Ndị Rom 15:16 - Ika

¹⁶ hụn o gi tumẹ m onyẹ-ọrụn Kraịstị wụ Jizọsị imẹ igunrun ndị wụlẹni ndị Ju. M rị nwan a rụn kẹ onyẹ nchụn-ẹjan ghahanị izisọnmẹ oziọma Osolobuẹ, kẹni wẹ wẹhẹ ndị alị ndị ọzọ d'a wụrụ oyiye Osolobuẹ a nabanhan, oyiye hụn Mmọn-nsọ dọn nsọ.

Ndị Rom 15:16 ပူးပေါင်းရင်းမြစ်များ

Ọgụngụn 7:62

ugbẹgbẹ goru ohu wẹ gi akpụrụ goru iri mẹmẹ hụn wẹ kpọn nsẹnsi jun;

Ọrụn Ndị-ozi 13:2

Ebe wẹ zu e fe Di-nwọnni-ẹnyi, e bu ọnụ, Mmọn-nsọ nọ sị, “Wepụha nị nị m Banabasị lẹ Sọlụ, nị wẹ hụn ụzọ d'a rụn ọrụn m kpọ wẹ d'a rụn.”

Ọrụn Ndị-ozi 20:24

Kanị onwọnni ihiẹn m kpọ ndụn m, kasị m gbagụ ọsọ Osolobuẹ, rụngụ ọrụn Di-nwọnni-ẹnyi wụ Jesu buche m ẹka: ọrụn izisọnmẹ oziọma banyeni ọhụnma Osolobuẹ mẹ.

Ọrụn Ndị-ozi 20:32

“M rị nwan e bu ụnụ e che ẹka Osolobuẹ lẹ ozi banyeni ọhụnma a, ozi ẹ hụn k'a s'ẹka tụn ụnụ kẹ ụlọ mẹ ụnụ turu — weye ụnụ ihiẹn runi ụnụ imẹ ndị nsọ Osolobuẹ ile.

Ọrụn Ndị-ozi 22:21

Ya ọ nọ sị m, ‘Jẹnmẹ! M zikọ ị ebe tegbu enwẹn ẹ d'e kunrun ndị alị ọzọ wụlẹni ndị Ju.’ ”

Ọrụn Ndị-ozi 9:15

Kanị Di-nwọnni-ẹnyi nọ sị a, “Jẹnmẹ, makẹni okẹnnyẹni kẹ m họrị n'ọ wụrụ ihiẹn-ọrụn m hụn k'e we ẹfan m jẹnni alị ndị ọzọ lẹ ndị-nze lẹ ndị Izrẹlụ;

Ndị Rom 1:1

Mmẹ wụ Pọlụ de ẹkụkwọ-ozini. M wụ igbọn Jizọsị Kraịstị. Osolobuẹ kpọ m, tumẹ m onyẹ-ozi pụ-ichẹn makẹ Oziọma Osolobuẹ.

Ndị Rom 11:13

M rị a gwa ụnụ ndị wụlẹni ndị Ju oku. Ebe o mẹ ni m wụ onyẹ-ozi pụ-ichẹn Osolobuẹ zijẹnni ndị wụlẹni ndị Ju, m'e mẹ oku ọrụn m ọda-ọda,

Ndị Rom 15:18

Ekukọdẹ m ihiẹn ọwụlẹ karị ihiẹn Kraịstị gi m rụn imẹ igunrun ndị alị ọzọ wụlẹni ndị Ju, hụn o gi mẹ wẹ wụrụ ndị e humẹni Osolobuẹ isi. Ihiẹn o gi oku-ọnụ m lẹ ihiẹn m rụn mẹ,

Ndị Rom 15:19

lẹ ihiẹn ile o gi ihiẹn-nghọsị lẹ ọrụn-atụmẹnya lẹ ikẹn Mmọn Osolobuẹ rụn; nke wụ nị e zigbarịgụọ m oziọma Kraịstị ghakwọrị Jerusalẹm d'e ru Ilaịrịkọm.

Ndị Rom 15:20

Ihiẹn m'a chọ ogẹn ile wụ nị m'e zi oziọma ebe wẹ kelẹni nụ ẹfan Kraịstị, amamgbe m'a tụnyemẹzi ebe onyẹ ọzọ tụnmagụ.

