Ndị Rom 2:5 - Ika

⁵ Kanị, ebe ị nọ a kpọkin obi i, a jụ nị y'e rogharịkọ, ị rị e kpọn afụnfụn e cheni afụnfụn hụn wẹ jẹnkọ d'e ye i Ụhụọhịn iwe-lẹ-ọnụma, ụhụọhịn ahụn Osolobuẹ k'e gi han eṅẹn ahụn zinrinni.

Ndị Rom 2:5 ပူးပေါင်းရင်းမြစ်များ

Ihiẹn Mẹni Nke Ẹbụọ 30:8

Ebukwọlẹ ni isi-ikẹn nọkẹ ndị nẹdi ụnụ; humẹni ni Osolobuẹ isi. Bịa nị Ụnọ-nsọ hụn o dọn nsọ jẹnrin ejẹn. Fe ni Osolobuẹ wụ Chuku ụnụ, kẹni olulu ọkụn ọ rị e busọn ụnụ rọ.

Ihiẹn Mẹni Nke Ẹbụọ 36:13

Ọ pazịkwọ oku eze wụ Nebukadineza hụn mẹgụ a kunn'ẹ ẹfan Osolobuẹ n'o k'e humẹn'ẹ isi. O bumẹ isi-ikẹn, kpọkin obi, n'ọ rohutọkọ mẹ uche Osolobuẹ wụ Chuku Izrẹlụ.

Jobu 21:30

nị Chuku e dọnmẹzi eje-ịhịan ndụn ogẹn ihiẹn-ikẹn, nị ọ zụọpụha a azụọpụha ụhụọhịn ọnụma?

Ẹbụ-ọma 110:5

Di-nwọnni-ẹnyi hụ ị ẹka-nni; o k'e tikpọchanrịn ndị-nze, ụhụọhịn hụ o k'e bu olulu.

Ẹbụ-ọma 95:8

agbakwọlẹ ni isi-akwanran kẹ ụnụ dọn mẹ imẹ Mẹriba, kẹ ụnụ dọn mẹ ụhụọhịn ahụn imẹ Masa hụn rị imẹ atụ —

Ọpụpụ 14:17

M jẹnkọ d'a kpọkin obi ndị Ijiptu nị wẹ chụ ụnụ ndị Izrẹlụ ban imẹ ẹ. Ogẹn hụ, e gi m eze wụ Fẹro lẹ ndị-agha a ile nwọnrin ọghọ, uwẹ lẹ ụgbọ-anyịnyan a ndịnị ọ kị lẹ ndị-agha a bu ẹshin.

Ọpụpụ 32:34

Jẹnmẹ nwan; duru wẹ shi ebẹhụ m ku; lee ẹ, mmọn-ozi m k'e burun'i ụzọ. K'osilẹrị, ogẹn ru m'e gi ye afụnfụn, m k'e yekwọ wẹ afụnfụn njọ wẹ.”

Ọpụpụ 8:15

Kanị ogẹn Fẹro gi hụn a nị ẹhụ e fuzi ndị Ijiptu, ọ nọ kpọkin obi, jụ n'o gọnkọ Mozizi lẹ Ẹrọnụ ntịn: ọ rịhụ kẹ Osolobuẹ dọn ku.

Itẹn 1:18

Enwẹn wẹ kẹ ndị-njọnị warị e che nị wẹ gbu; enwẹn wẹ kẹ wẹ rịhụ e che nị wẹ gbu!

Itẹn 11:4

Akụ-lẹ-ụba ara zụọpụha ịhịan ẹka Osolobuẹ, kanị ezi-omumẹ a napụdẹ ịhịan ọnwụn.

Itẹn 28:14

Onyẹ hụn a kpachanpụ ẹnya e bi ogẹn ile e nwọnkẹ ngọzi, kanị hụn a gba isi-akwanran a danban eje-ihiẹn.

Itẹn 29:1

Onyẹ w'a jụgbọ ọjụgbọ-ọjụgbọ, ọ tọ a gba isi-akwanran, jẹnkọ d'e tikpọ idẹnmizi — hụn wẹ ghalẹni e dọnzi.

