Ndị Rom 16:19 - Ika

¹⁹ Ịhịan ile a nụgụọ kẹ ụnụ dọn rị e humẹ isi, ọ hụ a sụọ m; kanị m chọ nị ụnụ e gi uche e mẹ ihiẹn rị mma, e dọnmẹ ẹka ụnụ ọchan ebe eje-ihiẹn rị.

Ndị Rom 16:19 ပူးပေါင်းရင်းမြစ်များ

Ẹbụ-ọma 101:2

M k'e dọnrin ẹnya bi obibi nwọnlẹni nkọrịanị. Elee mgbe kẹ y'a bịa d'e kunrun m? M k'e gi obi kụrụ ọtọ bi iwe m.

Jerimaya 4:22

“Ndị nke m e zuzu ezuzu; amarịn wẹ m. Ụmụ nwọnlẹni uche kẹ wẹ wụ; enwọn wẹ nghọta. Eje-ihiẹn kẹ wẹ marịn ẹnya a; ama wẹ mẹ ihiẹn rị mma.”

Matiu 10:16

“Lee n'ẹ, m zikọ ụnụ kẹ atụnrụn wẹ ziye imẹ igunrun ẹwọrọ. E gi ni uche e bi — rịkẹ agwọ, ka rị nị kẹ nduru hụn ghalẹni a rụ ịhịan ẹhụ.

Luku 10:3

Jẹnmẹ ni nwan! Lee ẹ, m zikọ ụnụ kẹ atụnrụn wẹ ziye imẹ igunrun ẹwọrọ.

Ndị Rom 1:8

Nke ibuzọ, m rị e gi ufiri ụnụ ile a kpanmịn Osolobuẹ m ghahanị Jesu Kristi, makẹni wẹ rị e ku oku okukwe ụnụ imẹ ụwa ile.

Ndị Kọrẹntị Ibuzọ 14:20

Umunẹ m, erolẹ ni iroro kẹ ụmụẹka! O mẹ nke imẹ-njọ, a wụ nị ụmụẹka, kanị, o mẹ nke iroro, e ro ni iroro kẹ ndị ka-ẹhụ.

Ndị Ẹfẹsọsụ 5:17

Ebilẹ ni nwan kẹ ndị nwọnlẹni uche, ka ghọta nị ihiẹn wụ uche Di-nwọnni-ẹnyi.

Ndị Filipi 1:9

Ekpere m wụ nị ụnụ e nwọn ihiẹn-ọsụsụọ, e nwọnwaye, ihiẹn-ọsụsụọ ya lẹ amamihiẹn lẹ nghọta zu oke wị,

Ndị Filipi 2:15

kẹni ụnụ wụrụ ndị nwọnlẹni nkọrịanị, ndị ẹka wẹ rị ọchan; ụmụ Osolobuẹ obibi wẹ nwọnlẹni ntụpọ hụn bi imẹ eje-agbọ zinrinlẹni, e nwun, e ke, imẹ ụwanị kẹ kokisẹ.

Ndị Kolosị 3:16

A nị nị oku Kraịstị a rị imẹ ndụn ụnụ ọda-ọda. E gi ni amamihiẹn lẹ akọ-lẹ-uche ile a kuzi ibe ụnụ, a dụn wẹ ọdụn; e gi obi rị a kpanmịn Osolobuẹ a bụnị Osolobuẹ ẹbụ-ọma rị Ẹkụkwọ-nsọ lẹ ẹbụ-ofufe lẹ ẹbụ-nsọ.