Ndị Rom 3:4 - Ika

⁴ Mba, kaka! Osolobuẹ ya wụrụ onyẹ ezioku, ọsụọn'a nị ịhịan ile wụ ndị-ntụ. Ọ nọhụ kẹ Ẹkụkwọ-nsọ dọn ku ẹ, sị, “Wẹ k'a hụn a nị ihiẹn i ku wụ ezioku; wẹ kin i ikpe, i k'e ri eṅẹn.”

Ndị Rom 3:4 ပူးပေါင်းရင်းမြစ်များ

Jobu 36:3

M k'e gi ihiẹn ile bugbu enwẹn ẹ ọda m marịn ghọsị nị Onyẹ keni m rị ọchan.

Jobu 40:8

Ị rị nwan a sị nị a ma m han eṅẹn ra? N'ị ma m ikpe ebe ị rị e kin nị ẹka ị rị ọchan?

Ẹbụ-ọma 100:5

Makẹni Osolobuẹ arịka mma; o nwọnsọnmẹ ihiẹn-ọsụsụọ o kwe nkwa a jẹnrin ejẹn, ọ wụsọnmẹ onyẹ wẹ e gi dọn ẹnya, gha agbọ d'e ru agbọ.

Ẹbụ-ọma 116:11

Ebe egun rị a tụ m, m te nọ sị, “Onyẹ ezioku arịzị a.”

Ẹbụ-ọma 119:160

Ihiẹn ile i ku wụ ezioku, uhi ndị ahụn ile rị mma i yi k'a rị jẹnrin ejẹn.

Ẹbụ-ọma 138:2

M k'e bu ihun zinmẹ ibe Ụlọ-NSỌ ị, kụ isi alị ja ẹfan ị mma, yeni ihiẹn-ọsụsụọ ị lẹ ezioku i: y'e yegụọ nwan oku i ọghọ karị ẹfan ile wẹ gi marịn ị.

Ẹbụ-ọma 51:4

Ịyụ kẹ m mẹ njọ — ịyụ sụọ; e mẹọlẹ m ihiẹn rịlẹni mma ẹnya ị. Ya wụ, y'e mẹghọ ọhụnma ebe i nọ ma m ikpe; y'e mẹni eje-ihiẹn ebe i nọ hangbu m eṅẹn.

Ẹbụ-ọma 62:9

Ịhịan mmaka wụhụ ube uzun ohu, kẹ onyẹ-uku kẹ onyẹ-nta; wẹ ile wụhụ ufori. Ị magbamadẹ wẹ ile, anyịnhannị wẹ kẹ ufere!

Maịka 7:20

I jẹnkọ d'e gi ezioku sọn odibo i wụ Jekọpụ; gi ihiẹn-ọsụsụọ sọn Ebraham kẹ i dọn kun enwẹn i kwe wẹ ndị nẹdi ẹnyi kanị nkwa ogẹn mbụ.

Matiu 11:19

Mmẹ Nwa nke Ịhịan a bịa, m hụ e ri, a ra, wẹ sị, ‘Lee onyẹ okẹn ihiẹn-oriri, onyẹ-manya, ọwụ ndị ụgwọ-isi lẹ ndị ọzọ wẹ gi njọ marịn.’ Kanị, ihiẹn amamihiẹn rụn kẹ wẹ gi a marịn amamihiẹn.”

Luku 20:16

O sikọ d'a bịa d'e gbu wẹ, we ugbo hụ ye ndị ọzọ.” A nụ wẹ ihiẹnni, wẹ nọ sị, “Chuku a jụ!”

Jọnụ 3:33

Onyẹ gi oku ẹ dọn a ghọsịọlẹ nị Osolobuẹ wụ onyẹ-ezioku.

Ndị Rom 11:1

M rị nwan a jụ: “Osolobuẹ a jụgụọ ndị nke ẹ wụ ndị Izrẹlụ ra?” Kaka! M wụ onyẹ Izrẹlụ maị! M wụ nwa Ebraham, onyẹ ebọn Bẹnjamini.

Ndị Rom 11:11

M rị nwan a jụ: kẹ ndị Ju kpọgburu, wẹ dangungwọn adangungwọn? Kaka! Kama, makẹni wẹ mẹ njọ, nzụọpụha a bịagụọnị alị ndị ọzọ, kẹni ẹnya fụma uwẹ wụ ndị Ju.

Ndị Rom 3:31

Ẹnyi rịdẹ nwan e gi oku okukweni a kagbu Iwu Mozizi ra? Mba, kaka; ẹnyi rị e gi ẹ a kwadọn ẹ.

Ndị Rom 6:15

Kị ẹnyi e mẹzi nwan? Nị ẹnyi mẹsọnmẹ nwan njọ makẹni ẹnyi rị nwan okpuru ẹfọma Osolobuẹ ẹlẹzi okpuru Iwu? Kaka akpohu!

Ndị Rom 6:2

Mba nụ! Nanị ndị nọkẹ ẹnyi nwụnnahịngụ njọ e dọn tọ imẹ njọ e bi?

