Ndị Rom 3:28 - Ika

²⁸ Ya wụ, ẹnyi gi ẹ dọn nị okukwe ịhịan kẹ Osolobuẹ gi e kuni ịhịan ọhụnma, ẹlẹ idọnmẹ Iwu.

Ndị Rom 3:28 ပူးပေါင်းရင်းမြစ်များ

Jọnụ 5:24

“M rị a gwa ụnụ ezioku, nị onyẹ nụ oku m kweyeni onyẹ zihẹni m, hụnyẹ e nwọngụọ ndụn itẹbitẹ. Amakọ w'a ikpe, kama, ọ ghagụọdẹ ọnwụn banye ndụn.

Jọnụ 6:40

uche Nẹdi m wụ nị onyẹ hụn Nwa, kwerin'ẹ, jẹnkọ d'e nwọn ndụn itẹbitẹ; m sikọ d'e weli ẹ Ụhụọhịn ikpanzụụn.”

Ndị Rom 3:26

Ya k'o gi mẹ ihiẹnni ogẹnni, gi ghọsị n'ọ wụ onyẹ ezioku, n'ọ wụ onyẹ ezi-omumẹ lẹ n'o furughọ n'ọ nabanhan onyẹ kwerini Jesu rịkẹ onyẹ ezi-omumẹ.

Ndị Rom 4:5

Kanị nke onyẹ nwọnlẹni ihiẹn ọ rụn, kanị o kweyeni Osolobuẹ hụn a gbagharị onyẹ njọ a nabanhan a, okukwe hụnyẹ kẹ Osolobuẹ gi e kun'ẹ ọhụnma.

Ndị Rom 5:1

Ebe o mẹ nwan nị Osolobuẹ e gigụọ okukwe ẹnyi kuni ẹnyi ọhụnma, ẹnyi lẹ Osolobuẹ e dọngụọ nwan ghahanị Di-nwọnni-ẹnyi wụ Jesu Kristi,

Ndị Rom 8:3

Makẹni, ihiẹn nwẹn Iwu Mozizi salẹni ẹka mẹ yeni ndụn arị ịhịan, Osolobuẹ e mẹgụọ a nwan ghahanị izihẹ Nwa a nọkẹ ịhịan mmaka hụn ndị-njọ wụ, kẹni o wepụ njọ, Osolobuẹ nọ gi ẹ ma njọ rị imẹ ịhịan ikpe.

Ndị Kọrẹntị Ibuzọ 6:11

Ihiẹn ndịnị kẹ ụfọdụ imẹ ụnụ te wụ, kanị Osolobuẹ ẹnyi gi Mmọn-nsọ a chanchan ụnụ; o dọn ụnụ nsọ, gi ẹfan Jizọs Kraịstị Di-nwọnni-ẹnyi nabanhan ụnụ.

Ndị Galeshịa 2:16

Bụ ẹnyi a marịnghọ nị ẹlẹ Iwu ịhịan dọnmẹ kẹ Osolobuẹ gi e kun'ẹ ọhụnma, kanị ikwerini Jesu Kristi, gi ẹ e dọn ẹnya. Ẹnyi lẹ enwẹn ẹnyi e kwerigụọ nị nwan Jesu Kristi, kẹni Osolobuẹ gi ọhụn kuni ẹnyi ọhụnma ẹlẹ nị ẹnyi e dọnmẹ Iwu Mozizi. Makẹni, onwọnni onyẹ Osolobuẹ k'e kuni ọhụnma makẹni o dọnmẹ Iwu.

Ndị Galeshịa 3:24

Ya wụ, Osolobuẹ tumẹ Iwu n'ọ wụrụnị ẹnyi onyẹ bu mkpịnsịn e lepụ ẹnyi ẹnya d'e ru ni Kraịstị a banhan, kẹni o gi okweri ẹnyi jẹnkọ d'e kwerini Kraịstị kpọ ẹnyi ndị ezi-omumẹ.

Ndị Galeshịa 3:8

Ẹkụkwọ-nsọ e kutọgụọ a nị Osolobuẹ jẹnkọ d'e gi okukwe ndị wụlẹni ndị Ju kuni wẹ ọhụnma; ọ sị nị Chuku zi Ebraham oziọma ẹdẹi, sị, “Ẹka ị kẹ Osolobuẹ k'a gha gọzi ndị alị ile.”

Ndị Ẹfẹsọsụ 2:9

ẹlẹ ihiẹn onyẹ rụn, amamgbe ịhịan a nyanma isi.

Ndị Filipi 3:9

a rịchanrịn m imẹ ẹ, ẹlẹ nke onyẹ rị ọchan ẹnya enwẹn ẹ makẹni ọ hụ e dọnmẹ Iwu, kama, rịkẹ onyẹ rị ọchan makẹni o gi Kraịstị e dọn ẹnya — ịrị-ọchan ahụn gha ẹka Osolobuẹ a bịa, hụn wẹ gi okukwe e nwọnhẹn.

Taịtọsụ 3:7

Hụnnị o gigụ nwan ẹfọma a kuni ẹnyi ọhụnma, ẹnyi e họnringụọ ụmụ a rị e lee ẹnya ndụn itẹbitẹ o kwe nkwa a.

Jemisi 2:18

Kanị, o nwọn onyẹ k'a sị, “Nke i wụ okukwe, nke m wụ ọrụn.” Azịza m wụ, “Ghọsị m okukwe i ahụn i gilẹni rụn ọrụn. Mmẹ nwẹn, m jẹnkọ d'e gi ọrụn m ghọsị ị okukwe m.”

Jemisi 2:20

Onyẹ-nzuzu! Ị chọ nị wẹ ghọsị ị nị okukwe wẹ gilẹni rụn ọrụn a nwụnhụngụọ?

Jemisi 2:24

Y'a hụn a nwan nị ihiẹn onyẹ rụn kẹ Osolobuẹ gi e kun'ẹ ọhụnma, ẹlẹ okukwe sụọ!