Ndị Rom 3:25 - Ika

²⁵ Makẹni, Osolobuẹ we Jesu ye, gi ẹ họnrin ẹjan wẹ e gi wepụ njọ jẹnni onyẹ hụn gi ẹdeke ẹ hụn wụ ọnwụn a dọn, kẹni o we ẹnya nị Osolobuẹ wụkwọ onyẹ ezi-omumẹ ghalẹni a kwadọn njọ ebe ọ nọ din ndidin fepụ ẹnya njọ ịhịan mẹ mbụ.

Ndị Rom 3:25 ပူးပေါင်းရင်းမြစ်များ

Ẹbụ-ọma 119:142

Ezi-omumẹ i wụ ezi-omumẹ hụn k'a rị jẹnrin ejẹn; iwu i wụ ezioku.

Ẹbụ-ọma 22:31

O ru, wẹ sikọ d'a gwazị ndị wẹ kelẹni mụ kikẹnni kẹ Osolobuẹ dọn tụnị ndị nke ẹ ụya, nị o mẹgụọ a.

Ẹbụ-ọma 40:10

Ezuemẹni m ezi-ihiẹn i mẹ imẹ obi m; m'e ku ẹ n'i furu wẹ gi e dọn ẹnya lẹni y'a zụọpụha ịhịan. Ezuemẹni ni m ozuzu ndị nke i ihiẹn-ọsụsụọ ị lẹ nkwa ị hụn i mẹzu.

Ẹbụ-ọma 50:6

Elu-igwere rịdẹ e ku ni Chuku e furughọ, makẹni Chuku wụ Ọka-ikpe. Sẹla

Ẹbụ-ọma 97:6

Igwere ile hụ a ghọsị ezi-omumẹ ẹ; alị ile hụ a hụn ọghọ a!

Ẹbụ-ọma 98:2

Osolobuẹ a ghọsịgụọ n'ọ zụọpụha azụọpụha; ọ nọgụọ idẹnya alị ndị ọzọ tụ ụya k'o dọn a tụ.

Azaya 53:11

Ọ tagụ afụnfụn, nwụnhụn, ọ k'a hụn ihiẹn ọ rụn, ẹfọ e jun ẹ. Odibo m k'e mẹ wẹ hatu ndị bu ọda ikpe ma hụn sikọ d'a marịnn'a — o k'e buru njọ wẹ.

Lẹvitikọsụ 16:10

Kanị o k'e weri hụn ahụn o gi utẹn-Osolobuẹ hanpụha n'o bu njọ-alị butọ ihun Osolobuẹ. O sikọ d'a chụ a shi imẹ atụ n'ọ wụrụ hụn bu njọ-alị, gi ẹ gbarị isi ndị alị.

Lẹvitikọsụ 16:15

“O k'e gbu nwan ewu hụ o gi a chụn ẹjan-njọ ndị Izrẹlụ; o weri ẹdeke ẹ ghafe Ẹkwa-mgbọnkin hụ, shi imẹ Ebe Kachanrịn nsọ, mẹ ẹ k'ọ mẹ ẹdeke okẹn-efin hụ: o fe e ye elu okun hụ wẹ nọ a gbarị isi, o feyezi ẹ ihun ẹ.

Jọnụ 6:47

Ezioku kẹ m rị a gwa ụnụ, onyẹ ọwụlẹ kwerini e nwọngụọ ndụn itẹbitẹ.

Ọrụn Ndị-ozi 14:16

Ogẹn mbụ, ọ nị alị ile rị ichẹn-ichẹn bi k'ọ sụọ wẹ.

Ọrụn Ndị-ozi 15:18

marịn ihiẹn ndịnị ketekete ku.’

Ọrụn Ndị-ozi 17:30

Osolobuẹ e fepụghọ ẹnya ogẹn mbụ ịhịan marịnlẹn'a. Kanị, ọ sị nwan ịhịan ile rị ebe ile wẹ rogharị.