Ndị Rom 15:29

M lalanị, a marịnghọ m nị m k'e buhẹ ngọzi Kraịstị mmagi-mmagi.

Ndị Rom 5:5

bụ olilẹnyanị ekpuyekọ ẹnyi, makẹni Osolobuẹ nwọn ihiẹn-ọsụsụọ ẹnyi ọda-ọda — o hugụọd'a ye ẹnyi imẹ obi ghahanị Mmọn-nsọ a o ye ẹnyi.

Ndị Kọrẹntị Ibuzọ 3:5

Kị Apolọsụ wụdẹ? Kị Pọlụ wụdẹ? Idibo ụnụ gha ẹka wẹ kweri kẹ wẹ wụ, onyẹ-onyẹ lẹ ogbo Di-nwọnni-ẹnyi ye ẹ rụn:

Ndị Kọrẹntị Ibuzọ 4:1

O furu nwan nị ịhịan e weri ẹnyi kẹ idibo Kraịstị lẹ ndị ihiẹn-omimi Osolobuẹ rị ẹka.

Ndị Kọrẹntị Ibuzọ 6:19

Ụnụ amarịndẹ nwan nị ẹhụ ụnụ wụ Ụlọ-nsọ hụn Mmọn-nsọ rị imẹ ụnụ bi, Mmọn-nsọ Osolobuẹ ye ụnụ, nị ẹlẹ ụnụ nwọn enwẹn ụnụ?

Ndị Kọrẹntị Nke Ẹbụọ 11:23

omẹni wẹ wụ ndị-ọrụn Kraịstị, nị m kusọnmẹ rịkẹ onyẹ isi zulẹni oke, mmẹ ka wẹ onyẹ-ọrụn Kraịstị a wụ — makẹni mmẹ ka ọrụn a rụn, mmẹ ka ngan e jẹn, mmẹ kẹ wẹ ka mkpịnsịn a fịan — mgbe ole-lẹ-ole kẹ wẹ fịanpụ m mkpịnsịn. Ọnwụn a kpọsọnmẹzi m ihun.

Ndị Kọrẹntị Nke Ẹbụọ 5:20

Ndị-nnọkin ẹnya Kraịstị kẹ ẹnyi wụ nwan, Osolobuẹ gi ẹnyi a rịọ ụnụ; ẹnyi rị nwan a rịọdọnni Kraịstị: dodo ni, “Kinhẹn ni d'e kunrun Osolobuẹ!”

Ndị Kọrẹntị Nke Ẹbụọ 8:5

ẹlẹdẹ kẹ ẹnyi ro: e bugụọ wẹ ụzọ we enwẹn wẹ ye Di-nwọnni-ẹnyi, ya wẹ nọ nwan we enwẹn wẹ ye ẹnyi nị uche Osolobuẹ rọ.

Ndị Galeshịa 3:5

Osolobuẹ hụn e ye ụnụ Mmọn-nsọ a, a rụn ọrụn atụmẹnya imẹ igunrun ụnụ, o ye ụnụ ya nị ụnụ rị e dọnmẹ Iwu Mozizi ra makẹni ụnụ hụ a nụ e gi ihiẹn ụnụ nụ e dọn?

Ndị Ẹfẹsọsụ 2:18

Ghahanị Kraịstị, ẹnyi ile a sa nwan ẹka a gha Mmọn-nsọ ohu a banhan ebe Nẹdi ẹnyi wụ Osolobuẹ rị, kẹ ndị Ju kẹ ndị alị ọzọ.

Ndị Ẹfẹsọsụ 2:22

Hụnnị ụnụ rị imẹ Kraịstị, ụnụ nwẹn rịzị nwan ndị Osolobuẹ rị a tụn kẹ ụlọ, nị ụnụ wụrụ ebe Osolobuẹ e bi ghahanị Mmọn-nsọ a.

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Ndị Filipi 2:17

Ọsụọn'a nwan nị wẹ rị nwan e hupụ ndụn m nọkẹ manya e cheni okukwe ụnụ nọkẹ ẹjan wẹ rị a chụnyeni Osolobuẹ, ẹfọ rị a sụọ m ụsụọ; m rị e sọn ụnụ a ghọghọ!

