Ndị Rom 2:28 - Ika

²⁸ Makẹni, ẹlẹ ihiẹn ẹnya e legha kẹ ịhịan gi a wụ onyẹ Ju; ezigbo ugun ẹlẹ hụn wẹ kwahụ ẹhụ w'e legha ẹnya.

Ndị Rom 2:28 ပူးပေါင်းရင်းမြစ်များ

Ẹbụ-ọma 73:1

Chuku a rịkakwọ ndị Izrẹlụ mma ẹhụ, ndị obi wẹ rị ọchan.

Jerimaya 4:4

Kwanị nị Osolobuẹ ugun; kwapụ nị eje-ihiẹn rị ụnụ obi, ụnụ ndị alị Juda lẹ ndị bi obodo Jerusalẹm, amamgbe ọnụma m e kunrun ụnụ, dụn ụnụ kẹ ọkụn wẹ ghalẹni e tinyụn, yeni eje-ihiẹn ụnụ mẹ.

Jerimaya 9:25

Osolobuẹ sị, “Ogẹn lala hụn m'e gi ye ndị ile kwahụ ugun ẹhụ sụọ afụnfụn —

Jerimaya 9:26

ndị Ijiptu, ndị Juda, ndị Ẹdọm, ndị Amọnụ, ndị Mụabụ, uwẹ lẹ ndị ile bi atụ rịsọnmẹ ebe teni hụn a kọ ẹtu azụụnnị lẹ azụụnnị. Ndị alị ndịnị ile akwanị ugun nke-esi — nọkẹ kẹ ikpụlọ Izrẹlụ ile dọnlẹni kwa ugun imẹ obi wẹ.”

Matiu 3:9

atụkwọlẹ ni enwẹn ụnụ ntụ, a sị, ‘Ebraham wụ nẹdi ẹnyi nụ!’ Makẹni, m rị a gwakwọ ụnụ, Osolobuẹ k'a saẹka gi ọmụma ndịnị ye Ebraham ụmụ.”

Jọnụ 1:47

Ogẹn Jizọsị gi hụn Natanẹlụ k'ọ lala d'e kunrun ẹ, ọ nọ sị, “Ọnwan wụchanrịn onyẹ Izrẹlụ hụn nwọnlẹni ẹro!”

Ndị Rom 2:17

Kanị, ị sị nị ị wụ onyẹ Ju? Ị hụ e gi Iwu Mozizi e dọn ẹnya, e gi Osolobuẹ a nyan isi;

Ndị Galeshịa 6:15

Kẹ ịkwa-ugun kẹ akwanị-ugun arịnị mkpa, kaka! Ihiẹn rị mkpa wụ nị ịhịan a wụrụọlẹ onyẹ wẹ kedọnzi.

Ndị Ẹfẹsọsụ 2:11

Ebe ẹhụ rị, nyanhan nị nị ụnụ te wụ ndị alị ọzọ. Ndị Ju a kpọ ụnụ “ndị kwalẹni ugun,” a kpọ enwẹn wẹ “ndị kwa ugun” bụ ugun wẹ kwa ẹhụ mmaka rọ, ugun ịhịan kwa;

Pita Ibuzọ 3:21

Wẹ gi ọnwan gwatọ ẹnyi kẹ mirin-Chuku dọn nwan a zụọpụha ịhịan kikẹnni: ẹlẹ wẹ rị e gi mirin-Chuku a wụpụ unyin rị ịhịan ẹhụ, kama, ịhịan gi ẹ a ghọsị Osolobuẹ n'o gi obi ẹ ile bịa d'e kunrun ẹ, ghahanị olihi Jesu Kristi gha ọnwụn lihi.

Rẹvẹleshọnụ 2:9

A marịngụọ m afụnfụn ụnụ rị a ta, marịnzịkwọ kẹ ụnụ mẹhan ogbẹnnyẹ (kanị m sị ụnụ nị ọdanfịn kẹ ụnụ wụ nke-esi). A marịnghọ m kẹ ndị ahụn kpọ enwẹn wẹ ndị Ju dọn rị e kuja oku ụnụ. Ẹlẹ ndị Ju kẹ wẹ wụ kanị ndị itu Ekwensụ!