Ndị Rom 7:13

Ihiẹn rị mma buhẹni m nwan ọnwụn? Kaka akpohu! Njọ gi ihiẹn rị mma buhẹni m ọnwụn, gi ẹ ghọsịchanrịn nị njọ wụ njọ, gi ihiẹn Iwu ku ghọsị nị njọ a jọka.

Ndị Rom 7:7

Kị ẹnyi e kuzi nwan? Nị ẹnyi sị nwan nị Iwu Mozizi e buhẹ njọ? Mba nụ! Makẹni, omẹni ẹlẹ Iwu, m'e ke marịn ihiẹn njọ wụ. Omẹni Iwu asịnị, “Anịlẹ ihiẹn la ị ẹnya,” m'e ke marịn ihiẹn ọ wụ nị ihiẹn a la ịhịan ẹnya.

Ndị Rom 9:14

Nị ẹnyi sị nwan nị Osolobuẹ e gbeyeni ịhịan? Mba, kaka!

Ndị Kọrẹntị Ibuzọ 6:15

Ụnụ amarịn nị ẹhụ ụnụ wụchanrịn mkpamkpa ẹhụ Kraịstị? Nị m gi nwan mkpamkpa ẹhụ Kraịstị họnrin mkpamkpa ẹhụ ịgbaraja? O mẹkọ!

Ndị Kọrẹntị Nke Ẹbụọ 1:18

Kaka! K'o dọn mẹni Osolobuẹ wụ onyẹ-ezioku, ẹrịra k'o dọn wụrụ ezioku nị oku ẹnyi a gwa ụnụ emẹtuni “ẹghẹẹ lẹ mba” nke onyẹ e ku ẹbụọ.

Ndị Galeshịa 2:17

Kanị, o mẹ nwan nị ebe ẹnyi nọ rị a chọ nị Osolobuẹ kuni ẹnyi ọhụnma makẹni ẹnyi rị imẹ Kraịstị, a hụn w'a nị ẹnyi lẹ enwẹn ẹnyi wụ ndị njọ, ya wụ nị Kraịstị a kwadọn njọ? Kaka!

Ndị Galeshịa 2:21

Emẹkọ m ẹfọma Osolobuẹ la iwi, makẹni, omẹni idọnmẹ Iwu kẹ Osolobuẹ te gi e kuni ịhịan ọhụnma, ya wụ nị ọnwụn Kraịstị nwụn wụ ihiẹn la iwi!”

Ndị Galeshịa 6:14

O bugharị m! Egikọ m ihiẹn ọwụlẹ nyan isi wezụka obe Di-nwọnni-ẹnyi wụ Jesu Kristi. E gigụọ wẹ obe hụ kpọgbu ụwanị, ọ nọ wụrụ ihiẹn nwụnhụnnị ebe m rị, gizikwọ obe hụ kpọgbu m, m nọ wụrụ ihiẹn nwụnhụnnị ebe ụwa rị.

Ditrọnọmi 32:4

Ịya wụ Ọmụma; ọrụn a zuchanrịn oke, ụzọ a ile zin ezin. Chuku furu wẹ gi e dọn ẹnya k'ọ wụ, hụn ghalẹni e mẹfie; Onyẹ rị mma lẹ Onyẹ kụrụ ọtọ k'ọ wụ.

Timoti Ibuzọ 3:16

W'a rụ ụka a, ihiẹn-omimi rị ofufe Osolobuẹ e hikẹ — nị O gi ẹhụ pụha, Mmọn-nsọ a ghọsị nị ịya rọ nke-esi; ndị mmọn-ozi a hụnghọ a. Ịhịan e zisọnmẹgụọ ozi ẹ alị ichẹn-ichẹn; e kwerigụọnị w'a imẹ ụwa. O gi ọghọ lashi elu-igwee.

Taịtọsụ 1:2

M rị a rụn kẹni wẹ nwọnhẹn ndụn itẹbitẹ ahụn ẹnyi rị e lee ẹnya a hụn Osolobuẹ ghalẹni a tụ ntụ kwe nkwa a ẹdẹi nị ogẹn d'e bidọndẹ,

Hibru 6:18

kẹni obi ruchanrịn ẹnyi ndị gbaburun'ẹ alị kwọnkẹnmẹ olilẹnya o ye ẹnyi, makẹni Osolobuẹ e gigụọ ihiẹn ẹbụbụọ ahụn ghalẹni e gbehutọ ghọsịchanrịn nị ẹlẹ ntụ kẹ ọ rị a tụ.

Jọnụ Ibuzọ 5:10

Ya wụ, onyẹ hụn kwerini Nwa Osolobuẹ e gigụọ ẹrini dọn imẹ obi ẹ; kanị onyẹ hụn kwerilẹni a kpọgụọ Osolobuẹ onyẹ-ntụ, makẹni o gini ẹri Osolobuẹ shịanị Nwa a dọn.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.

Rẹvẹleshọnụ 3:7

“Dejẹnni onyẹ-isi ụka Filadefịa, sị a: “Lee ihiẹn onyẹ hụ rị nsọ ku, onyẹ ezioku; onyẹ hụ gi ịsanhan Defidi; onyẹ hụ wẹ ghalẹni a saẹka a gụnma ụzọ ọ gụnpụ mọbụ gụnpụ ụzọ ọ gụnma: ọ sị,