Ndị Rom 5:10 - Ika

¹⁰ Makẹni, omẹni ogẹn ẹnyi gi wụ ndị-iṅẹnrẹn Osolobuẹ, o gi ọnwụn Nwa a dọnzi ẹgbata ẹnyi lẹ ya, ya wụ nị hụnnị ẹnyi lẹ ịya dọngụ, n'o gighọ nwan ndụn Nwa a zụọpụhachanrịn ẹnyi!

Ndị Rom 5:10 ပူးပေါင်းရင်းမြစ်များ

Ihiẹn Mẹni Nke Ẹbụọ 29:24

Ndị nchụn-ẹjan nọ gbu ewu ndị hụ gi chụn ẹjan-njọ, fe ẹdeke wẹ ye ukpo nchụn-ẹjan, gi chụn ẹjan wẹ gi a gbarị isi Izrẹlụ ile, makẹni eze sị wẹ chụnnị Izrẹlụ ile ẹjan w'a dụn ọkụn lẹ ẹjan-njọ.

Izikẹlụ 45:20

Ihiẹn ohu ahụn k'i sikọ d'e mẹzi nke akpọhịn ẹsa imẹ ifọn ibuzọ ahụn — kẹni wẹ gbagharị onyẹ ọwụlẹ ọ rụnahịn mẹ njọ mọbụ onyẹ hụn mẹ njọ bụ ọ marịn, kẹni ụnụ gi ẹ dọnzi Ụlọ-nsọ.

Daniẹlụ 9:24

“Ogẹn Chuku kayeni ndị nke i lẹ obodo nsọ ụnụ wụ ‘iri kwasị ọgụn-ẹtọ ụzọ ẹsa’ hụn wẹ e gi ta afụnfụn njọ, hụn Osolobuẹ e gi wepụ njọ, hụn o gi mẹ ihiẹn wẹ e gi wepụ njọ, webanhan ezi-omumẹ itẹbitẹ, mẹzu ihiẹn ọ ghọsị ndị-amụma lẹ ihiẹn ndị amụma ku, tumẹ ebe kachanrịn nsọ.

Lẹvitikọsụ 6:30

Kanị ẹrikọkwọ wẹ anụ ẹjan-njọ ọwụlẹ wẹ webanhan ẹdeke ẹ imẹ Ọdụ-nsọ kẹti-kẹti d'e gi ẹ gbarị isi imẹ Ebe rị nsọ; wẹ k'a dụnrịrị a ọkụn.

Jọnụ 14:19

“Ọ họdụ ẹkẹrẹ nị ụwa hụnbehi m; kanị ụnụ nwẹn k'a gha a hụn m. Makẹni m rị ndụn, ụnụ nwẹn k'a rịzị ndụn.

Jọnụ 5:26

Kẹ Chuku-Nẹdi dọn nwọn ndụn imẹ enwẹn ẹ, ẹrịra k'o dọnzikwọ ye Nwa ikẹn o gi e nwọn ndụn imẹ enwẹn ẹ.

Jọnụ 6:40

uche Nẹdi m wụ nị onyẹ hụn Nwa, kwerin'ẹ, jẹnkọ d'e nwọn ndụn itẹbitẹ; m sikọ d'e weli ẹ Ụhụọhịn ikpanzụụn.”

Jọnụ 6:57

“Kẹ m dọn rị ndụn makẹni Chuku-Nẹdi zihẹni m rị ndụn, ẹrịra kẹ onyẹ hụn rini m k'a dọn rị ndụn makẹni m rị ndụn.

Ndị Rom 11:28

Kẹ oziọma nọ, wẹ wụ nwan ndị-iṅẹnrẹn ẹnya Osolobuẹ makẹ ufiri ụnụ; kanị, kẹ Osolobuẹ dọn a họrị ihiẹn, Osolobuẹ nwọnkwọ ihiẹn-ọsụsụọ wẹ makẹ ufiri nẹdi wẹ.

Ndị Rom 5:11

Ẹlẹdẹ ọhụn sụọ, ẹnyi hụzịdẹ e gi Osolobuẹ a ṅan yeni ihiẹn Di-nwọnni-ẹnyi wụ Jizọs Kraịstị mẹ, onyẹ hụn Osolobuẹ gha nwan ẹka a dọnzi ẹgbata ẹnyi lẹ Osolobuẹ!

