Ndị Rom 5:11 - Ika

¹¹ Ẹlẹdẹ ọhụn sụọ, ẹnyi hụzịdẹ e gi Osolobuẹ a ṅan yeni ihiẹn Di-nwọnni-ẹnyi wụ Jizọs Kraịstị mẹ, onyẹ hụn Osolobuẹ gha nwan ẹka a dọnzi ẹgbata ẹnyi lẹ Osolobuẹ!

Ndị Rom 5:11 ပူးပေါင်းရင်းမြစ်များ

Ẹbụ-ọma 104:34

Osolobuẹ ya dodo nị ihiẹnni m rị e ro sụọ a ụsụọ; Osolobuẹ kẹ mmẹ nwẹn gi a ghọghọ.

Ẹbụ-ọma 149:2

Ndị Izrẹlụ wẹ ghọghọma makẹ Onyẹ hụn keni wẹ; ẹfọ ya sụọma ndị Zayọnụ ụsụọ makẹ Eze wẹ.

Ẹbụ-ọma 32:11

A ghọghọ nị imẹ Osolobuẹ, e nwọn anwịnrịn, ụnụ ndị e feshi Osolobuẹ ikẹn; e yi ni oro ịghọghọ, ụnụ ile obi wẹ rị ọchan.

Ẹbụ-ọma 43:4

Ogẹn ahụn, e shi m ukpo wẹ n'a chụnyeni Chuku ẹjan; e jẹnburu m Chuku hụn wụ okẹn ịghọghọ m; e gi m ụbọ bụn'ị ẹbụ ọjịja-mma — Chuku, Chuku m!

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Luku 1:46

Meri nọ sị, “Obi m rị a ja Di-nwọnni-ẹnyi mma;

Jọnụ 1:12

Kanị, ndị ile nabanhann'a, ndị ile kwerinin'ẹ, o ye wẹ ikẹn nị wẹ wụrụ ụmụ Osolobuẹ:

Ndị Rom 11:15

Makẹni, omẹni ọjụjụ Osolobuẹ jụ wẹ ye ụwa oghere wẹ lẹ Osolobuẹ gi dọn, kị ịnabanhannị wẹ k'e wẹhẹ nwan? Ẹlẹ ịgha ọnwụn lihi?!

Ndị Rom 2:17

Kanị, ị sị nị ị wụ onyẹ Ju? Ị hụ e gi Iwu Mozizi e dọn ẹnya, e gi Osolobuẹ a nyan isi;

Ndị Rom 5:1

Ebe o mẹ nwan nị Osolobuẹ e gigụọ okukwe ẹnyi kuni ẹnyi ọhụnma, ẹnyi lẹ Osolobuẹ e dọngụọ nwan ghahanị Di-nwọnni-ẹnyi wụ Jesu Kristi,

Ndị Rom 5:10

Makẹni, omẹni ogẹn ẹnyi gi wụ ndị-iṅẹnrẹn Osolobuẹ, o gi ọnwụn Nwa a dọnzi ẹgbata ẹnyi lẹ ya, ya wụ nị hụnnị ẹnyi lẹ ịya dọngụ, n'o gighọ nwan ndụn Nwa a zụọpụhachanrịn ẹnyi!

Ndị Rom 5:3

Ẹlẹdẹ ọhụn sụọ, ẹnyi a ṅanzị nị ẹnyi rị a hụn nsọngbu ẹnyi rị a hụn, makẹni ẹnyi a marịnghọ nị nsọngbu e wẹhẹ ndidin;

Ndị Rom 8:23

Ẹlẹdẹ ihiẹn ndị ọzọ o ke sụọ, kanị ẹnyi nwọnzi, ẹnyi ndị nwọndẹ Mmọn-nsọ hụn Osolobuẹ bu ụzọ e ye — ẹnyi hụzịkwọ nwan a sụn udẹn, kẹ ẹnyi dọn rị e che ni Osolobuẹ mụrụnchanrịn ẹnyi, n'o wepụha ẹhụ ẹnyi ụya ọ rị imẹ ẹ.

