Ndị Rom 2:27 - Ika

²⁷ Ya wụ nị ndị kwalẹni ugun ẹhụ, bụ wẹ hụ e dọnmẹ Iwu hụ jẹnkọ d'a shịagbu ụnụ ẹri — makẹni ụnụ gi Iwu wẹ detu, ụnụ a kwagụọzị ugun bụ ụnụ hụzị a dan Iwu hụ.

Ndị Rom 2:27 ပူးပေါင်းရင်းမြစ်များ

Matiu 3:15

Kanị Jesu nọ sị, “Hapụ a nọ rị ẹrịra kikẹnni; o furu ni ẹnyi mẹkwama ihiẹn ile Osolobuẹ chọ.” Ya kẹ Jọnụ nọ nwan kweri mẹ ẹ mirin-Chuku.

Ọrụn Ndị-ozi 13:22

Chuku nọ wepụ Sọlụ, webanhan Defidi n'ọ wụrụ eze wẹ. Chuku ku oku Defidi, sị, ‘A hụngụọ m'a nị Defidi nwa Jese wụ ụdị ịhịan a sụọnị m, onyẹ hụn k'e mẹchanrịn uche m.’

Ndị Rom 13:10

Onyẹ nwọn ihiẹn-ọsụsụọ ịhịan ara mẹ ẹ eje-ihiẹn; ya wụ nwan nị onyẹ nwọn ihiẹn-ọsụsụọ ibe ẹ e mẹzuchanrịngụọ Iwu.

Ndị Rom 2:15

omumẹ wẹ hụ a ghọsị nị Osolobuẹ e degụ Iwu ahụn imẹ obi wẹ, ịhọrị wẹ hụ a shịanị wẹ ẹri: obi wẹ hụ a ma wẹ ikpe mọbụ e kuni wẹ ọhụnma.

Ndị Rom 2:20

n'ị yụ a dụn ndị nzuzu ọdụn — a kuzi ụmụẹka, nị amamihiẹn lẹ ezioku zu oke e ruọlẹ i ẹka makẹni i gi Iwu Mozizi?

Ndị Rom 2:25

Nị ịhịan kwa ugun a banghọ erere omẹni ị hụ e dọnmẹ Iwu Osolobuẹ. Kanị, omẹni y'e nupụ isi okpuru Iwu ẹ, ugun ị kwa ẹlẹzi ugun nke-esi.

Ndị Rom 2:26

O mẹ nwan nị ndị kwalẹni ugun e mẹ ihiẹn Iwu ku, ewerikọ wẹ wẹ nọkẹ ndị kwa ugun?

Ndị Rom 2:29

Kama, ezigbo onyẹ Ju wụ ihiẹn imẹ obi; ezigbo ugun wụzị ihiẹn imẹ-mmọn, ẹlẹ oku mkpụrụ-oku wẹ detu. Onyẹ nọ ẹnịna a narịn ịja-mma ẹka Osolobuẹ, ẹlẹ ẹka ịhịan.

Ndị Rom 3:30

ebe o mẹ ni Osolobuẹ wụ ohu sụọ. Ya k'o gi mẹ ni o k'e gi okukwe ndị Ju kuni wẹ ọhụnma, gizi okukwe ndị wụlẹni ndị Ju kuni wẹ ọhụnma.

Ndị Rom 8:4

Osolobuẹ mẹ ihiẹnni kẹni ihiẹn rị mma Iwu chọ hụn ụzọ e mẹ imẹ ndụn ẹnyi ndị rịzịlẹni e bi kẹ ịhịan-mmaka kanị kẹ Mmọn-nsọ dọn chọ.

Ndị Kọrẹntị Ibuzọ 7:19

Ịkwa-ugun enwọn ihiẹn ọ wụ; akwanị-ugun enwọn ihiẹn ọ wụ; ihiẹn rị mkpa wụ imẹ ihiẹn Osolobuẹ ku.

Ndị Kọrẹntị Nke Ẹbụọ 3:6

Osolobuẹ mẹ ẹnyi gi wụrụ ndị ma rụn ọrụn nkwerigbama ọhụnnị, ẹlẹ nke Iwu wẹ de ede, kanị nke Mmọn-nsọ. Makẹni Iwu wẹ de e gbu egbu, kanị Mmọn-nsọ e ye ndụn.

Ndị Galeshịa 5:14

Makẹni, wẹ wegbamachanrịn Iwu ile imẹ iwu ohu hụn wụ “Ihiẹn ibe i k'a sụọrịrị ị kẹ ihiẹn enwẹn i dọn a sụọ ị.”

Ndị Ẹfẹsọsụ 2:11

Ebe ẹhụ rị, nyanhan nị nị ụnụ te wụ ndị alị ọzọ. Ndị Ju a kpọ ụnụ “ndị kwalẹni ugun,” a kpọ enwẹn wẹ “ndị kwa ugun” bụ ugun wẹ kwa ẹhụ mmaka rọ, ugun ịhịan kwa;

Timoti Nke Ẹbụọ 3:15

y'a marịngụọzị Ẹkụkwọ-nsọ gha ẹhụ nwa-ndu i lala, Ẹkụkwọ-nsọ hụn k'a saẹka ye i amamihiẹn y'e gi nwọn nzụọpụha ghahanị ikwerini Kraịstị wụ Jizọsị.

Hibru 11:3

Okukwe kẹ ẹnyi gi a ghọta nị oku-ọnụ kẹ Osolobuẹ gi ke ụwa, ya wụ nị ihiẹn ẹnya ghalẹni a legha kẹ wẹ gha mẹmẹpụha ihiẹn ẹnya e legha.