Ndị Rom 16:7 - Ika

⁷ Kele ni Andronikusu lẹ Junia, ndị Ju ibe m mmẹ lẹ wẹ wị jẹn ngan. Ndị-ozi pụ-ichẹn marịn wẹ ọhụnma-ọhụnma; uwẹ bu m ụzọ sọnmẹ Kraịstị.

Ndị Rom 16:7 ပူးပေါင်းရင်းမြစ်များ

Azaya 45:17

Kanị Osolobuẹ k'a zụọpụha ndị Izrẹlụ, nzụọpụha hụn k'a rị jẹnrin ejẹn; d'e ru ọgụgụ ogẹn ụnụ afakọ, o kpuyekọ ụnụ!

Azaya 45:25

Osolobuẹ k'a tụnị ụmụ Izrẹlụ ile ụya, a nyanma wẹ isi.”

Jọnụ 14:20

O ru ụhụọhịn hụ, ụnụ jẹnkọ d'a marịn nị m rị imẹ Nẹdi m, nị ụnụ rị imẹ m, mmẹ nwẹn rị imẹ ụnụ.

Jọnụ 15:2

Agalaba m ọwụlẹ mịlẹni mkpụrụ, o bepụ a; kanị agalaba hụn mị mkpụrụ, o befọn ẹ, kẹni ọ mịkẹnmẹ.

Jọnụ 6:56

Onyẹ ri ẹhụ m, ra ẹdeke m, k'a rịsọnmẹ imẹ m, mmẹ lẹ enwẹn m a rịsọnmẹ imẹ ẹ.

Ndị Rom 16:10

Kele ni Apẹlẹsị hụn wẹ e ku oku ẹ ọhụnma imẹ ihiẹn Kraịstị. Kele ni ezi-lẹ-ụlọ Aristobulusu.

Ndị Rom 16:11

Kele ni Hẹrodiọnụ onyẹ Ju ibe m. Kele ni ndị ezi-lẹ-ụlọ Nasisọsụ hụn kwerini Di-nwọnni-ẹnyi.

Ndị Rom 16:21

Timoti mmẹ lẹ ya wị a rụn ọrụn e zi ekele ụnụ, ya lẹ Lushiọsụ lẹ Jasịnị lẹ Sosipata ndị Ju ibe m.

Ndị Rom 16:3

Kele ni Prisilia lẹ Akwila ndị-ọrụn ibe m imẹ Kraịstị Jizọsị.

Ndị Rom 16:6

Kele ni Meri hụn shini ụnụ ọnwụnnẹi ile.

Ndị Rom 16:8

Kele ni Amplayatọsụ, ezi nwẹnẹ m imẹ Di-nwọnni-ẹnyi.

Ndị Rom 16:9

Kele ni Ọbanusu onyẹ-ọrụn ibe ẹnyi imẹ Kraịstị lẹ ezi ọwụ m wụ Stakisi.

Ndị Rom 8:1

Ya wụ, onwọnzini nwan ikpe hụn ma ndị rị imẹ Kraịstị wụ Jizọsị, ndị rịzịlẹni e bi kẹ ịhịan-mmaka kanị kẹ Mmọn-nsọ dọn chọ.

Ndị Rom 8:11

Omẹni Mmọn onyẹ hụn gha ọnwụn weli Kraịstị bi imẹ ndụn ụnụ, onyẹ hụn weli Kraịstị sikọ d'e mẹzikwọ ẹhụ ụnụ a nwụnhụnnị n'ọ rị ndụn — ghahanị Mmọn a hụn bi imẹ ndụn ụnụ.

Ndị Rom 9:3

ebe m rị e ro ndị alị m! Nkẹ ọ rị m nị Osolobuẹ bụ m ọnụ wepụ m imẹ Kraịstị, omẹni ọhụn kẹ wẹ e gi nwọn nzụọpụha.

Ndị Kọrẹntị Ibuzọ 1:30

Osolobuẹ mẹ ụnụ gi nwan rị imẹ Kraịstị Jizọsị hụn wụ nwan amamihiẹn ẹnyi gha ẹka Osolobuẹ bịa lẹ ezi-omumẹ ẹnyi lẹ onyẹ ẹnyi gi rị nsọ lẹ onyẹ nzụọpụha ẹnyi.

Ndị Kọrẹntị Nke Ẹbụọ 11:23

omẹni wẹ wụ ndị-ọrụn Kraịstị, nị m kusọnmẹ rịkẹ onyẹ isi zulẹni oke, mmẹ ka wẹ onyẹ-ọrụn Kraịstị a wụ — makẹni mmẹ ka ọrụn a rụn, mmẹ ka ngan e jẹn, mmẹ kẹ wẹ ka mkpịnsịn a fịan — mgbe ole-lẹ-ole kẹ wẹ fịanpụ m mkpịnsịn. Ọnwụn a kpọsọnmẹzi m ihun.