Ẹkịliziastisi 12:14

Makẹni Chuku jẹnkọ d'a jụ ịhịan ukwere ihiẹn ile o mẹ, ya lẹ ihiẹn ile zuerini — kẹ mma kẹ njọ.

Azaya 48:4

Makẹni a marịnghọ m kẹ ụnụ mẹhan ndị isi-ikẹn, nị olu ụnụ wụ igwe ghalẹni a nị e gbegi; nị ezimezi ihun ụnụ ze kẹ igwe-bronzu.

Jerimaya 40:3

Osolobuẹ e mẹgụọ a nwan; o mẹgụọ ihiẹn ọ sị n'o k'e mẹ. Njọ ụnụ mẹ Osolobuẹ haịn ihiẹnni ile gi mẹ ụnụ; ụnụ emẹni ihiẹn ọ gwa ụnụ mẹ.

Izikẹlụ 11:19

M k'e mẹ wẹ nwọnbehi obi-ẹbụọ, e bu m agụngụn ọhụn che imẹ wẹ; m k'e wepụ wẹ akpobi ọmụma wẹ, ye wẹ hụn rị alụlụa,

Izikẹlụ 3:7

Kanị ikpụlọ Izrẹlụ egọnkọ ị ntịn, makẹni achọnị wẹ nị wẹ gọn m ntịn, makẹni ikpụlọ Izrẹlụ ile wụ ndị isi-ikẹn obi wẹ ze.

Daniẹlụ 5:20

Kanị, ogẹn o gi họnrọnma, kpọkin obi ẹ ebe ọ rị a pache, wẹ nọ wepụ a ukpo-eze ẹ, napụ a ọghọ a,

Hosia 13:12

E detugụọ m njọ ndị Ifrem, e detugụọ m njọ wẹ, butọ.

Emọsụ 3:10

Osolobuẹ sị: “Ama wẹ mẹ ihiẹn rị mma, ihiẹn junsọnmẹ okẹn ụlọ wẹ gichanrịn egbu-lẹ-egbu lẹ ohin bịa.”

Ndị Rom 1:18

Iwe-lẹ-ọnụma Osolobuẹ gha elu-igwee e sọn ndị ile a gbakitọ Osolobuẹ azụụn lẹ ndị ile e mẹ njọ, ndị gi eje-ihiẹn wẹ e mẹ e gbọndọn ezioku.

Ndị Rom 11:25

Umunẹ m, m chọ nị ụnụ marịn ihiẹn-omimini, amamgbe ụnụ e ro nị ụnụ ka ndị ọzọ mkpa. Isi-akwanran Izrẹlụ k'e ruhụ ogẹn ndị wụlẹni ndị Ju banlanị e gi zu ọnụ.

Ndị Rom 9:22

Kị rị a omẹni Osolobuẹ kpachanpụ ẹnya gi okẹn ndidin sọn ndị ọ sị o k'e tikpọ, kẹni o gi ihiẹn o k'e mẹ wẹ ghọsị iwe-lẹ-ọnụma a, mẹ ịhịan marịn ikẹn ẹ?

Ndị Kọrẹntị Nke Ẹbụọ 5:10

Makẹni ẹnyi ile k'a pụha ihun Oche okinkin-ikpe Kraịstị n'o kin ẹnyi ikpe, kẹni onyẹ-onyẹ narịn ụgwọ ihiẹn ọ rụn k'ọ rị imẹ ẹhụnị — kẹ mma kẹ njọ.

Ditrọnọmi 2:30

Kanị Sihọnụ wụ eze Hẹsh'bọnụ ekweni nị ẹnyi gha alị a, makẹni Osolobuẹ wụ Chuku ụnụ a kpọkingụọ a obi, mẹ ẹ gba isi-akwanran, n'ọ hụn ụzọ bu ẹ che ụnụ ẹka mẹri, k'o dọn nwan rị tannị.

Ditrọnọmi 32:34

E bugụọnị m ihiẹn ndịnị tọnị wẹ ihun, kpọkin wẹ ye ebe m'e dọnmẹ ihiẹn?