Ọrụn Ndị-ozi 2:23

Kanị ihiẹn Osolobuẹ rotọ kaye nọ mẹ, ụnụ nọ we ẹ ye ndị alị ọzọ marịnlẹni Osolobuẹ, wẹ nọ kpọgbuni ụnụ ya elu obe.

Ọrụn Ndị-ozi 3:18

Kanị ẹnịna kẹ Osolobuẹ dọn nwan mẹzu ihiẹn o gi ndị-amụma ile ku mbụ-mbụ, nị Onyẹ-nzụọpụha hụ o tumẹ k'a ta afụnfụn.

Ọrụn Ndị-ozi 4:28

Ya kẹ ihiẹn i kwademẹtọ nọ gha ẹka wẹ bụn.

Ndị Rom 2:4

Ra ị rị e lelịa okẹn ẹfọma a lẹ nkịtịn ọ rị a gba ị lẹ ndidin ẹ? Y'a marịn nị Osolobuẹ rị e mẹni i ẹfọmanị kẹni i hụn ụzọ rogharị?

Ndị Rom 3:26

Ya k'o gi mẹ ihiẹnni ogẹnni, gi ghọsị n'ọ wụ onyẹ ezioku, n'ọ wụ onyẹ ezi-omumẹ lẹ n'o furughọ n'ọ nabanhan onyẹ kwerini Jesu rịkẹ onyẹ ezi-omumẹ.

Ndị Rom 5:1

Ebe o mẹ nwan nị Osolobuẹ e gigụọ okukwe ẹnyi kuni ẹnyi ọhụnma, ẹnyi lẹ Osolobuẹ e dọngụọ nwan ghahanị Di-nwọnni-ẹnyi wụ Jesu Kristi,

Ndị Rom 5:11

Ẹlẹdẹ ọhụn sụọ, ẹnyi hụzịdẹ e gi Osolobuẹ a ṅan yeni ihiẹn Di-nwọnni-ẹnyi wụ Jizọs Kraịstị mẹ, onyẹ hụn Osolobuẹ gha nwan ẹka a dọnzi ẹgbata ẹnyi lẹ Osolobuẹ!

Ndị Rom 5:18

Ya wụ, kẹ akpụ njọ ohu hụ Adam mẹ dọn buhẹni ịhịan ile ikpe-ọmụma, ẹrịra kẹ akpụ ihiẹn rị mma ohu Kraịstị mẹ dọn nwan e mẹ Osolobuẹ e kuni ịhịan ọhụnma, e ye ịhịan ndụn.

Ndị Rom 5:9

Hụnnị Osolobuẹ gi ufiri ẹdeke Jesu kuni ẹnyi ọhụnma, ya wụ nị ẹnyi jẹnkọ d'a wanahịnchanrịn iwe-lẹ-ọnụma Osolobuẹ ghahanị Jesu.

Ndị Kọrẹntị Ibuzọ 5:7

Wepụ nị nwan yisti akan, kẹni ụnụ wụrụ ogbe brẹdi ọhụn yisti rịlẹni, hụn ụnụ wụ nke-esi. Makẹni e gbugụọ wẹ Kraịstị wụ Ebulu-nghafe ẹnyi, gi ẹ chụn ẹjan Mmẹmmẹ-nghafe.

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Ndị Ẹfẹsọsụ 1:7

Makẹni ẹnyi rị imẹ Kraịstị, Osolobuẹ e gigụọ ẹdeke ẹ hụn wụ ọnwụn a gbapụha ẹnyi, gbagharị ẹnyi njọ, makẹ okẹn ẹfọma Osolobuẹ.

Ndị Ẹfẹsọsụ 2:13

Kanị, makẹni ụnụ rị imẹ Kraịstị wụ Jizọsị, e gigụọ wẹ nwan ẹdeke Kraịstị, ọnwụn Kraịstị, wezụhan ụnụ te rị ebe teni.

