Ndị Rom 4:17 - Ika

¹⁷ Ẹrịra kẹ Ẹkụkwọ-nsọ dọn ku ẹ, sị, “E mẹgụọ m'ị wụrụ nẹdi alị bu ọda.” Ịya k'ọ wụ ebe Osolobuẹ rị — Osolobuẹ hụn o gi dọn ẹnya; Osolobuẹ hụn e mẹ onyẹ nwụnhụnnị a rịzị ndụn, hụn e gi oku-ọnụ a e mẹ ihiẹn rịtulẹni n'ọ rị.

Ndị Rom 4:17 ပူးပေါင်းရင်းမြစ်များ

Jẹnẹsisi 17:16

M k'a gọzi ẹ; m k'a gha ẹka a ye i okẹnnyẹ. Ẹghẹẹ, m k'a gọzi ẹ; alị ichẹn-ichẹn k'a gha ẹfọ a pụha; ndị-nze alị ichẹn-ichẹn k'a gha ẹfọ a pụha.”

Jẹnẹsisi 17:20

“Kanị, o mẹ nke Ishmẹlụ, a nụgụọ m ihiẹn i ku. M k'a gọzi ẹ, mẹ ẹ mụba, mụba ọhụnma-ọhụnma; ọ k'a mụ ndị-nze mmẹbụọ; m k'e gi ẹ họnrin okẹn alị.

Jẹnẹsisi 28:3

Chuku hụn nwọn ikẹn ile ya gọzi i, mẹ i mụba, kẹni i wụrụ igunrun ịhịan.

Azaya 43:6

M k'a sịzịkwọ ẹbamịn ọwụwa-ẹnyanwụn, ‘Hapụ wẹ nị wẹ la!’ sị ndịdan-mirin, ‘Egbọndọnkwọlẹ wẹ!’ Welụa nị ụmụ m ikẹnnyẹ rị ebe teni, lẹ ụmụ m ikpoho rị ebe ụwa ru —

Azaya 44:7

Onyẹ nọ nwan kẹ mmẹ? Ya ku. Ya ku; ya ghọsị m'a — ya ku k'o dọn mẹ ihiẹn ile mẹni kete m tumẹlẹ ndị nke m; ya kuzikwọ ihiẹn rị ihun, ẹghẹẹ, ya kuzikwọ lalanị.

Azaya 48:13

Ẹka m gbe iyetọ ụwa, ẹka-nni m shịshịapụ igwere; m kpọ wẹ, a pụha wẹ.

Azaya 49:12

Lee ẹ, ndị nke m k'a ghasọnmẹ ebe teni kinhẹn: ụfọdụ k'a gha ẹbamịn-ugu kinhẹn, ụfọdụ a gha ẹbamịn ọdịdan-ẹnyanwụn, ụfọdụ a ghaha ẹgbẹrẹ Aswanị rị alị Ijiptu.

Azaya 51:2

Leri ni nẹdi ụnụ wụ Ebraham lẹ Sẹra nnẹ mụnị ụnụ. Ogẹn m gi kpọ Ebraham, onyẹ ohu k'ọ wụ. Kanị, a gọzi m'ẹ, mẹ ẹ mụba.

Azaya 55:12

Ịghọghọ kẹ y'e gi pụ, udọn kẹ w'e gi dupụha ị; ugu lẹ òke hụn ị a bụma wẹ ẹbụ; osisi ile rị ọfịa k'a hụn ị kpọma ẹka.

Matiu 3:9

atụkwọlẹ ni enwẹn ụnụ ntụ, a sị, ‘Ebraham wụ nẹdi ẹnyi nụ!’ Makẹni, m rị a gwakwọ ụnụ, Osolobuẹ k'a saẹka gi ọmụma ndịnị ye Ebraham ụmụ.”

Jọnụ 5:21

Eziẹ, kẹ Chuku-Nẹdi dọn e weli onyẹ nwụnhụnnị e we ndụn e ye ẹ, ẹrịra kẹ Nwa a dọnzi e we ndụn e ye ndị ọ chọ n'o ye.

Jọnụ 5:25

“Ezioku kẹ m rị a gwa ụnụ, ogẹn lala — o rụgụọdẹ nwan — ogẹn ndị nwụnnị k'e gi nụ olu Nwa Osolobuẹ, ndị nụn'a a rị ndụn.

Jọnụ 6:63

Mmọn-nsọ sụọ e ye ndụn, ịhịan mmaka asaẹka mẹ ihiẹn-anaị: oku ndịnị m rị a gwa ụnụ wụ oku imẹ-mmọn lẹ oku e ye ndụn.

Ọrụn Ndị-ozi 15:18

marịn ihiẹn ndịnị ketekete ku.’

