Ndị Rom 15:2 - Ika

² Nị ẹnyi e mẹni ibe ẹnyi imẹ Kraịstị ihiẹn rị mma hụn k'a sụọnị wẹ, kẹni okukwe wẹ sue.

Ndị Rom 15:2 ပူးပေါင်းရင်းမြစ်များ

Ndị Rom 14:19

Nị ẹnyi a chọ nị nwan ihiẹn ẹnyi lẹ ibe ẹnyi e gi bi udọn, e sue imẹ okukwe.

Ndị Kọrẹntị Ibuzọ 10:23

Wẹ sị, “Ịhịan nwọn ikẹn mẹ ihiẹn ọ chọ n'o mẹ.” Kanị, ẹlẹ ihiẹn ile e ye ẹka. Wẹ sị, “Ịhịan nwọn ikẹn mẹ ihiẹn ọ chọ n'o mẹ.” Kanị, ẹlẹ ihiẹn ile e mẹ okukwe ịhịan e sue.

Ndị Kọrẹntị Ibuzọ 10:24

Onyẹ ọwụlẹ ya chọma ọrịrịmma ndị-ọzọ, ẹlẹ nke ẹ.

Ndị Kọrẹntị Ibuzọ 10:33

Ẹrịra kẹ mmẹ nwẹn e mẹ: m'a lịlịma ụzọ ile nị m'e mẹ n'ọ sụọ ịhịan ile, m'a ra chọ nke m, kanị nke ịhịan ile, kẹni wẹ hụn ụzọ nwọn nzụọpụha.

Ndị Kọrẹntị Ibuzọ 13:5

Ihiẹn-ọsụsụọ a gbaye ịhịan; ara chọ nke-ẹ nke-ẹ; ara bukẹnrin olulu; ihiẹn-ọsụsụọ ara gụntọ eje-ihiẹn wẹ e mẹ ẹ.

Ndị Kọrẹntị Ibuzọ 14:26

Umunẹ m, kị ẹnyi e mẹ nwan? Ụnụ zu, onyẹ-onyẹ nwọn ihiẹn ọ k'a s'ẹka mẹ: ikẹnkwọ ẹbụ rọ; ikẹnkwọ nkuzi, ikẹnkwọ ihiẹn Osolobuẹ ghọsị ịhịan, ikẹnkwọ ịsụ-asụsụ ọzọ, ikẹnkwọ ịnaye oku: e mẹ ni ihiẹn ile k'o dọn buli okukwe ịhịan elu.

Ndị Kọrẹntị Ibuzọ 14:3

Kanị, hụn rị a gwapụ wẹ uche Osolobuẹ rị a gwa ịhịan, e mẹ okukwe wẹ e sue, a gba wẹ umẹ, a kasị wẹ obi.

Ndị Kọrẹntị Nke Ẹbụọ 12:19

Ụnụ rodẹ nwan nị ẹnyi gi hụnnị ile e kinrin ọnụ ẹnyi ihun ụnụ ra? Ẹlẹkwọ ya! Ẹnyi rị e ku ẹ ihun Osolobuẹ, e ku ẹ kẹ Kraịstị chọ. Ndị nke m, ẹnyi rị e mẹ ihiẹnni ile kẹni okukwe ụnụ sue.

Ndị Kọrẹntị Nke Ẹbụọ 13:9

Ẹnyi a ghọghọ aghọghọ omẹni ẹnyi ezeni bụ ụnụ e zeghọ. Ekpere ẹnyi wụ nị ụnụ zuchanrịn oke.

Ndị Ẹfẹsọsụ 4:12

O yesọnmẹ oyiye ndịnị n'o gi wẹ a zụn ndị nke Osolobuẹ ile ọzụnzụn ọrụn Kraịstị chọ lẹni o gi wẹ e mẹ ẹhụ Kraịstị wụ ụka e sue, a tụn a kẹ ụlọ.

Ndị Ẹfẹsọsụ 4:29

Anịlẹ ni eje-oku pụha ụnụ ọnụ, kanị oku rị mma a gba ịhịan umẹ, a bann'a erere imẹ ọnọdị ọ rị, kẹni oku ọnụ ụnụ e yeni ndị rị e gọn ntịn ẹka.