Ndị Rom 5:6

Makẹni, Kraịstị nwụndọnni ẹnyi ndị njọ ọnwụn ogẹn ndụn gilẹni rị ẹnyi, ogẹn o gi rịchanrịn mkpa.

Ndị Rom 8:32

Omẹni Osolobuẹ etuni nị Nwa a rọ, kama, o gi ufiri ẹnyi ile we ẹ ye, o yechanrịnkọ ẹnyi ihiẹn ndị ọzọ ile?

Ndị Rom 8:34

Onyẹ k'a ma wẹ nwan ikpe, ebe o mẹ ni Jesu Kristi rị nwan ẹka-nni Osolobuẹ a rịọdọnni ẹnyi — Jesu Kristi hụn nwụnnị ẹnyi ọnwụn, hụn gizidẹ ufiri ẹnyi gha ọnwụn lihi? N'ọ ma ẹnyi ikpe?

Ndị Rom 8:7

Makẹni, onyẹ hụn e ro kẹ ịhịan-mmaka ara kweyeni Osolobuẹ kaka, ara dọnmẹ Iwu Osolobuẹ; eziẹ, ọ nịkọ a dọnmẹ.

Ndị Kọrẹntị Nke Ẹbụọ 5:20

Ndị-nnọkin ẹnya Kraịstị kẹ ẹnyi wụ nwan, Osolobuẹ gi ẹnyi a rịọ ụnụ; ẹnyi rị nwan a rịọdọnni Kraịstị: dodo ni, “Kinhẹn ni d'e kunrun Osolobuẹ!”

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Ndị Ẹfẹsọsụ 2:16

gi ọnwụn ọ nwụn elu obe wekinhẹnni Chuku azụụn ẹbụbụọ hụ o gi họnrin ohu, azụụn ẹbụbụọ hụ o wepụ eṅẹnrẹn ẹgbata wẹ.

Ndị Ẹfẹsọsụ 2:3

Eziẹ, ẹnyi ile e te bi k'ọ sụọ ẹnyi nọkẹ wẹ, e mẹ kẹ ẹhụ ẹnyi lẹ obi ẹnyi chọ. Iwe-lẹ-ọnụma Osolobuẹ te hụ e che ẹnyi nọkẹ ndị ọzọ ile.

Hibru 2:17

Ya haịn Osolobuẹ gi mẹ ẹ n'ọ rịchanrịn kẹ ẹnyi wụ umunẹ ẹ ụzọ ile, kẹni ọ hụn ụzọ wụrụ onyẹ-isi nchụn-ẹjan hụn e mẹ omikẹn lẹ hụn furu wẹ gi e dọn ẹnya imẹ ọrụn Osolobuẹ, n'ọ hụn ụzọ chụnnị ịhịan ẹjan w'e gi wepụ njọ wẹ lẹ afụnfụn njọ te k'e buhẹ.

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.

Jọnụ Ibuzọ 2:1

Ụmụ m, m rị e deni ụnụ ihiẹn ndịnị amamgbe ụnụ gha e mẹ njọ. Kanị, omẹni ịhịan mẹ njọ, ẹnyi nwọn onyẹ a rịọdọnni ẹnyi Chuku-Nẹdi: Jesu Kristi hụn rị ọchan rọ.

Jọnụ Ibuzọ 4:10

Ọnwan wụ ihiẹn-ọsụsụọ: ẹlẹni ẹnyi e nwọn ihiẹn-ọsụsụọ Osolobuẹ, kanị Osolobuẹ nọ nwọn ihiẹn-ọsụsụọ ẹnyi, gi ẹ zihẹ Nwa a n'ọ wụrụ ẹjan wẹ gi wepụ njọ ẹnyi.

Rẹvẹleshọnụ 1:18

Mmẹ wụzị onyẹ hụ rị ndụn! M te nwụnhụn anwụnhụn, ka lee ẹ, m rị nwan ndụn jẹnrin ejẹn. Mmẹ gizi ịsanhan Ọnwụn lẹ Alị-mmọn.