Ndị Rom 9:10

Ẹlẹdẹ ọhụn sụọ. Ogẹn Rebika gi rị imẹ ejimẹ, nẹdi ohu kẹ wẹ nwọn, hụn wụ Aziki nẹdi ẹnyi;

Ndị Kọrẹntị Ibuzọ 10:16

Mkpu ohu ahụn ẹnyi e ye Osolobuẹ ekele a rarịsọnmẹ, ẹlẹ mmẹkọ kẹ ẹnyi ile lẹ ẹdeke Kraịstị gi ẹ e mẹkọ? Brẹdi ahụn ẹnyi e ye Osolobuẹ ekele e keri, ẹlẹ mmẹkọ kẹ ẹnyi ile lẹ ẹhụ Kraịstị gi ẹ e mẹkọ?

Ndị Kọrẹntị Nke Ẹbụọ 8:19

Ẹlẹdẹ ọhụn sụọ, ụka ile gba tumẹ ẹ nị ẹnyi lẹ ya wịrị e jẹnhunmẹ imẹ ọrụn-eyemẹkanị ẹnyi gi e ye Di-nwọnni-ẹnyi lẹ enwẹn ẹ ọghọ, a ghọsịzị nị ẹnyi hụ e ro umunẹ ẹnyi.

Ndị Galeshịa 4:9

Kanị hụnnị ụnụ marịngụ Osolobuẹ, mba, hụnnị Osolobuẹ marịngụ ụnụ, kị ụnụ burukọzịnị mmọn lẹ iwu lẹ ihiẹn ndị ahụn nwọnlẹni isi ndụn rịlẹni hụn ịhịan mmaka gi e dọn ẹnya nị ụnụ d'e họnrinzi igbọn wẹ?

Ndị Galeshịa 5:22

Kanị, mkpụrụ Mmọn-nsọ a mịpụha wụ: ihiẹn-ọsụsụọ, ịghọghọ, udọn, ndidin, ẹfọma, imẹ-mma, ịwụ onyẹ wẹ gi e dọn ẹnya,

Ndị Filipi 3:1

Umunẹ m, igi mẹkin: m sị ụnụ, a ghọghọ nị imẹ Di-nwọnni-ẹnyi. Ndụn idezini ụnụ ihiẹn m degụnị ụnụ mbụ agụkọ m, makẹni o k'e yeni ụnụ ẹka.

Ndị Filipi 3:3

Makẹni, ẹnyi nwẹn wụ ndị hụn kwa ezigbo ugun: ẹnyi ndị rị e fe Osolobuẹ ofufe imẹ-mmọn ghahanị Mmọn-nsọ, ẹnyi ndị gi Kraịstị wụ Jizọsị e dọn ẹnya, a nyan isi, ẹnyi ndị ghalẹni e gi ihiẹn ẹnya e legha e dọn ẹnya,

Ndị Filipi 4:4

A ghọghọ nị imẹ Di-nwọnni-ẹnyi ogẹn ile! E kuzi m'ẹ: a ghọghọ nị!

Ndị Kolosị 2:6

Ebe o mẹ ni ụnụ a nabanhangụọ Jizọs Kraịstị nọkẹ Di-nwọnni ụnụ, e bi ni nwan kẹ ndị nke ẹ;

Pita Ibuzọ 1:8

Ihiẹn Jizọsị rị nwan a sụọ ụnụ, ọsụọn'a nị ụnụ eleghatun'ẹ; ụnụ kwerin'ẹ, ọsụọn'a nị ụnụ arị nwan e legha a; ụnụ hụ nwan a ghọghọ ọda-ọda, okẹn ịghọghọ ọnụ ghalẹni a s'ẹka a kọwa,

Samuẹlụ Nke Ibuzọ 2:1

Ya Hana nọ mẹ ekpere, sị, “Obi m rị a ghọghọ makẹ Osolobuẹ! Osolobuẹ e yegụọ m mmẹri! A mụgbu m ndị iṅẹnrẹn m ẹmụ! M rị a ghọghọ nị y'a zụọgụọ m.