Ndị Rom 2:11 - Ika

¹¹ Makẹni Osolobuẹ ara gbeyeni ịhịan.

Ndị Rom 2:11 ပူးပေါင်းရင်းမြစ်များ

Ihiẹn Mẹni Nke Ẹbụọ 19:7

A tụ nị nwan egun Osolobuẹ; e dọnrin ni ẹnya e dọnzi oku, makẹni, Osolobuẹ wụ Chuku ẹnyi achọnị mmẹgbu mọbụ igbeyeni ịhịan mọbụ ịna ọgị-azụụn.”

Jobu 34:19

Ẹlẹ ịya wụ onyẹ hụn ghalẹni e gbeyeni ndị-ọkịkị, onyẹ hụn ghalẹni emẹyeni ọdanfịn a hapụ ogbẹnnyẹ, makẹni ya mẹmẹ wẹ ile?

Matiu 22:16

Wẹ nọ zijẹn ndị nsọnmazụụn wẹ lẹ ndị itu Hẹrọdụ d'a jụ a ụtaanị: “Onyẹ-nkuzi, ẹnyi a marịnghọ n'ị wụ onyẹ ezioku, nị ị rị a kuzi ụzọ Osolobuẹ k'o furu, nị egun ịhịan ara tụ ị, y'a ra lee ịhịan ẹnya ihun.

Luku 20:21

Wẹ nọ sị a, “Onyẹ-nkuzi, ẹnyi a marịnghọ nị oku-ọnụ ị lẹ nkuzi i kụrụ ọtọ; y'a ra lee ịhịan ẹnya ihun, kama, y'a kuzi ụzọ Osolobuẹ k'ọ rịchanrịn.

Ọrụn Ndị-ozi 10:34

Ya kẹ Pita nọ gwama wẹ oku, sị, “A hụngụọ m'a nwan nị Osolobuẹ ara tu onyẹ ịhịan wụ.

Ndị Rom 9:14

Nị ẹnyi sị nwan nị Osolobuẹ e gbeyeni ịhịan? Mba, kaka!

Ndị Galeshịa 2:6

Ndị ahụn nọ kẹ sị wẹ wụ ndị-ndu enwọnni ihiẹn ọhụn wẹ bucheni m. Ihiẹn ọwụlẹ wẹ wụ enwọn ihiẹn ọ wụ ebe m rị, makẹni Osolobuẹ ara lee ịhịan ẹnya ihun.

Ndị Ẹfẹsọsụ 6:9

Ndị ịhịan rị okpuru wẹ, e gizi nị ẹka rị mma ẹrịra e sọn wẹ. Erọnzilẹ ni wẹ egun. Ụnụ a marịnghọ nị ụnụ lẹ wẹ rị okpuru Nna ohu hụn rị elu-igwee hụn ghalẹni e tu onyẹ ịhịan wụ.

Ditrọnọmi 10:17

Makẹni, Osolobuẹ wụ Chuku ụnụ wụ Chuku ka mmọn-lẹ-iyi ile, Nna ndị nna; Chuku ahụn hi ogbe, hụn e mẹ ihiẹn a tụ egun; ara gbeyeni ịhịan, ara na egho azụụn.

Ditrọnọmi 16:19

Ahanjalẹ ni eṅẹn mọbụ gbeyeni ịhịan. Anakwọlẹ ni egho-azụụn, makẹni egho-azụụn e kpukin onyẹ marịn ihiẹn ẹnya, e mẹ onyẹ kụrụ ọtọ a fịhutọ oku onyẹ ezi-omumẹ.

Ndị Kolosị 3:25

ndị ile rị e mẹ eje-ihiẹn k'a narịn ụgwọ a, onwọnni onyẹ o klee ẹnya ihun.

Pita Ibuzọ 1:17

Ebe ụnụ rị a kpọ Onyẹ hụn ghalẹni e gbeyeni ịhịan Nẹdi ụnụ, Onyẹ hụn e gi ihiẹn onyẹ mẹ e kin ẹ ikpe, gikwọ nị nwan egun ẹ bichanrịn ogẹn họdụ ụnụ k'e bi elu-ụwanị ụnụ wụ itumunyẹ.