Ndị Rom 2:2 - Ika

² Ẹnyi a marịnghọ nị Osolobuẹ wụ onyẹ ezioku ebe ọ nọ ma ndị e mẹ ihiẹn ndị nọ ẹrịra ikpe.

Ndị Rom 2:2 ပူးပေါင်းရင်းမြစ်များ

Jẹnẹsisi 18:25

Y'e mẹkọ ẹrịra! Onwọnni ogẹn y'e gi tikpọgbama ndị ezi-omumẹ lẹ ndị-njọ, nke wụnị ihiẹn mẹ ndị-njọ e mẹ ndị ezi-omumẹ. Onwọnni ogẹn yụ wụ Osolobuẹ e gi mẹ ẹ! Ọka-ikpe ụwa ile a hankọ eṅẹn rị mma?”

Jobu 34:23

Ya wụ, ẹlẹ hụn Chuku k'e gi lelemẹzi ịhịan; ẹlẹ hụn w'e gi bịa ihun ẹ n'o kin wẹ ikpe.

Ẹbụ-ọma 145:17

Osolobuẹ e mẹ ihiẹn ile ọhụnma; o mẹ ihiẹn ile k'o furu.

Ẹbụ-ọma 9:4

Y'a ghọsịgụọ n'o nwọnni ihiẹn m mẹ, y'a ghagụọ ukpo-eze i han ezigbo eṅẹn.

Ẹbụ-ọma 96:13

wẹ ghọghọma ihun Osolobuẹ, makẹni ọ lala d'e kin ụwa ikpe. O k'e kin ụwa ikpe furuni; o k'a hannị ndị alị ile ezigbo eṅẹn.

Ẹbụ-ọma 98:9

wẹ yimẹni Osolobuẹ oro ịghọghọ n'ọ lala d'e kin ụwa ikpe. O k'e kin ụwa ikpe ọhụnma, o k'a hannị alị ile ezigbo eṅẹn.

Azaya 45:19

Ekuni m'ẹ nzuzue, anọnị m ebe tegbu enwẹn ẹ gba ishi ku ẹ — asịnị m ebọn Jekọpụ ‘femẹ m mmaka’, Ezioku k'e mmẹ wụ Osolobuẹ e ku; ntụ arị oku m.

Azaya 45:21

Gwalele ni m nwan ihiẹn k'e mẹ ihun, ku n'ẹ nwan! Wẹ tụgbama iroro kin ihiẹn wẹ k'e kin! Onyẹ kutọ oku ihiẹn ndịnị rị e mẹ kikẹnni? Onyẹ ku oku wẹ mbụ-mbụ — karị mmẹ wụ Osolobuẹ? Onwọnzikwọnị Chuku ọzọ rịnị wezụka m — Chuku hụn rị ọchan, hụn a zụọpụhanị; ọzọ arịa wezụka mmẹ.

Jerimaya 12:1

Jerimaya nọ sị, “Euu Osolobuẹ, y'a han ezigbo eṅẹn, ogẹn ile m gi e kinghọsị ị. Kanị nị ẹnyi lebankwọ ihiẹnni ẹnya: kị haịn ihiẹn gi a rịnị ndị eje-omumẹ mma? Kị haịn ẹhụ gi e fu ndị ghalẹni a gbaye Osolobuẹ?

Izikẹlụ 18:25

“Kanị ụnụ hụ a sị, ‘Osolobuẹ ara mẹ ihiẹn ọhụnma.’ Ụmụ Izrẹlụ, ụnụ sị m'a ra mẹ ihiẹn ọhụnma? Ẹlẹ ụnụ ghalẹni e mẹ ihiẹn ọhụnma?

Izikẹlụ 18:29

Kanị ụmụ Izrẹlụ hụkwọ a sị, ‘Osolobuẹ ara mẹ ihiẹn ọhụnma.’ Ụmụ Izrẹlụ, ụnụ sị m'a ra mẹ ihiẹn ọhụnma? Ẹlẹ ụnụ ghalẹni e mẹ ihiẹn ọhụnma?

Daniẹlụ 4:37

Mmẹ wụ Nebukadineza rị nwan a ja Eze elu-igwee mma, e bushi ẹ elu, e ye ẹ ọghọ makẹni ihiẹn ile o mẹ rị mma; ụzọ a ile zinrin ezinrin. Ọ sa ẹka e wetu ndị hụn e bọnmẹni alị.

Zẹfanaya 3:5

Kanị Osolobuẹ egbehutọnị, kaka! Onyẹ ezi-omumẹ ọ wụ imẹ obodo ahụn k'ọ wụkwọ tan; ara mẹgbu ịhịan: ọ hụ a han eṅẹn ụhụọhịn ile, ara gberi ụhụọhịn. Kanị ifẹnrẹn arị emẹ ndị njọ.

Ọrụn Ndị-ozi 17:31

Makẹni, ọ kayegụọ ụhụọhịn o gi kin ụwa ikpe zinrinni ghahanị okẹnnyẹ ohu o tumẹ. Ọ ghọsịgụọ onyẹ okẹnnyẹ hụ wụ ghahanị iweli ẹ ogẹn o gi nwụnhụngụ.”

Ndị Rom 2:1

Onwọnni nwan ihiẹn yụ nwẹn k'e kin, onyẹ hụn rị a ma ikpe! Makẹni, ebe ị nọ ma ndị ọzọ ikpe k'ị nọ ma enwẹn i ikpe. Makẹni, yụ nwẹn rị a ma wẹ ikpe rịzị e mẹ ihiẹn ị rị a manị wẹ ikpe.

Ndị Rom 2:3

Ịyụ nwẹn hụn e mẹzi ihiẹn ndị hụ i gi a hangbu ndị ọzọ eṅẹn, i ro ni Osolobuẹ ekinkọ ị ikpe?

Ndị Rom 2:5

Kanị, ebe ị nọ a kpọkin obi i, a jụ nị y'e rogharịkọ, ị rị e kpọn afụnfụn e cheni afụnfụn hụn wẹ jẹnkọ d'e ye i Ụhụọhịn iwe-lẹ-ọnụma, ụhụọhịn ahụn Osolobuẹ k'e gi han eṅẹn ahụn zinrinni.

Ndị Rom 9:14

Nị ẹnyi sị nwan nị Osolobuẹ e gbeyeni ịhịan? Mba, kaka!

Rẹvẹleshọnụ 16:5

Ya kẹ m nọ nụ kẹ mmọn-ozi mirin ile rị ẹka a sị, “Euu Onyẹ-nsọ, onyẹ hụn rị kikẹnni hụn rịzịkwọ mbụ, ihiẹn furuni k'i mẹ ebe ị nọ ye afụnfụn ndịnị.

Rẹvẹleshọnụ 19:2

makẹni ọ han ezigbo eṅẹn furuni; O yeọlẹ okẹn ịgbaraja hụ afụnfụn ta ịgbaraja hụ gi ughẹrẹ ẹ wiwi ndị rị ụwa. O gbugwarịgụọ a ogbugbu o gbu idibo Osolobuẹ.”