Ndị Rom 2:17 - Ika

¹⁷ Kanị, ị sị nị ị wụ onyẹ Ju? Ị hụ e gi Iwu Mozizi e dọn ẹnya, e gi Osolobuẹ a nyan isi;

Ndị Rom 2:17 ပူးပေါင်းရင်းမြစ်များ

Ẹbụ-ọma 135:4

Makẹni Osolobuẹ a họrịgụọ Jekọpụ n'ọ wụrụ nke ẹ; ọ họrịgụọ Izrẹlụ n'ọ wụrụ ihiẹn ẹ pụ-ichẹn.

Azaya 45:25

Osolobuẹ k'a tụnị ụmụ Izrẹlụ ile ụya, a nyanma wẹ isi.”

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Zẹfanaya 3:11

O ru ogẹn hụ e wepụ m'ị ifẹnrẹn ihun, Jerusalẹm — ifẹnrẹn ihiẹn ile ụnụ gi nupụnị m isi. Makẹni, m k'e wepụ ndị mpache lẹ ndị e mẹkarị enwẹn wẹ, ụnụ emẹkarịkọzị enwẹn ụnụ elu Ugu nsọ m.

Matiu 3:9

atụkwọlẹ ni enwẹn ụnụ ntụ, a sị, ‘Ebraham wụ nẹdi ẹnyi nụ!’ Makẹni, m rị a gwakwọ ụnụ, Osolobuẹ k'a saẹka gi ọmụma ndịnị ye Ebraham ụmụ.”

Luku 10:28

Jesu nọ sị a, “Y'a zagụọ ọhụnma; mẹ ẹ nwan kẹni i rị ndụn.”

Jọnụ 5:39

“Ụnụ a mụ Ẹkụkwọ-nsọ a mụshi ẹ ikẹn, makẹni ụnụ ro ni imẹ ẹ kẹ ụnụ a gha nwọn ndụn-itẹbitẹ; bụ Ẹkụkwọ-nsọ hụ rị a shịanị m ẹri,

Jọnụ 5:45

“Erokwọlẹ ni nị m k'e kpe ụnụ ẹka Chuku-Nẹdi; onyẹ e kpeni ụnụ wụ Mozizi ahụn ụnụ gi dọn ẹnya.

Jọnụ 7:19

“Mozizi e yegụọnị ụnụ Iwu? Kanị onwọnni akpụ onyẹ ohu e dọnmẹ Iwu hụ imẹ ụnụ. Kị ụnụ rị a chọnị nị ụnụ gbu m?”

Jọnụ 8:33

Wẹ nọ sị a, “Ụmụ Ebraham kẹ ẹnyi wụ; ẹnyi awụtuni igbọn ịhịan. K'ị rị a sịnị, ‘Ụnụ jẹnkọ d'e weri enwẹn ụnụ’?!”

Jọnụ 8:41

Ihiẹn nẹdi ụnụ e mẹ kẹ ụnụ rịhụ e mẹ.” Ya wẹ nọ sị a, “Ẹnyi ẹlẹ ụmụ ọwụ, Osolobuẹ sụọ wụ Nẹdi ẹnyi.”

Ndị Rom 2:23

Ịyụ hụn gi Iwu Osolobuẹ a nyan isi, ị hụ a dan Iwu ahụn a fa Osolobuẹ?

Ndị Rom 3:27

Kị ịhịan k'e gizi nwan nyan isi? Onwọnzini. Kị haịn nwan? Makẹni ẹlẹzi ọrụn kẹ wẹ gi e mẹ ẹ kanị okukwe.

Ndị Rom 9:32

Kị haịn wẹ gilẹni sa ẹka? Makẹni egini wẹ okukwe mẹ ẹ, ọrụn wẹ kẹ wẹ gi dọn ẹnya, ya wẹ nọ kpọgburu Ọmụma ahụn ịhịan a kpọgburu,

Ndị Kọrẹntị Nke Ẹbụọ 11:22

Omẹni wẹ wụ ndị Hibru, ya kẹ mmẹ nwẹn wụ; omẹni wẹ wụ ndị Izrẹlụ, ya kẹ mmẹ nwẹn wụ; omẹni wẹ wụ ụmụ Ebraham, ya kẹ mmẹ nwẹn wụzị;

Ndị Galeshịa 2:15

M nọzị sị Pita, “Ndị Ju mụ ẹnyi nwẹn; ẹnyi ẹlẹ ndị w'a kpọ ‘ndị wụlẹni ndị Ju, ndị omẹ-njọ.’

Ndị Ẹfẹsọsụ 2:11

Ebe ẹhụ rị, nyanhan nị nị ụnụ te wụ ndị alị ọzọ. Ndị Ju a kpọ ụnụ “ndị kwalẹni ugun,” a kpọ enwẹn wẹ “ndị kwa ugun” bụ ugun wẹ kwa ẹhụ mmaka rọ, ugun ịhịan kwa;

Rẹvẹleshọnụ 2:9

A marịngụọ m afụnfụn ụnụ rị a ta, marịnzịkwọ kẹ ụnụ mẹhan ogbẹnnyẹ (kanị m sị ụnụ nị ọdanfịn kẹ ụnụ wụ nke-esi). A marịnghọ m kẹ ndị ahụn kpọ enwẹn wẹ ndị Ju dọn rị e kuja oku ụnụ. Ẹlẹ ndị Ju kẹ wẹ wụ kanị ndị itu Ekwensụ!

Rẹvẹleshọnụ 3:1

“Dejẹnni onyẹ-isi ụka Sadisi, sị a: “Lee ihiẹn onyẹ hụ gi Mmọn ẹsa Osolobuẹ lẹ kokisẹ ẹsa hụ ku: a marịnghọ m ihiẹn ị rị e mẹ. W'e weri i kẹ onyẹ rị ndụn, kanị y'a nwụnhụngụọ!

Rẹvẹleshọnụ 3:9

“Lee ẹ! M k'e wẹhẹ ndị ụlọ-ofufe Ekwensụ ahụn, ndị ntụ ahụn a kpọ enwẹn wẹ ndị Ju bụ ẹlẹ wẹ ndị Ju, a bịa wẹ ụkụ ị d'a kụnị ị isi alị, kẹni wẹ hụn ụzọ marịn nị ihiẹn i sụọ m.