Ndị Filipi 4:18

Ihiẹn ile ụnụ ye e rugụọ m ẹka! O bukẹ!! Hụnnị Ẹpafrọditọsụ wẹhẹni m ihiẹn ile ụnụ ye ẹ bịanị m, ẹfọ e jungụọ m. Oyiye ishin ẹ a sụọ Osolobuẹ rọ, ẹjan Osolobuẹ a nabanhan hụn a sụọ a ụsụọ.

Ndị Tẹsalonika Ibuzọ 2:2

Ọsụọn'a nị ẹnyi a tagụọ afụnfụn imẹ Filipi kẹ ụnụ lẹ enwẹn ụnụ dọn marịn, e gbe wẹ ifẹnrẹn ye ẹnyi ihun ebẹhụ, kanị, hụn ahụn ẹnyi rị a lụ ọnwụn, ẹnyi nọkwọ hụn ikẹn saẹka kushi ikẹn ghahanị ikẹn Osolobuẹ zi ụnụ oziọma Osolobuẹ.

Ndị Tẹsalonika Ibuzọ 2:9

Umunẹ, ụnụ a nyanhanghọ kẹ ẹnyi dọn e gi ẹka ẹnyi a lụrụ ogẹn hụ, a rụngbu enwẹn ẹnyi kẹ uhinhin kẹ efinnaị, amamgbe ẹnyi gha a wụrụnị onyẹ ọwụlẹ ibu imẹ ụnụ ebe ẹnyi rị e zi ụnụ oziọma Osolobuẹ.

Ndị Tẹsalonika Ibuzọ 5:23

Osolobuẹ lẹ enwẹn ẹ, onyẹ hụn udọn gha ẹka a bịa, ya dodo dọn ụnụ nsọ ụzọ ile: ya anịlẹ ụnụ nwọn nkọrịanị ọwụlẹ imẹ mmọn ụnụ mọbụ umẹ-ndụn ụnụ mọbụ ẹhụ ụnụ ogẹn Di-nwọnni-ẹnyi wụ Jesu Kristi k'e gi bịa.

Timoti Ibuzọ 1:11

Ezigbo nkuzini rị imẹ oziọma hụn Osolobuẹ, Onyẹ hụ furu w'a ja mma, buche m ẹka.

Timoti Ibuzọ 2:7

Ịya haịn wẹ gi tumẹ m onyẹ e zisọnmẹ ozi ẹ lẹ onyẹ-ozi pụ-ichẹn (m rị e ku ezioku, arị m a tụ ntụ) lẹ onyẹ a kuzi ndị wụlẹni ndị Ju okukwe lẹ ezioku.

Timoti Nke Ẹbụọ 1:11

Ufiri oziọmanị k'o gi tumẹ m onyẹ e zisọnmẹ ozi, onyẹ-ozi pụ-ichẹn lẹ onyẹ-nkuzi;

Hibru 13:16

Hụn n'a nị ụnụ hụ e mẹ ihiẹn rị mma lẹni ihiẹn ụnụ hụ e ru ibe ụnụ ẹka, makẹni ụdị ẹjannị a sụọ Osolobuẹ ụsụọ.

Pita Ibuzọ 1:12

Osolobuẹ nọ ghọsị wẹ nị ẹlẹ wẹ, nị ụnụ kẹ wẹ rị e zitọnị ozi. Ụnụ a nụgụọ a nwan ọnụ ndị wẹhẹni ụnụ oziọma ghahanị ikẹn Mmọn-nsọ ahụn Osolobuẹ gha elu-igwee zihẹ. Ndị mmọn-ozi nkẹ a chọka nị wẹ leghadẹ ihiẹn ndịnị!

Pita Ibuzọ 2:5

Imẹ ẹ, ụnụ nwẹn wụzị ọmụma rị ndụn hụn wẹ rị e gi a tụn ụlọ imẹ-mmọn, kẹni ụnụ hụn ụzọ wụrụ ndị nchụn-ẹjan rị nsọ, ndị gha ẹka Jizọsị Kraịstị a chụn ẹjan imẹ-mmọn hụn a sụọ Osolobuẹ.