolobuẹ nwọn ihiẹn-ọsụsụọ wẹ imẹ Rom, ndị ọ kpọ d'a wụrụ ndị-nsọ. Ẹfọma lẹ udọn gha ẹka Osolobuẹ Nẹdi ẹnyi lẹ Di-nwọnni-ẹnyi wụ Jesu Kristi a bịa ya rịnị ụnụ.

Ndị Rom 8:28

Ẹnyi a marịnghọ nị Osolobuẹ e gi ihiẹn ile a rụnpụhanị ndị ihiẹn ẹ a sụọ ihiẹn rị mma, ndị ọ kpọ makẹ ihiẹn ọ chọ n'o mẹ.

Ndị Rom 9:33

kẹ Ẹkụkwọ-nsọ dọn ku ẹ, sị, “Lee ẹnya, e butọgụọ m ọmụma imẹ Zayọnụ, ọmụma ịhịan a kpọgburu a dan, nkumẹ hụn k'e mẹ wẹ dan. Kanị, o kpuyekọ onyẹ kwerinin'ẹ.”

Ndị Kọrẹntị Ibuzọ 8:3

kanị onyẹ hụn ihiẹn Osolobuẹ a sụọ kẹ Osolobuẹ marịn.

Ndị Kọrẹntị Nke Ẹbụọ 1:22

ye ẹnyi ahịma a ghahanị ibu Mmọn-nsọ a che imẹ obi ẹnyi, gi ẹ họnrin mbi ihiẹn ile o k'e mẹni ẹnyi.

Ndị Kọrẹntị Nke Ẹbụọ 13:14

Ẹfọma Di-nwọnni-ẹnyi Jesu Kristi lẹ ihiẹn-ọsụsụọ Osolobuẹ lẹ mmẹkọ Mmọn-nsọ ya nọyeni ụnụ ile.

Ndị Kọrẹntị Nke Ẹbụọ 3:18

Ẹnyi ile wẹ kpupụgụ ẹkwa hụ ihun rị nwan e legha ọghọ Di-nwọnni-ẹnyi nọkẹ onyinyọn rị imẹ ughegbe; wẹ hụ e nwọnhutọ ẹnyi, e mẹ ẹnyi a rị kẹ Onyẹ ẹnyi rị e legha, e nwọn ọghọ a e nwọnwaye. Ihiẹnni gha ẹka Di-nwọnni-ẹnyi hụn wụ Mmọn-nsọ a bịa.

Ndị Kọrẹntị Nke Ẹbụọ 4:6

Makẹni, Osolobuẹ hụn sị, “Ukpẹ ya nwunmẹ ebe ishi rị” e nwun nwangụọ nwan imẹ obi ẹnyi hụn ẹnyi gi saẹka legha ọghọ Osolobuẹ ihun Kraịstị.

Ndị Galeshịa 4:6

Makẹni ụnụ wụ ụmụ, Osolobuẹ nọ zihẹ Mmọn Nwa a ye imẹ obi ẹnyi; ọ hụ imẹ ẹnyi a hị, “Baba! Baba nẹdi m!”

Ndị Galeshịa 5:22

Kanị, mkpụrụ Mmọn-nsọ a mịpụha wụ: ihiẹn-ọsụsụọ, ịghọghọ, udọn, ndidin, ẹfọma, imẹ-mma, ịwụ onyẹ wẹ gi e dọn ẹnya,

Ndị Ẹfẹsọsụ 1:13

Ụnụ nwẹn e họnrinzighọ ndị nke Kraịstị kẹ ụnụ nụ oku hụ wụ ezioku, kweri — oziọma ahụn ụnụ gi nwọnrin nzụọpụha. Ụnụ e kwerigụnị Jesu, Osolobuẹ nọ bu Mmọn-nsọ o kwe nkwa a che imẹ ndụn ụnụ, gi ẹ yi ụnụ ahịma a,

Ndị Ẹfẹsọsụ 4:30

Emẹkwọlẹ ni ihiẹn k'a fụ Mmọn-nsọ Osolobuẹ, makẹni ịya wụ ahịma Osolobuẹ ye (yi) ụnụ makẹ ụhụọhịn nzụọpụha.

Ndị Filipi 1:20

M nwọn olilẹnya ọda-ọda nị egikọ m egun mẹ ihiẹn ifẹnrẹn e gi mẹ m; kama, nị m k'e kuzi oku Kraịstị kikẹnni, kushi ẹ ikẹn kẹ m dọn e ku ẹ mbụ, gi ẹhụ m buli Kraịstị elu, omẹni ịrịn'a ndụn rọ, omẹni ịnwụnn'a ọnwụn rọ.

Ndị Tẹsalonika Ibuzọ 4:8

Onyẹ jụ nwan n'o gikọ iwu ndịnị bi, ẹlẹ ịhịan k'ọ rị e legberi kanị Osolobuẹ hụn ye ụnụ Mmọn-nsọ a.

Ndị Tẹsalonika Nke Ẹbụọ 2:16

Di-nwọnni-ẹnyi Jesu Kristi lẹ enwẹn ẹ lẹ Chuku Nẹdi ẹnyi hụn gi ihiẹn-ọsụsụọ o nwọn ebe ẹnyi rị mẹni ẹnyi ọhụnma ye ẹnyi nkasị-obi itẹbitẹ lẹ olilẹnya rị mma,

Timoti Nke Ẹbụọ 1:12

ufiri ẹ kẹ m gizi rị a ta afụnfụn ẹnịna. Kanị ifẹnrẹn arị e mẹ m, makẹni a marịnghọ m onyẹ m gi dọn ẹnya; a marịnzịghọ m n'o k'a s'ẹka chedọn ihiẹn m buche ẹ ẹka d'e ru Ụhụọhịn ahụn.

Jọnụ Ibuzọ 4:19

Ẹnyi rị nwan e nwọn ihiẹn-ọsụsụọ makẹni o buọlẹ ụzọ nwọn ihiẹn-ọsụsụọ ẹnyi.