Timoti Ibuzọ 1:15

Okuni wụ ezioku furu w'a nabanhanchanrịn: “Kraịstị wụ Jizọsị bịa imẹ ụwa d'a zụọpụha ndị njọ” hụn o mẹ ni mmẹ kachanrịn njọ imẹ wẹ ile.

Hibru 10:4

makẹni ẹdeke okẹn-efin lẹ ewu as'ẹka wepụ njọ.

Hibru 11:14

Ndị e ku ẹnịna rị a ghọsị n'o nwọn alị wụ nke wẹ ẹnya wẹ rị.

Hibru 11:17

Okukwe kẹ Ebraham gi wepụha Aziki n'o gi ẹ chụn ẹjan, ogẹn Osolobuẹ gi lele ẹ. Onyẹ nwẹn Osolobuẹ kwe nkwa ndị ahụn nọ wepụha akpụ nwa a ohu!

Hibru 11:7

Makẹni Nụa nwọn okukwe, ogẹn Osolobuẹ gi gwatọ a ihiẹn mẹtulẹni jẹnkọ d'e mẹni, o gi ẹ dọn, gi egun Osolobuẹ rụn ụgbọ-mirin ahụn pụ-ichẹn, hụn Osolobuẹ gi nwan zụọpụha ezi-lẹ-ụlọ a. Nụa gi ihiẹnni o mẹ shịagbu ụwa ẹri, gi okukwe ẹ họnrin onyẹ ezi-omumẹ.

Hibru 9:28

ẹrịra k'o dọnzikwọ mẹ ni hụnnị Osolobuẹ gigụ Kraịstị chụn ẹjan mgbe ohu sụọ chụnchanrịn a, gi ẹ bupụ njọ ịhịan, ẹlẹ oku njọ kẹ Kraịstị k'a bịazịnị, kama, ọ lala d'a zụọpụha ndị rị e lee ẹnya a ọda-ọda.

Hibru 9:5

Chẹrobu ẹbụọ ahụn nwọn nku, hụn wẹ kpụ, hụn a ghọsị ebe Osolobuẹ rị, rịzị elu ẹkpẹtini, wẹ lẹ nku wẹ shịapụ elu ẹ — elu ẹ hụn wụ Oche-omikẹn. Kanị, ẹnyi a s'ẹka kuru ihiẹn ndịnị alị kikẹnni.

Jọnụ Ibuzọ 1:10

Ẹnyi sị nị ẹnyi emẹni njọ, ẹnyi rị a kpọ a onyẹ-ntụ, oku ẹ arị imẹ ẹnyi.

Jọnụ Ibuzọ 2:2

Ya lẹ enwẹn ẹ wụ ẹjan wẹ gi wepụ njọ ẹnyi; ẹlẹdẹ njọ ẹnyi sụọ, kanị njọ ụwa ile.

Jọnụ Ibuzọ 4:10

Ọnwan wụ ihiẹn-ọsụsụọ: ẹlẹni ẹnyi e nwọn ihiẹn-ọsụsụọ Osolobuẹ, kanị Osolobuẹ nọ nwọn ihiẹn-ọsụsụọ ẹnyi, gi ẹ zihẹ Nwa a n'ọ wụrụ ẹjan wẹ gi wepụ njọ ẹnyi.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 13:8

Ndị ile bi elu-ụwa k'e fe ẹ, ndị ile wẹ delẹni ẹfan wẹ imẹ ẹkụkwọ ndụn-itẹbitẹ, ẹkụkwọ Nwa-ebulu hụ wẹ gbu nị wẹ d'e gbe iyetọ ụwa.

Rẹvẹleshọnụ 20:15

Onyẹ ọwụlẹ wẹ hụnlẹni ẹfan a imẹ ẹkụkwọ ndụn-itẹbitẹ, a tụ w'a ye imẹ odiyiri ọkụn hụ.

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.