Ndị Rom 2:13 - Ika

¹³ Makẹni ẹlẹ ndị a nụhụ ihiẹn Iwu ku kẹ Osolobuẹ e kuni ọhụnma kanị ndị e mẹ ihiẹn Iwu ku.

Ndị Rom 2:13 ပူးပေါင်းရင်းမြစ်များ

Ẹbụ-ọma 143:2

Dodo, akpọlẹ mmẹ wụ odibo i kpe, makẹni onwọnni onyẹ rị ndụn hụn rị ọchan ẹnya ị,

Jerimaya 11:6

Ya kẹ Osolobuẹ nọ sị m, “D'a hị ihiẹnni imẹ obodo ndị rị alị Juda lẹ ọgbara-ogbe ile rị imẹ obodo Jerusalẹm, sị wẹ, ‘Gọn ni ntịn ihiẹn mmẹ lẹ ụnụ kwerigbama, ụnụ e gi ẹ e bi.

Izikẹlụ 20:11

M nọ yini wẹ uhi m, mẹ wẹ marịn ihiẹn m chọ nị wẹ e mẹ, hụn o mẹni onyẹ mẹ wẹ ọ rị ndụn.

Luku 18:14

“Jesu nọ sị: M rị a gwa ụnụ nị onyẹ ụgwọ-isi hụ kẹ Osolobuẹ kuni ọhụnma n'o d'a lama iwe ẹ, ẹlẹ onyẹ Itu-Farisi hụ. Makẹni, onyẹ bushi enwẹn ẹ elu, e welụa w'ẹ alị; onyẹ welụa enwẹn ẹ alị, e bushi wẹ ẹ elu.”

Luku 8:21

Jizọsị nọ sị wẹ, “Ndị a nụ oku-Chuku e gi ẹ e bi — uwẹ wụ nnẹ m lẹ umunẹ m!”

Jọnụ 13:17

Ebe o mẹni ụnụ a marịnghọ ihiẹn ndịnị, Osolobuẹ jẹnkọ d'a gọzi ụnụ ụnụ mẹ wẹ.

Ọrụn Ndị-ozi 13:39

ihiẹn ile Iwu Mozizi ghalẹni a sa ẹka a hatu onyẹ mẹn'ẹ.

Ndị Rom 10:5

Mozizi ku oku ezi-omumẹ wẹ gi idọnmẹ Iwu e nwọnhẹn, sị: “Onyẹ dọnmẹ iwu ndịnị, o gi wẹ rị ndụn.”

Ndị Rom 2:25

Nị ịhịan kwa ugun a banghọ erere omẹni ị hụ e dọnmẹ Iwu Osolobuẹ. Kanị, omẹni y'e nupụ isi okpuru Iwu ẹ, ugun ị kwa ẹlẹzi ugun nke-esi.

Ndị Rom 3:20

Makẹni, onwọnni onyẹ jẹnkọ d'e gi idọnmẹ Iwu Mozizi wụrụ onyẹ ezi-omumẹ ebe Osolobuẹ rị, makẹni Iwu Mozizi ke wẹ gidẹ a ghọsị ịhịan n'o mẹọlẹ njọ.

Ndị Rom 3:23

makẹni ịhịan ile e mẹgụọ njọ, tuhu ọghọ Osolobuẹ ye wẹ;

Ndị Rom 3:30

ebe o mẹ ni Osolobuẹ wụ ohu sụọ. Ya k'o gi mẹ ni o k'e gi okukwe ndị Ju kuni wẹ ọhụnma, gizi okukwe ndị wụlẹni ndị Ju kuni wẹ ọhụnma.

Ndị Kọrẹntị Ibuzọ 4:4

Obi m hụghọ ọchan, kanị ẹlẹ ọhụn kẹ ẹka m e gi rị ọchan; Di-nwọnni-ẹnyi ya nwọn kin m ikpe.

Ndị Galeshịa 2:16

Bụ ẹnyi a marịnghọ nị ẹlẹ Iwu ịhịan dọnmẹ kẹ Osolobuẹ gi e kun'ẹ ọhụnma, kanị ikwerini Jesu Kristi, gi ẹ e dọn ẹnya. Ẹnyi lẹ enwẹn ẹnyi e kwerigụọ nị nwan Jesu Kristi, kẹni Osolobuẹ gi ọhụn kuni ẹnyi ọhụnma ẹlẹ nị ẹnyi e dọnmẹ Iwu Mozizi. Makẹni, onwọnni onyẹ Osolobuẹ k'e kuni ọhụnma makẹni o dọnmẹ Iwu.

Ndị Galeshịa 5:4

Onyẹ ọwụlẹ rị e dọnmẹ Iwu n'o gi ẹ wụrụ onyẹ ezi-omumẹ ẹnya Osolobuẹ a ghagụọ imẹ Kraịstị pụ; ọ ghagụọkwọ imẹ ẹfọma Osolobuẹ mẹ danpụ.

Ditrọnọmi 4:1

Ndị Izrẹlụ-e, nụkwọ nị nwan uhi lẹ iwu ndị m sikọ nwan d'e ye ụnụ. E mẹ ni wẹ kẹni ụnụ rị ndụn, banye d'e weri alị ahụn Osolobuẹ wụ Chuku ndị nẹdi ụnụ rị e ye ụnụ.

Ditrọnọmi 5:1

Mozizi kpọzu Izrẹlụ ile, sị wẹ, “Izrẹlụ, gọn ni ntịn uhi lẹ iwu ndịnị m k'e tumẹni ụnụ tannị. Mụ nị wẹ, ụnụ a hụn a ni ụnụ e gi wẹ e bi.

Ditrọnọmi 6:3

Euu ndị Izrẹlụ, gọnkwọ nị ntịn, dọnrin ni ẹnya mẹ ihiẹn ndịnị, kẹni ọ rịnị ụnụ mma, ụnụ a ba ụba ọda-ọda, alị ahụn a wụrụnị ụnụ alị mirin-ẹran anụ lẹ mirin-ẹnwụn jun, e hu, nọkẹ kẹ Osolobuẹ wụ Chuku ndị nẹdi ụnụ dọn kwe ụnụ nkwa.

Jemisi 1:27

Ezigbo ofufe zu oke, rụlẹni ẹnya Osolobuẹ Nẹdi ẹnyi wụ hụnnị: ịtụnị ndị nwọnlẹni nẹdi mọbụ nnẹ lẹ ikpoho di wẹ nwụn rị e ri ụya ụya, lẹzi idọnmẹ enwẹn ịhịan makẹ ụwa gha e mẹrụ a.

Jọnụ Ibuzọ 2:29

Omẹni ụnụ a marịnghọ n'ọ rị ọchan, gi n'ẹ marịn nị ịya mụ onyẹ ọwụlẹ e bi obibi rị ọchan.

Jọnụ Ibuzọ 3:7

Ụmụẹka, anịlẹ ni onyẹ ọwụlẹ dufie ụnụ! Onyẹ e bi obibi rị ọchan rị ọchan kẹ Kraịstị dọn rị ọchan.