Ndị Rom 3:5 - Ika

⁵ O mẹ nwan nị eje-omumẹ ẹnyi e mẹ wẹ a hụnchanrịn ezi-omumẹ Osolobuẹ, kị ẹnyi e ku nwan? Nị ẹnyi sị nwan nị Osolobuẹ mẹ njọ ebe ọ nọ ye ẹnyi afụnfụn? (M rị e ku ẹ kẹ ịhịan).

Ndị Rom 3:5 ပူးပေါင်းရင်းမြစ်များ

Jẹnẹsisi 18:25

Y'e mẹkọ ẹrịra! Onwọnni ogẹn y'e gi tikpọgbama ndị ezi-omumẹ lẹ ndị-njọ, nke wụnị ihiẹn mẹ ndị-njọ e mẹ ndị ezi-omumẹ. Onwọnni ogẹn yụ wụ Osolobuẹ e gi mẹ ẹ! Ọka-ikpe ụwa ile a hankọ eṅẹn rị mma?”

Jobu 8:3

Chuku a handẹ eje-eṅẹn ra? Onyẹ Hụ Nwọn Ikẹn Ile a sịdẹ nwan nị ihiẹn rị mma jọ njọ ra?

Nahum 1:2

Chuku ẹnya a fụ lẹ hụn e mẹgwarịnị kẹ Osolobuẹ wụ; Osolobuẹ e mẹgwarị emẹgwarị, e bu olulu ọda-ọda; Osolobuẹ e mẹgwarị ndị iṅẹnrẹn ẹ, ọ tọ e buni ndị-iṅẹnrẹn ẹ olulu.

Ndị Rom 12:19

Ndị ọwụ m, emẹgwarịlẹ ni; ka la nị mmẹgwarị tọnị Osolobuẹ, makẹni Ẹkụkwọ-nsọ sị, “Di-nwọnni-ẹnyi sị, ‘Mmẹ nwọn mẹgwarị; mmẹ k'a kụ ụgwọ.’ ”

Ndị Rom 2:5

Kanị, ebe ị nọ a kpọkin obi i, a jụ nị y'e rogharịkọ, ị rị e kpọn afụnfụn e cheni afụnfụn hụn wẹ jẹnkọ d'e ye i Ụhụọhịn iwe-lẹ-ọnụma, ụhụọhịn ahụn Osolobuẹ k'e gi han eṅẹn ahụn zinrinni.

Ndị Rom 3:19

Ẹnyi a marịnghọ nị ihiẹnni ile Iwu ku, nị ndị rị okpuru Iwu k'ọ rị a gwa, kẹni ịhịan ile kinbehi, ụwa ile a rịọma Osolobuẹ dodo.

Ndị Rom 3:7

Ẹghẹẹ, omẹkwọ ni ntụ m kẹ ezioku Osolobuẹ gi a pụhachanrịn ifọn, e wẹhẹn'ẹ ọghọ, kị w'a mazịnị m nwan ikpe nị m wụ onyẹ-njọ?

Ndị Rom 4:1

Kị ẹnyi k'a sị nwan nị ya kẹ Ebraham nẹdi ẹnyi elu-ụwanị hụn?

Ndị Rom 5:8

Kanị, nke Osolobuẹ, ọ ghọsịgụọ ẹnyi n'o nwọn ihiẹn-ọsụsụọ ẹnyi ọda-ọda ebe Kraịstị nọ nwụnnị ẹnyi kẹ ẹnyi rịkwọ imẹ njọ!

Ndị Rom 6:1

Kị ẹnyi k'e ku nwan? Nị ẹnyi mẹsọnmẹ nwan njọ kẹni ẹfọma hụn ụzọ barapụ?

Ndị Rom 6:19

(M rị e ku ẹ hụ kẹ ịhịan e ku kẹni ọ nị ụnụ ghọha.) Kẹ ụnụ te dọn we mkpamkpa ẹhụ ụnụ ye ihiẹn-ụrụ lẹ eje-obibi nọkẹ igbọn — hụn ụnụ gi rị e bi eje-obibi, e biwaye, gizi ni nwan ẹrịra we mkpamkpa ẹhụ ụnụ ye ezi-omumẹ, kẹni ụnụ rị nsọ.

