Ndị Rom 3:27 - Ika

²⁷ Kị ịhịan k'e gizi nwan nyan isi? Onwọnzini. Kị haịn nwan? Makẹni ẹlẹzi ọrụn kẹ wẹ gi e mẹ ẹ kanị okukwe.

Ndị Rom 3:27 ပူးပေါင်းရင်းမြစ်များ

Zẹfanaya 3:11

O ru ogẹn hụ e wepụ m'ị ifẹnrẹn ihun, Jerusalẹm — ifẹnrẹn ihiẹn ile ụnụ gi nupụnị m isi. Makẹni, m k'e wepụ ndị mpache lẹ ndị e mẹkarị enwẹn wẹ, ụnụ emẹkarịkọzị enwẹn ụnụ elu Ugu nsọ m.

Makị 16:16

Onyẹ hụn kwerini, e mẹ wẹ ẹ mirin-Chuku, jẹnkọ d'e nwọn nzụọpụha; kalẹ, onyẹ kwerilẹni, ikpe jẹnkọ d'a ma a.

Jọnụ 3:36

Onyẹ hụn kwerini Nwa Osolobuẹ nwọn ndụn itẹbitẹ; onyẹ kwerilẹnini Nwa Osolobuẹ ahụnkọ ndụn; kama, iwe-lẹ-ọnụma kẹ Osolobuẹ k'e gi sọn ẹ.”

Ndị Rom 10:5

Mozizi ku oku ezi-omumẹ wẹ gi idọnmẹ Iwu e nwọnhẹn, sị: “Onyẹ dọnmẹ iwu ndịnị, o gi wẹ rị ndụn.”

Ndị Rom 11:6

O mẹ nwan nị ẹfọma k'o gi mẹ ẹ, ya wụ ẹlẹzi ọrụn haịn — nkẹ o mẹ ni ẹfọma ẹlẹzi ẹfọma.

Ndị Rom 2:17

Kanị, ị sị nị ị wụ onyẹ Ju? Ị hụ e gi Iwu Mozizi e dọn ẹnya, e gi Osolobuẹ a nyan isi;

Ndị Rom 2:23

Ịyụ hụn gi Iwu Osolobuẹ a nyan isi, ị hụ a dan Iwu ahụn a fa Osolobuẹ?

Ndị Rom 3:19

Ẹnyi a marịnghọ nị ihiẹnni ile Iwu ku, nị ndị rị okpuru Iwu k'ọ rị a gwa, kẹni ịhịan ile kinbehi, ụwa ile a rịọma Osolobuẹ dodo.

Ndị Rom 3:26

Ya k'o gi mẹ ihiẹnni ogẹnni, gi ghọsị n'ọ wụ onyẹ ezioku, n'ọ wụ onyẹ ezi-omumẹ lẹ n'o furughọ n'ọ nabanhan onyẹ kwerini Jesu rịkẹ onyẹ ezi-omumẹ.

Ndị Rom 4:2

Omẹni ihiẹn Ebraham rụn kẹ Osolobuẹ gi kun'ẹ ọhụnma, nkẹ o nwọn ihiẹn o gi nyan isi, kanị ẹlẹ ebe Osolobuẹ rị.

Ndị Rom 7:21

Ya wụ, a hụngụọ m'a nwan n'o nwọn iwu rị ọrụn imẹ m, a kị m, hụn o gi e mẹ ni m chọ nị m mẹ ihiẹn rị mma, eje-ihiẹn sụọ kẹ m'a sa ẹka e mẹ.

Ndị Rom 7:23

Kanị, iwu ichẹn kẹ m rị a hụn rị ọrụn imẹ ẹhụ m, a lụsọn Iwu ahụn rị m mma ọgụn, e mẹ m a gbaye njọ hụn rị ọrụn mkpamkpa ẹhụ m.

Ndị Rom 7:25

Ekele ya rịnị Osolobuẹ n'o jẹnkọ d'e mẹ ẹ ghahanị Di-nwọnni-ẹnyi wụ Jesu Kristi! Kẹ ihiẹn nọ nwan wụ nị: k'ọ rị m, e sọn m Iwu Osolobuẹ; kanị, kẹ m nọ, iwu njọ kẹ m'e sọn.

Ndị Rom 8:2

Makẹni, ọkịkị ahụn Mmọn-nsọ gi e ye ndụn imẹ Jesu Kristi a gbapụhagụọ ẹnyi ẹka ọkịkị ahụn njọ gi e buhẹ ọnwụn.

Ndị Rom 9:11

kanị, nị wẹ d'a mụ wẹ, kẹ wẹ kelẹni mẹ ihiẹn ọwụlẹ — kẹ mma kẹ njọ — Osolobuẹ nọ ghọsị nị ihiẹn ọ chọ n'o mẹ k'o mẹ —

Ndị Rom 9:31

bụ ndị Izrẹlụ, hụn rị a lụ nị Osolobuẹ gi Iwu wẹ rị e dọnmẹ kuni wẹ ọhụnma, asanị ẹka wụrụ ndị ezi-omumẹ ẹnya Osolobuẹ.

Ndị Rom 9:32

Kị haịn wẹ gilẹni sa ẹka? Makẹni egini wẹ okukwe mẹ ẹ, ọrụn wẹ kẹ wẹ gi dọn ẹnya, ya wẹ nọ kpọgburu Ọmụma ahụn ịhịan a kpọgburu,

Ndị Kọrẹntị Ibuzọ 4:7

Onyẹ gwa ị n'o nwọn ihiẹn rị ichẹn ẹgbata yụ lẹ ibe i? K'i nwọn wẹ yelẹn'i? Omẹni wẹ ye y'ẹ e ye, kị ị rị e gin'ẹ a nyan isi nọkẹ sị ẹlẹ wẹ ye y'ẹ e ye?

Ndị Galeshịa 2:16

Bụ ẹnyi a marịnghọ nị ẹlẹ Iwu ịhịan dọnmẹ kẹ Osolobuẹ gi e kun'ẹ ọhụnma, kanị ikwerini Jesu Kristi, gi ẹ e dọn ẹnya. Ẹnyi lẹ enwẹn ẹnyi e kwerigụọ nị nwan Jesu Kristi, kẹni Osolobuẹ gi ọhụn kuni ẹnyi ọhụnma ẹlẹ nị ẹnyi e dọnmẹ Iwu Mozizi. Makẹni, onwọnni onyẹ Osolobuẹ k'e kuni ọhụnma makẹni o dọnmẹ Iwu.

Ndị Galeshịa 3:22

Kanị Ẹkụkwọ-nsọ e kugụọ a nị ịhịan ile rị ẹgbụn njọ, ndị kwerini nwan Jesu Kristi kẹ Osolobuẹ e ye ihiẹn Osolobuẹ kwe nkwa a.