Ndị Rom 16:21 - Ika

²¹ Timoti mmẹ lẹ ya wị a rụn ọrụn e zi ekele ụnụ, ya lẹ Lushiọsụ lẹ Jasịnị lẹ Sosipata ndị Ju ibe m.

Ndị Rom 16:21 ပူးပေါင်းရင်းမြစ်များ

Ọrụn Ndị-ozi 13:1

O nwọn ndị amụma lẹ ndị-nkuzi rị ụka rị Antịọkụ. Ndịnị wụ: Banabasị lẹ Simiọnụ w'a kpọ Onyẹ-ogi lẹ Lushiọsụ onyẹ alị Saịrini lẹ Manẹni hụn ya lẹ Hẹrọdụ nọ ụlọ ohu sue lẹzi Sọlụ.

Ọrụn Ndị-ozi 17:14

Ndị rị ebẹhụ kwerini nọ weri Pọlụ pụ ozigbo-ozigbo, sị a jẹnmẹ mkpẹnrẹn Ohimin; kanị Saịlasị lẹ Timoti nọ nọdịgụ Bẹrịa ebẹhụ.

Ọrụn Ndị-ozi 17:5

Makẹni ẹnya rị a fụ ndị Ju, wẹ nọ chọrị ndị isi-mgbaka imẹ afịa, wẹ nọ bu isusu che obodo hụ. A zụnbanhan wẹ iwe Jasịnị d'a chọ Pọlụ lẹ Saịlasị, kẹni wẹ wepụha wẹ weye ndị alị.

Ọrụn Ndị-ozi 18:5

Ogẹn Saịlasị lẹ Timoti gi gha Masẹdonia bịa, Pọlụ nọ gi ogẹn ẹ ile e ku oku-Chuku, a kọwanị ndị Ju nị Jesu wụ Kraịstị.

Ọrụn Ndị-ozi 19:22

Ya ọ nọ zi madụ ẹbụọ imẹ ndị rị e yen'ẹ ẹka — Timoti lẹ Ẹrastọsụ — shi Ẹgbẹrẹ Masẹdonia, ya nwẹn a nọdịzị imẹ Eshịa ẹkẹrẹ.

Ọrụn Ndị-ozi 20:4

Ịya lẹ ndịnị wị: Sopata nwa Paịrusu, onyẹ Bẹrịa; Arịstakusu lẹ Sekọndusu, ndị Tẹsalonika; Gayọsụ onyẹ Debẹ; lẹ Timoti; lẹzi ndị Eshịa wụ Taịkikọsụ lẹ Trofimọsụ.

Ndị Rom 16:11

Kele ni Hẹrodiọnụ onyẹ Ju ibe m. Kele ni ndị ezi-lẹ-ụlọ Nasisọsụ hụn kwerini Di-nwọnni-ẹnyi.

Ndị Rom 16:7

Kele ni Andronikusu lẹ Junia, ndị Ju ibe m mmẹ lẹ wẹ wị jẹn ngan. Ndị-ozi pụ-ichẹn marịn wẹ ọhụnma-ọhụnma; uwẹ bu m ụzọ sọnmẹ Kraịstị.

Ndị Rom 9:3

ebe m rị e ro ndị alị m! Nkẹ ọ rị m nị Osolobuẹ bụ m ọnụ wepụ m imẹ Kraịstị, omẹni ọhụn kẹ wẹ e gi nwọn nzụọpụha.

Ndị Kọrẹntị Nke Ẹbụọ 1:1

Mmẹ wụ Pọlụ de Ẹkụkwọ-ozini. M wụ onyẹ-ozi pụ-ichẹn Kraịstị Jizọsị ghahanị uche Osolobuẹ. Mmẹ lẹ Timoti nwẹnẹ ẹnyi gba de Ẹkụkwọ-ozini. Ndị ụka Osolobuẹ rị alị Kọrẹntị kẹ ẹnyi rị e dejẹnn'ẹ, uwẹ lẹ ndị nsọ ile wẹ ile gba rị Ẹgbẹrẹ Akaya.

Ndị Kọrẹntị Nke Ẹbụọ 1:19

Makẹni Nwa Osolobuẹ wụ Jesu Kristi hụn mmẹ lẹ Sivanọsụ wụ Saịlasị lẹ Timoti zi ụnụ ozi ẹ ẹlẹ onyẹ a sị “ẹghẹẹ,” a sị “Mba;” ihiẹn rị imẹ ẹ ogẹn ile wụ “ẹghẹẹ.”