Ndị Rom 3:29

Chuku wụdẹ Chuku ndị Ju sụọ ra? Ẹlẹzi ya ke ndị wụlẹni ndị Ju? Ẹghẹẹ, ịya wụzị Chuku hụn ke ndị wụlẹni ndị Ju,

Ndị Rom 4:18

Ebraham e kweri, ọsụọn'a n'o nwọnni ihiẹn o kwọndọn ẹka, ọ tọ a tụ ẹnya n'o jẹnkọ d'a wụrụ “Nẹdi alị bu ọda,” kẹ Osolobuẹ dọn gwa a mbụ ogẹn o gi sị a, “Ẹrịra kẹ ụmụ ị k'e buhan ọda.”

Ndị Rom 4:2

Omẹni ihiẹn Ebraham rụn kẹ Osolobuẹ gi kun'ẹ ọhụnma, nkẹ o nwọn ihiẹn o gi nyan isi, kanị ẹlẹ ebe Osolobuẹ rị.

Ndị Rom 8:11

Omẹni Mmọn onyẹ hụn gha ọnwụn weli Kraịstị bi imẹ ndụn ụnụ, onyẹ hụn weli Kraịstị sikọ d'e mẹzikwọ ẹhụ ụnụ a nwụnhụnnị n'ọ rị ndụn — ghahanị Mmọn a hụn bi imẹ ndụn ụnụ.

Ndị Rom 9:11

kanị, nị wẹ d'a mụ wẹ, kẹ wẹ kelẹni mẹ ihiẹn ọwụlẹ — kẹ mma kẹ njọ — Osolobuẹ nọ ghọsị nị ihiẹn ọ chọ n'o mẹ k'o mẹ —

Ndị Rom 9:26

Ebahụn wẹ nọ sị wẹ, ‘Ụnụ ẹlẹ ndị nke m’ kẹ wẹ k'a nọzị kpọ wẹ ‘ụmụ Osolobuẹ ahụn rị ndụn.’ ”

Ndị Kọrẹntị Ibuzọ 1:28

Osolobuẹ họrị ihiẹn mmaka lẹ ihiẹn ụwa e legberi, ọ họrị ihiẹn nwọnlẹni ihiẹn ọ wụ, kẹni o gi wẹ budan ihiẹn wụ ihiẹn.

Ndị Kọrẹntị Ibuzọ 15:45

Ẹrịra kẹ wẹ de ẹ imẹ Ẹkụkwọ-nsọ, sị, “Ịhịan ibuzọ hụn wụ Adam họ̀nrin onyẹ rị ndụn,” kanị Adam ikpanzụụn e họnrin mmọn e ye ndụn.

Timoti Ibuzọ 6:13

Idẹnya Osolobuẹ hụn e ye ihiẹn ile ndụn lẹ Jizọsị Kraịstị hụn nọ idẹnya Pọntius Paịleti ku ezioku, ku ẹ n'ọ wụ Onyẹ ahụn ọ wụ, m sị ị

Hibru 11:12

Ya okẹnnyẹ ohuni ẹhụ a nwụnhụngụ nọ mụ ụmụ bu ọda kẹ kokisẹ rị igwere lẹ ẹjan rị mkpẹnrẹn ohimin wẹ ghalẹni a saẹka a gụn.

Hibru 11:3

Okukwe kẹ ẹnyi gi a ghọta nị oku-ọnụ kẹ Osolobuẹ gi ke ụwa, ya wụ nị ihiẹn ẹnya ghalẹni a legha kẹ wẹ gha mẹmẹpụha ihiẹn ẹnya e legha.

Hibru 11:7

Makẹni Nụa nwọn okukwe, ogẹn Osolobuẹ gi gwatọ a ihiẹn mẹtulẹni jẹnkọ d'e mẹni, o gi ẹ dọn, gi egun Osolobuẹ rụn ụgbọ-mirin ahụn pụ-ichẹn, hụn Osolobuẹ gi nwan zụọpụha ezi-lẹ-ụlọ a. Nụa gi ihiẹnni o mẹ shịagbu ụwa ẹri, gi okukwe ẹ họnrin onyẹ ezi-omumẹ.

Pita Ibuzọ 2:10

Ogẹn mbụ, ụnụ “ẹlẹ ndị nke Osolobuẹ”, kanị, ụnụ a wụrụọlẹ nwan ndị nke ẹ; “omikẹn ẹ ete runi ụnụ ẹka mbụ”, kanị omikẹn ẹ e rugụọ nwan ụnụ ẹka.

Pita Nke Ẹbụọ 3:8

Ka azọkwọlẹ ni ihiẹn ohuni, ezigbo umunẹ m: nị akpọhịn ohu nọkẹ ahụa nnụ-uku ẹnya Di-nwọnni-ẹnyi, ahụa nnụ-uku nọzị a kẹ akpọhịn ohu.