Ndị Rom 7:7

Kị ẹnyi e kuzi nwan? Nị ẹnyi sị nwan nị Iwu Mozizi e buhẹ njọ? Mba nụ! Makẹni, omẹni ẹlẹ Iwu, m'e ke marịn ihiẹn njọ wụ. Omẹni Iwu asịnị, “Anịlẹ ihiẹn la ị ẹnya,” m'e ke marịn ihiẹn ọ wụ nị ihiẹn a la ịhịan ẹnya.

Ndị Rom 8:31

Kị ẹnyi k'e ku nwan? O mẹ nwan nị Osolobuẹ rị ẹnyi azụụn, onyẹ k'a saẹka mẹ ẹnyi ihiẹn ọwụlẹ?

Ndị Rom 9:30

Kị ẹnyi k'e kuzi nwan? Nị ndị alị ọzọ te rịlẹni e mẹ oku ezi-omumẹ a wụrụgụọ nwan ndị ezi-omumẹ ẹnya Osolobuẹ, ezi-omumẹ wẹ gi okukwe wẹ ye wẹ;

Ndị Kọrẹntị Ibuzọ 15:32

Omẹni olilẹnya ịhịan-mmaka sụọ, olilẹnya ndụnnị sụọ, kẹ m gi kweri lụsọn eje-anụ ndị hụ ọgụn imẹ alị Ẹfẹsọsụ, elee erere k'ọ bannị m? O mẹ nwan nị Osolobuẹ ara weli ndị nwụnhụnnị, “Nị ẹnyi ri nwan, ra — makẹni o ru eki, ẹnyi a nwụnhụn!”

Ndị Kọrẹntị Ibuzọ 9:8

M rịdẹ nwan e ku ihiẹnni kẹ ịhịan mmaka ra? Ẹlẹ ẹnịna kẹ Iwu ku ẹ?

Ndị Kọrẹntị Nke Ẹbụọ 6:4

Mba. Imẹ ihiẹn ile, ẹnyi a ghọsịchanrịn nị ẹnyi wụ ndị-ọrụn Osolobuẹ: ghahanị idingbu ihiẹn ile, ghahanị nsọngbu lẹ afụnfụn lẹ eje-ọnọdị ichẹn-ichẹn e kunrunni ẹnyi;

Ndị Kọrẹntị Nke Ẹbụọ 7:11

Makẹni ọ fụghọ ụnụ ụdị hụn Osolobuẹ chọ, ụnụ ahụnnị nwan kẹ imẹ-mma dọn rị a dụ ụnụ?! K'o dọn mẹ ụnụ kinrin ọnụ ụnụ! Kẹ eje-ihiẹn zehan ụnụ ize! K'o gbuhan ụnụ ẹhụ! Lee ihiẹn m rị a da ụnụ! Lee mbọ ile ụnụ gba! Lee afụnfụn ụnụ ye onyẹ hụn mẹfieni! Ụnụ a ghọsịchanrịngụọ nị ẹka ụnụ a rị ihiẹn mẹni.

Ndị Galeshịa 2:18

M tụndọnzimẹ ihiẹn m tikpọgụ, m rị a ghọsị nị m dan Iwu ebe m nọ tikpọ a.

Ndị Galeshịa 3:15

Umunẹ m, nị m gi ihiẹn w'e mẹ ụhụọhịn ile kọwa ihiẹnni: madụ ẹbụọ kwerigbamaọlẹ biye ẹka, onwọnni onyẹ k'a saẹka kagbu ẹ mọbụ wechen'ẹ.

Rẹvẹleshọnụ 15:3

Wẹ hụ a bụ ẹbụ odibo Osolobuẹ wụ Mozizi lẹ ẹbụ Nwa-ebulu hụ: “Euu Chuku-nwọnni ẹnyi hụn nwọn ikẹn ile! Y'e mẹkẹ okẹn ihiẹn lẹ ihiẹn a tụ ẹnya! Euu, Eze alị ile! Ezioku lẹ ẹka furuni k'i gi e mẹ ihiẹn i.

Rẹvẹleshọnụ 18:20

Elu-igwee, ghọghọma nwan! Ndị-nsọ lẹ ndị-ozi pụ-ichẹn lẹ ndị-amụma, ghọghọma nị nwan, makẹni Osolobuẹ e gigụọ ufiri ụnụ ma a ikpe!”