Ndị Filipi 1:1

Pọlụ lẹ Timoti de ẹkụkwọ-ozini. Ẹnyi wụ igbọn Kraịstị wụ Jizọsị. Ẹnyi rị e dejẹnni ndị ile rị imẹ Kraịstị wụ Jizọsị, ndị nsọ Osolobuẹ, hụn rị Filipi, uwẹ lẹ ndị-isi wẹ lẹ ndị-ọrụn ụka wẹ.

Ndị Kolosị 1:1

Mmẹ wụ Pọlụ de ẹkụkwọ-ozini. M wụ onyẹ-ozi pụ-ichẹn Kraịstị wụ Jizọsị, makẹni uche Osolobuẹ rọ. Mmẹ lẹ Timoti nwẹnẹ ẹnyi gba de ẹ.

Ndị Tẹsalonika Ibuzọ 1:1

Pọlụ lẹ Sivanọsụ lẹ Timoti de ẹkụkwọ-ozini. Ụka Osolobuẹ Nẹdi ẹnyi lẹ Di-nwọnni-ẹnyi Jesu Kristi rị imẹ Tẹsalonika kẹ ẹnyi rị e dejẹnni ẹ. Ẹfọma lẹ udọn ya rịnị ụnụ.

Ndị Tẹsalonika Ibuzọ 3:2

ẹnyi nọ zihẹni ụnụ Timoti nwẹnẹ ẹnyi hụn ẹnyi lẹ ịya gba a rụnnị Osolobuẹ ọrụn izisọnmẹ oziọma Kraịstị, sị a d'a dụ ẹjan ye ụnụ ukun, gba ụnụ umẹ nị ụnụ kwọnkẹnmẹ okukwe ụnụ —

Ndị Tẹsalonika Ibuzọ 3:6

Hụnnị Timoti ghagụ nwan azụụn nke ụnụ lụaha, wẹhẹni ẹnyi ozi rị mma, nị okukwe ụnụ lẹ ihiẹn-ọsụsụọ ụnụ hụ mma; nị ụnụ hụ a nyanhan ẹnyi ọhụnma-ọhụnma ogẹn ile lẹ ni ẹnyi hụ a da ụnụ kẹ ụnụ dọn rị a da ẹnyi;

Ndị Tẹsalonika Nke Ẹbụọ 1:1

Pọlụ lẹ Sivanọsụ lẹ Timoti de ẹkụkwọ-ozini. Ẹnyi rị e dejẹnni ụka Tẹsalonika hụn rị imẹ Osolobuẹ Nẹdi ẹnyi lẹ Di-nwọnni-ẹnyi wụ Jesu Kristi ya.

Timoti Ibuzọ 1:2

M rị e dejẹnni Timoti wụ ezigbo nwa m imẹ okukwe. Ẹfọma lẹ omikẹn lẹ udọn Chuku-Nẹdi lẹ Kraịstị wụ Jizọsị Di-nwọnni-ẹnyi ya rịnị ị.

Timoti Ibuzọ 6:11

Kanị, ịyụ, onyẹ nke Osolobuẹ, gbanị ihiẹn ndịnị ile ọsọ. Chụma ezi-omumẹ, ife-Chuku ọhụnma, okukwe, ihiẹn-ọsụsụọ, ndidin lẹ imẹ-jụụ.

Timoti Ibuzọ 6:20

Euu, Timoti, kwọnkẹnmẹkwọ ihiẹn wẹ buche i ẹka; latọkwọ oku ndị ahụn nwọnlẹni erere ọ bannị ihiẹn Osolobuẹ lẹ oku zulẹni oke wẹ rị a kpọ, “Amamihiẹn” bụ ẹlẹ ya.

Timoti Nke Ẹbụọ 1:2

M rị e dejẹnni ezi nwa m wụ Timoti: ẹfọma, omikẹn lẹ udọn hụn gha ẹka Chuku Nẹdi lẹ Kraịstị wụ Jizọsị Di-nwọnni-ẹnyi bịa ya rịnị ị.

Hibru 13:23

M chọ nị ụnụ marịn nị a hatugụọ wẹ Timoti nwẹnẹ ẹnyi. Mmẹ lẹ ịya jẹnkọ d'a wị m lalanị d'a hụn ụnụ, omẹni ọ bịaghọ ẹgwa.