Ndị Rom 5:2 - Ika

² onyẹ hụn Osolobuẹ gha ẹka a gi okukwe ẹnyi webanhan ẹnyi ọnọdị ndị wẹ mẹni ẹfọma hụn ẹnyi turu nwan imẹ ẹ; ẹnyi rị nwan a ṅan makẹni ẹnyi rị e lee ẹnya ọghọ Osolobuẹ jẹnkọ d'e ye ẹnyi!

Ndị Rom 5:2 ပူးပေါင်းရင်းမြစ်များ

Ẹbụ-ọma 17:15

Kanị mmẹ nwẹn, m jẹnkọ d'a hụn ihun i makẹni m rị ọchan; m tẹnhin, a hụn m ihun i, ẹfọ e jun m.

Ẹbụ-ọma 73:24

a gwa m uche i, e gi ẹ e du m, omẹgụ, i k'e wẹhẹ m ebe ọghọ ị rị.

Itẹn 14:32

Eje-ihiẹn eje-ịhịan mẹ e gbu ẹ; kanị ndị ezi-omumẹ nwọn ebe w'a gbaban wẹ nwụnhụndẹ.

Habakọkụ 3:18

m k'e gikwọ Osolobuẹ a ṅan; m k'e gikwọ onyẹ hụn a zụọpụhanị m a ghọghọ.

Matiu 25:21

“Di-nwọnn'ẹ nọ sị, ‘Ezigbo odibo wẹ gi e dọn ẹnya! Y'e kwọndọngụọ ihiẹn mẹ ẹkẹrẹ ọhụnma. M jẹnkọ d'e ye i ihiẹn bu ọda lepụ ẹnya. Bịa d'e sọn di-nwọnn'i ghọghọ.’

Jọnụ 10:7

Ya Jizọsị nọ nwan sị wẹ, “Ezioku kẹ m rị a gwa ụnụ, mmẹ wụ ọnụmụzọ atụnrụn a gha.

Jọnụ 10:9

Mmẹ wụ ọnụmụzọ. Onyẹ gha m banye sikọ d'e nwọn nzụọpụha; o k'a gha e jẹn, a lụa, a hụnsọnmẹ ẹfịfịa e ri.

Jọnụ 14:6

Jizọsị nọ sị a, “Mmẹ wụ ụzọ lẹ ezioku lẹ ndụn. Onwọnni onyẹ a bịa d'e kunrun Chuku-Nẹdi mmanị ọ ghaha ẹka m.

Jọnụ 5:24

“M rị a gwa ụnụ ezioku, nị onyẹ nụ oku m kweyeni onyẹ zihẹni m, hụnyẹ e nwọngụọ ndụn itẹbitẹ. Amakọ w'a ikpe, kama, ọ ghagụọdẹ ọnwụn banye ndụn.

Ọrụn Ndị-ozi 14:27

Ogẹn wẹ gi ru Antịọkụ rị Siria, wẹ nọ kpọgbama ndị ụka, gwa wẹ ihiẹn ile Osolobuẹ gi wẹ rụn lẹ k'o dọn kpọpụnị ndị alị ọzọ ụzọ okukwe.

Ndị Rom 11:20

Ezioku rọ. Kanị, wẹ kwapụ wẹ makẹni ekwerini wẹ, bụ ụnụ nwẹn rị ebẹhụ yeni ụnụ kweri ekweri. Egilẹ n'ẹ pachemẹ, ka gi nị egun e bi!

Ndị Rom 12:12

A ghọghọ nị makẹ olilẹnya ụnụ nwọn; e nwọn ni ndidin imẹ nsọngbu ụnụ; e mẹ ni ekpere ogẹn ile.

Ndị Rom 14:4

Onyẹ k'ị wụ i gi a ma odibo onyẹ ọzọ ikpe? Di-nwọnn'ẹ nwọn ku k'o turughọ ra o turuni. Kanị o k'e turu, makẹni Di-nwọnni-ẹnyi k'a saẹka mẹ ẹ turu.

Ndị Rom 15:13

Osolobuẹ hụn e ye olilẹnya ya ye ụnụ ịghọghọ lẹ udọn mmagi-mmagi kẹ ụnụ dọn rị e gi ẹ e dọn ẹnya. Y'a mẹ ẹ, kẹni ụnụ nwọn olilẹnya, nwọn ẹ ọda-ọda, ghahanị ikẹn Mmọn-nsọ.

Ndị Rom 2:7

Nke ndị e mẹsọnmẹ mma makẹni wẹ rị a chọ nị Osolobuẹ ye wẹ ọghọ lẹ mgbaye lẹ ndụn nwọnlẹni ọgụgụ, Osolobuẹ k'e gi ndụn itẹbitẹ kụ wẹ ụgwọ.

Ndị Rom 3:23

makẹni ịhịan ile e mẹgụọ njọ, tuhu ọghọ Osolobuẹ ye wẹ;

Ndị Rom 5:5

bụ olilẹnyanị ekpuyekọ ẹnyi, makẹni Osolobuẹ nwọn ihiẹn-ọsụsụọ ẹnyi ọda-ọda — o hugụọd'a ye ẹnyi imẹ obi ghahanị Mmọn-nsọ a o ye ẹnyi.