Ndị Tẹsalonika Nke Ẹbụọ 1:5

Ọ hụ a ghọsị nị okinkin-ikpe Osolobuẹ wela furu efuru; ụnụ hụzị e gi ẹ a wụrụ ndị furu ịbanye Alị-eze Osolobuẹ hụ ụnụ rị a tanị afụnfụn.

Hibru 3:13

Kama, e gi ni oku-Chuku a kasị ibe ụnụ obi ụhụọhịn-ụhụọhịn, hụnnị “tannị” ahụn wẹ ku oku ẹ imẹ Ẹkụkwọ-nsọ kelẹni ghafe, amamgbe ọ gha e nwọn onyẹ njọ dufie, mẹ ẹ kpọkin obi.

Hibru 3:15

Nọkẹ kẹ wẹ dọn ku ẹ imẹ Ẹkụkwọ-nsọ: “Ụnụ nụ olu Osolobuẹ tannị, a kpọkinkwọlẹ ni obi ụnụ, kẹ wẹ dọn mẹ ụhụọhịn hụ wẹ nupụ isi.”

Hibru 4:7

Osolobuẹ nọ kayezi ụhụọhịn ọzọ, kpọ a “tannị.” O biegụ ọhụnma-ọhụnma, ọ nọ ku ẹ imẹ Ẹkụkwọ-nsọ ghahanị Defidi — ebẹhụ ẹnyi rụtụ ẹka n'ọ sị, “Ụnụ nụ olu ẹ tannị, akpọkinkwọlẹ ni obi ụnụ.”

Jemisi 5:3

Goru ụnụ lẹ siliva ụnụ a gbagụọ nchara! Ncharanị wẹ gba k'a shịagbu ụnụ ẹri; o jẹnkọ d'e ripụ ụnụ uru-ẹhụ kẹ ọkụn dọn e ri ihiẹn, ụnụ gi kpatọ akụ-lẹ-ụba ogẹn ikpanzụụnnị.

Joshụa 11:20

makẹni Osolobuẹ kpọkin wẹ obi d'a lụsọn ndị Izrẹlụ agha, kẹn'o tikpọchanrịn wẹ, dọnrin ẹnya kpọnchanpụchanrịn wẹ, k'o dọn gwa Mozizi.

Pita Nke Ẹbụọ 2:9

wẹ ile ghọsị nị Di-nwọnni-ẹnyi ma gbapụha ndị e fen'ẹ imẹ ọnwụnwan, e bu ndị-njọ e che imẹ afụnfụn d'e ru Ụhụọhịn okinkin-ikpe,

Pita Nke Ẹbụọ 3:7

Nke igwere lẹ ụwa rị ogẹnni, Osolobuẹ e gigụọzị oku-ọnụ a hụ bu wẹ dọnmẹ n'o k'a dụn wẹ ọkụn; ọ rị e che Ụhụọhịn ahụn o k'e kin ndị-njọ ikpe, tikpọ wẹ.

Judu 1:6

nị ndị mmọn-ozi hụ te rị nsọ hụn nọdịlẹni ebe wẹ sị wẹ nọdị, la ọnọdị wẹ tọ, rị nwan ẹgbụn itẹbitẹ imẹ eje-ishi, e che okinkin-ikpe hụn jẹnkọ d'a rị okẹn Ụhụọhịn ahụn.

Rẹvẹleshọnụ 2:21

“E yeọlẹ m'a oghere bihutọ ẹka, kanị o kweni ghẹrẹbehi.

Rẹvẹleshọnụ 6:17

makẹni okẹn ụhụọhịn wẹ e gi ghọsị ọnụma a bịagụọ! Onyẹ jẹnkọ d'a sa ẹka wuzo!”

Samuẹlụ Nke Ibuzọ 6:6

Kị ụnụ rị a kpọkinni obi kẹ ndị Ijiptu lẹ Fẹro dọn mẹ? Ogẹn o gi gi ẹka ikẹn sọn wẹ, ahatuni wẹ ndị Izrẹlụ nị wẹ jẹnmẹ ebe wẹ jẹnkọ?