Ndị Kọrẹntị Nke Ẹbụọ 12:2

A marịnghọ m onyẹ nke Kraịstị ohu wẹ weri shikwọrị elu-igwee nke ẹtọ ahụa mmẹnọ ghanị: kẹ imẹ anụ-ẹhụ k'o mẹ kẹ ẹlẹ imẹ anụ-ẹhụ, amarịn m; Osolobuẹ ya marịn.

Ndị Kọrẹntị Nke Ẹbụọ 5:17

Ya wụ, onyẹ rị imẹ Kraịstị a wụrụọlẹ onyẹ wẹ kedọnzi; ihiẹn akan a gharịgụọ; lee ẹ, ihiẹn ile e họnringụọ nke ọhụn!

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Ndị Galeshịa 1:22

Ndị ụka Kraịstị rịsọnmẹ Ẹgbẹrẹ Judia e ke marịn m ọmarịn ẹnya ogẹn ahụn.

Ndị Galeshịa 2:2

M jẹn ebẹhụ makẹni Osolobuẹ ghọsị m ihiẹn; m nọ kọwanị wẹ oziọma m rị e zi imẹ igunrun ndị wụlẹni ndị Ju. Kanị nzuzue kẹ m nọ mẹ ẹ — ẹgbata mmẹ lẹ ndị wẹ weri nị wẹ wụ ndị-isi sụọ, amamgbe ọ wụrụ nị m rị a gba ọsọ ọlaliwi mọbụ nị hụn m gbapụ a lagụọ iwi.

Ndị Galeshịa 2:6

Ndị ahụn nọ kẹ sị wẹ wụ ndị-ndu enwọnni ihiẹn ọhụn wẹ bucheni m. Ihiẹn ọwụlẹ wẹ wụ enwọn ihiẹn ọ wụ ebe m rị, makẹni Osolobuẹ ara lee ịhịan ẹnya ihun.

Ndị Galeshịa 5:6

Makẹni, imẹ Kraịstị wụ Jizọsị, ịkwa-ugun lẹ akwanị-ugun enwọnni ihiẹn ọ wụ. Ihiẹn rị mkpa wụ okukwe rị e gi ihiẹn-ọsụsụọ a ghọsị enwẹn ẹ.

Ndị Galeshịa 6:15

Kẹ ịkwa-ugun kẹ akwanị-ugun arịnị mkpa, kaka! Ihiẹn rị mkpa wụ nị ịhịan a wụrụọlẹ onyẹ wẹ kedọnzi.

Ndị Ẹfẹsọsụ 2:10

Ọrụn-ẹka Osolobuẹ kẹ ẹnyi wụ, ndị o ke imẹ Kraịstị wụ Jizọsị, kẹni ẹnyi hụn ụzọ e mẹ ihiẹn rị mma o ketọnị ẹnyi.

Ndị Kolosị 4:10

Arịstakusu onyẹ-ngan ibe m e kele ụnụ, ya lẹ Makị nwa-nwẹnẹ Banabasị. (Ẹnyi a gwatọgụọ ụnụ nabanhan Makị omẹni ọ bịa ebẹhụ.)

Filemọnụ 1:23

Ẹpafrasị hụn mmẹ lẹ ịya rị nwan ngannị makẹ ufiri Kraịstị Jizọsị e zi ekele i.

Jọnụ Ibuzọ 4:13

Ihiẹn ẹnyi gi marịn nị ẹnyi rị imẹ ẹ, ya nwẹn hụ imẹ ẹnyi, wụ n'o yegụọ ẹnyi Mmọn-nsọ a.

Jọnụ Ibuzọ 5:20

Ẹnyi a marịnghọ nị Nwa Osolobuẹ a bịagụọ, n'o yegụọ ẹnyi nghọta hụn ẹnyi e gi marịn onyẹ ahụn wụ Ezioku. Ẹnyi rị nwan imẹ onyẹ ahụn wụ Ezioku lẹ Nwa a wụ Jesu Kristi. Ịya wụ Osolobuẹ nke-esi lẹ ndụn-itẹbitẹ.

Rẹvẹleshọnụ 1:9

Mmẹ wụ Jọnụ nwẹnẹ ụnụ, hụn rịzị ndị rị a tanị Jesu afụnfụn lẹ ndị alị-eze Jesu lẹ ndị rị e lee ẹnya Jesu — nọkẹ kẹ ụnụ lẹ enwẹn ụnụ dọn rị e lee ẹnya a. Ndị ọkịkị gi ufiri oku Osolobuẹ lẹ ozi Jesu nwụnrụn m, bu m tọ alị Patịmọsụ ohimin fihunmẹ.