Ndị Rom 3:19 - Ika

¹⁹ Ẹnyi a marịnghọ nị ihiẹnni ile Iwu ku, nị ndị rị okpuru Iwu k'ọ rị a gwa, kẹni ịhịan ile kinbehi, ụwa ile a rịọma Osolobuẹ dodo.

Ndị Rom 3:19 ပူးပေါင်းရင်းမြစ်များ

Jobu 5:16

Ogbẹnnyẹ e gi ẹ nwọn olilẹnya, mmẹgbu e kpumẹ ọnụ.

Ẹbụ-ọma 107:42

Ndị ezi-omumẹ hụn ihiẹnni, ẹfọ a sụọma wẹ ụsụọ, ndị-mmẹgbu ile e kpumẹ ọnụ!

Ẹbụ-ọma 63:11

Kanị eze k'e gi ihiẹn Chuku mẹ ghọghọ; ndị ile gi ẹfan Osolobuẹ dọn ẹnya k'a dụ ẹka obi, ọnụ ile a tụ ntụ e kpuru.

Izikẹlụ 16:63

M k'e mẹ ẹ, kẹni m gbarịgụ isi i imẹ eje-ihiẹn ile i mẹ, y'a nyanhan ihiẹn i mẹ, ifẹnrẹn e mẹ i, y'a shịapụkọzị ọnụ yeni ifẹnrẹn. Ya kẹ Osolobuẹ Nwọn Ihiẹn Ile ku.’ ”

Jọnụ 15:25

Ihiẹn wẹ de imẹ iwu wẹ a bụngụọ nwan: nị, ‘Ize m rị e ze wẹ bụ onwọnni ihiẹn m mẹ.’

Jọnụ 8:9

A nụ wẹ ihiẹn ọ za, wẹ ile nọ pụma ohu-ohu — ndị kanị bu ụzọ pụma, d'e ru n'ọ họdụ Jizọsị sụọ; okpoho hụ turuhụkwọ ihun Jizọsị ebẹhụ.

Ndị Rom 1:20

Ebe o mẹ ni kete Osolobuẹ kelẹ ụwa, ihiẹn ile wẹ ghalẹni e legha banyeni Osolobuẹ pụhachanrịn ifọn, kẹ ikẹn-itẹbitẹ ẹ kẹ ihiẹn o gi wụrụ Osolobuẹ; makẹni w'e gi ihiẹn o ke a ghọta wẹ. Onwọnzini nwan ihiẹn wẹ k'e kin!

Ndị Rom 3:2

O bukẹkwọ! Nke ibuzọ, ndị ju kẹ Osolobuẹ buche oku gha a ọnụ pụha ẹka.

Ndị Rom 3:23

makẹni ịhịan ile e mẹgụọ njọ, tuhu ọghọ Osolobuẹ ye wẹ;

Ndị Rom 3:4

Mba, kaka! Osolobuẹ ya wụrụ onyẹ ezioku, ọsụọn'a nị ịhịan ile wụ ndị-ntụ. Ọ nọhụ kẹ Ẹkụkwọ-nsọ dọn ku ẹ, sị, “Wẹ k'a hụn a nị ihiẹn i ku wụ ezioku; wẹ kin i ikpe, i k'e ri eṅẹn.”

Ndị Rom 3:9

Kị mẹzi? Ẹnyi ndị Ju kadẹ nwan ndị ọzọ mma ra? Kaka akpohu! Ẹnyi e kugụọl'a nị njọ rị a kị ịhịan ile, kẹ ndị Ju kẹ ndị wụlẹni ndị Ju.

Ndị Kọrẹntị Ibuzọ 1:29

Osolobuẹ mẹ ẹrịra makẹ ịhịan gha a nyan isi ihun Osolobuẹ.

Ndị Galeshịa 3:10

Ndị hụ gi idọnmẹ Iwu e dọn ẹnya a wụrụọlẹ ndị wẹ bụ ọnụ. Makẹni, Ẹkụkwọ-nsọ sị, “Onyẹ ọwụlẹ ghalẹni e dọnmẹ ihiẹn ile wẹ de imẹ ẹhụhụọ Iwu e họnringụọ onyẹ wẹ bụ ọnụ!”

Ndị Galeshịa 4:21

Gwadẹ ni m, ụnụ ndị chọkọ nị ụnụ rị okpuru Iwu, ụnụ anụnị ihiẹn Iwu Mozizi ku?

Ndị Galeshịa 4:5

Osolobuẹ zihẹ ẹ n'ọ hụn ụzọ gbarị ndị rị okpuru Iwu, kẹni ẹnyi họnrin ụmụ Osolobuẹ.

Ndị Galeshịa 5:18

Kanị, omẹni Mmọn-nsọ rị a kị ụnụ, ya wụ nwan nị ụnụ arịzị okpuru iwu.

Samuẹlụ Nke Ibuzọ 2:9

O k'e chemẹ ndị-nsọ a ebe-lẹ-ebe wẹ jẹnkọ, kanị ndị-njọ jẹnkọ d'a nwụntọ imẹ ishi, nwụnyụn ẹnya. Ẹlẹ akwanran kẹ ịhịan gi e mẹri;