Ndị Rom 3:9 - Ika

⁹ Kị mẹzi? Ẹnyi ndị Ju kadẹ nwan ndị ọzọ mma ra? Kaka akpohu! Ẹnyi e kugụọl'a nị njọ rị a kị ịhịan ile, kẹ ndị Ju kẹ ndị wụlẹni ndị Ju.

Ndị Rom 3:9 ပူးပေါင်းရင်းမြစ်များ

Itẹn 20:9

Onyẹ k'a s'ẹka sị, “E dọnmẹgụọ m obi m ọchan; m rị ọchan, njọ arị m ẹka”?

Azaya 65:5

Ndịnị hụn a sị, ‘Nọzụka! Anọkunmẹkwọlẹ m, nị mmẹ k'a ị nsọ a rị!’ Ndịnị wụ ẹnwụnrụn ọkụn rị e kunye m imi hụn ọkụn a ghalẹni a dụnbehi.

Luku 7:39

Ogẹn onyẹ Itu-Farisi hụ kpọ Jesu oriri gi hụn ihiẹnni, ọ sị enwẹn ẹ, “Omẹni okẹnnyẹni te wụ onyẹ-amụma nke-esi, nkẹ ọ marịn onyẹ okpohoni rị e mẹtụ a ẹka wụ lẹ ụdị ịhịan ọ wụ — n'ọ wụ onyẹ-njọ!”

Ndị Rom 1:18

Iwe-lẹ-ọnụma Osolobuẹ gha elu-igwee e sọn ndị ile a gbakitọ Osolobuẹ azụụn lẹ ndị ile e mẹ njọ, ndị gi eje-ihiẹn wẹ e mẹ e gbọndọn ezioku.

Ndị Rom 11:32

Makẹni, Osolobuẹ a gụngụọ ịhịan ile ye ndị nnupụ-isi, kẹni ọ hụn ụzọ mẹni ịhịan ile omikẹn.

Ndị Rom 11:7

Ya wụ nwan nị ndị Izrẹlụ ahụnnị ihiẹn wẹ rị a lụgbuni enwẹn wẹ, ndị ahụn Osolobuẹ họrị sụọ hụn a, Osolobuẹ a kpọkin ndị họdụnị obi:

Ndị Rom 2:1

Onwọnni nwan ihiẹn yụ nwẹn k'e kin, onyẹ hụn rị a ma ikpe! Makẹni, ebe ị nọ ma ndị ọzọ ikpe k'ị nọ ma enwẹn i ikpe. Makẹni, yụ nwẹn rị a ma wẹ ikpe rịzị e mẹ ihiẹn ị rị a manị wẹ ikpe.

Ndị Rom 3:1

Kị ndị Ju gizi nwan ka ndị ọzọ mma? Elee erere kẹ ịkwa-ugun banzị nwan?

Ndị Rom 3:19

Ẹnyi a marịnghọ nị ihiẹnni ile Iwu ku, nị ndị rị okpuru Iwu k'ọ rị a gwa, kẹni ịhịan ile kinbehi, ụwa ile a rịọma Osolobuẹ dodo.

Ndị Rom 3:5

O mẹ nwan nị eje-omumẹ ẹnyi e mẹ wẹ a hụnchanrịn ezi-omumẹ Osolobuẹ, kị ẹnyi e ku nwan? Nị ẹnyi sị nwan nị Osolobuẹ mẹ njọ ebe ọ nọ ye ẹnyi afụnfụn? (M rị e ku ẹ kẹ ịhịan).

Ndị Rom 6:15

Kị ẹnyi e mẹzi nwan? Nị ẹnyi mẹsọnmẹ nwan njọ makẹni ẹnyi rị nwan okpuru ẹfọma Osolobuẹ ẹlẹzi okpuru Iwu? Kaka akpohu!

Ndị Rom 7:14

Ẹnyi a marịnghọ nị Iwu wụ ihiẹn imẹ-mmọn, kanị mmẹ nwẹn wụ ịhịan-mmaka nwọnlẹni Mmọn-nsọ — nị m wụ igbọn njọ.

Ndị Kọrẹntị Ibuzọ 10:19

Kị m rị nwan e ku? M gidẹ ẹ nwan e ku ni ihiẹn-oriri wẹ gi rụa mmọn mọbụ mmọn lẹ enwẹn ẹ nwọn ihiẹn ọ wụ ra?

Ndị Kọrẹntị Ibuzọ 14:15

Kị m'e mẹ nwan? M k'e gi mmọn m kpe ekpere, e gizi m uche m kpe ekpere m k'a ghọta; m k'e gi mmọn m bụ ẹbụ, e gizi m uche m bụ hụn m k'a ghọta.

Ndị Kọrẹntị Ibuzọ 4:7

Onyẹ gwa ị n'o nwọn ihiẹn rị ichẹn ẹgbata yụ lẹ ibe i? K'i nwọn wẹ yelẹn'i? Omẹni wẹ ye y'ẹ e ye, kị ị rị e gin'ẹ a nyan isi nọkẹ sị ẹlẹ wẹ ye y'ẹ e ye?

Ndị Galeshịa 3:10

Ndị hụ gi idọnmẹ Iwu e dọn ẹnya a wụrụọlẹ ndị wẹ bụ ọnụ. Makẹni, Ẹkụkwọ-nsọ sị, “Onyẹ ọwụlẹ ghalẹni e dọnmẹ ihiẹn ile wẹ de imẹ ẹhụhụọ Iwu e họnringụọ onyẹ wẹ bụ ọnụ!”

Ndị Galeshịa 3:22

Kanị Ẹkụkwọ-nsọ e kugụọ a nị ịhịan ile rị ẹgbụn njọ, ndị kwerini nwan Jesu Kristi kẹ Osolobuẹ e ye ihiẹn Osolobuẹ kwe nkwa a.

Ndị Filipi 1:18

Kị rị a? K'ọ rị, k'ọ rị, wẹ hụ e gi ụzọ ile e zi ozi Kraịstị: kẹ wẹ bu ihiẹn rị mma obi kẹ wẹ bu ihiẹn ọzọ obi e zi ẹ. Ịya wụ ịghọghọ m!! Ẹghẹẹ, m k'a gha a ghọghọ.