Ndị Rom 8:1

Ya wụ, onwọnzini nwan ikpe hụn ma ndị rị imẹ Kraịstị wụ Jizọsị, ndị rịzịlẹni e bi kẹ ịhịan-mmaka kanị kẹ Mmọn-nsọ dọn chọ.

Ndị Rom 8:24

Ihiẹnni ẹnyi rị e lee ẹnya a kẹ Osolobuẹ gi ufiri ẹ zụọpụha ẹnyi. Ẹnyi e ke nwọnhẹn ẹ, nkẹ ẹnyi e lebehi ẹnya a — olilẹnya ihiẹn ị hụngụ ẹlẹzi olilẹnya. Kị ịhịan k'e lemẹzini ẹnya ihiẹn bụ ọ hụngụọ a?

Ndị Kọrẹntị Ibuzọ 15:1

Umunẹ m, m chọ nwan nị m nyanhannị ụnụ oziọma m zi ụnụ, hụn ụnụ nabanhan, hụn ụnụ turu nwan imẹ ẹ;

Ndị Kọrẹntị Nke Ẹbụọ 3:18

Ẹnyi ile wẹ kpupụgụ ẹkwa hụ ihun rị nwan e legha ọghọ Di-nwọnni-ẹnyi nọkẹ onyinyọn rị imẹ ughegbe; wẹ hụ e nwọnhutọ ẹnyi, e mẹ ẹnyi a rị kẹ Onyẹ ẹnyi rị e legha, e nwọn ọghọ a e nwọnwaye. Ihiẹnni gha ẹka Di-nwọnni-ẹnyi hụn wụ Mmọn-nsọ a bịa.

Ndị Kọrẹntị Nke Ẹbụọ 4:17

Makẹni, ẹnyi jẹnkọ d'e gi ẹkẹrẹ afụnfụnnị ghalẹni e bie ẹnyi rị a ta ogẹnni nwọnrin ọghọ itẹbitẹ ọnụ ghalẹni a saẹka e ku hụn Osolobuẹ jẹnkọ d'e ye ẹnyi.

Ndị Ẹfẹsọsụ 2:18

Ghahanị Kraịstị, ẹnyi ile a sa nwan ẹka a gha Mmọn-nsọ ohu a banhan ebe Nẹdi ẹnyi wụ Osolobuẹ rị, kẹ ndị Ju kẹ ndị alị ọzọ.

Ndị Ẹfẹsọsụ 3:12

Kraịstị, hụn obi gi okweri ẹnyi kwerinin'ẹ e ru ẹnyi alị ọda-ọda ịbanye ebe Osolobuẹ rị.

Ndị Ẹfẹsọsụ 6:13

Kọnrin ni nwan agha! Weri ni nwan ihiẹn-agha Osolobuẹ ile, kẹni, eje-ụhụọhịn bịa, ụnụ a hụn ụzọ saẹka turu; kẹni ụnụ saẹka mẹchanrịn ihiẹn ile furuni bụ ụnụ turuhụkwọ ebe ụnụ turu.

Ndị Tẹsalonika Nke Ẹbụọ 2:16

Di-nwọnni-ẹnyi Jesu Kristi lẹ enwẹn ẹ lẹ Chuku Nẹdi ẹnyi hụn gi ihiẹn-ọsụsụọ o nwọn ebe ẹnyi rị mẹni ẹnyi ọhụnma ye ẹnyi nkasị-obi itẹbitẹ lẹ olilẹnya rị mma,

Hibru 3:6

Kanị Kraịstị rụn ọrụn ọhụnma nọkẹ Nwa hụn ụlọ Osolobuẹ rị ẹka. Ụlọ Osolobuẹ hụ kẹ ẹnyi wụ, o mẹkwọ nị ẹnyi a tọ e kushi ikẹn, e nwọn olilẹnyanị, e nwọnshi ẹ ikẹn.

Hibru 6:18

kẹni obi ruchanrịn ẹnyi ndị gbaburun'ẹ alị kwọnkẹnmẹ olilẹnya o ye ẹnyi, makẹni Osolobuẹ e gigụọ ihiẹn ẹbụbụọ ahụn ghalẹni e gbehutọ ghọsịchanrịn nị ẹlẹ ntụ kẹ ọ rị a tụ.

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,

Rẹvẹleshọnụ 21:11

Ọghọ Osolobuẹ rị a ẹhụ, ọ hụ e be nwaịn-nwaịn kẹ ihiẹn-mma ndị ahụn a kọnị, lekẹ akpụrụ jaspa, ọ hụ e nwun zaị.

Rẹvẹleshọnụ 21:23

Obodo hụ achọnị ukpẹ ẹnyanwụn mọbụ ifọn, makẹni ọghọ Osolobuẹ wụ ukpẹ ẹ, Nwa-ebulu ahụn wụ ukpẹ-ẹka a.

Rẹvẹleshọnụ 21:3

M nọ nụ okẹn olu gha ukpo-eze hụ a sị, “Lee ẹ, ebe-obibi Osolobuẹ rị nwan imẹ igunrun ịhịan; o k'e bi imẹ igunrun wẹ, wẹ k'a wụ ndị nke ẹ; ya nwẹn k'a nọyeni wẹ, o k'a wụ Chuku wẹ.

Rẹvẹleshọnụ 3:21

Onyẹ mẹri, a nị m'a sọn m nọdị ukpo-eze m, kẹ mmẹ nwẹn dọn mẹri, sọn Nẹdi m nọdị ukpo-eze ẹ.