Ndị Rom 15:14 - Ika

¹⁴ Umunẹ m, o wegụọ m ẹnya nị mma-mma jun imẹ ụnụ, nị amamihiẹn jun imẹ ụnụ, ni ụnụ a magụọ kuzi ibe ụnụ.

Ndị Rom 15:14 ပူးပေါင်းရင်းမြစ်များ

Ndị Kọrẹntị Ibuzọ 1:5

hụn wụnị ụnụ e nwọngụọ oyiye ile rị ichẹn-ichẹn imẹ Kraịstị: kẹ oyiye ile ya lẹ oku-ọnụ wị kẹ oyiye amamihiẹn ile —

Ndị Kọrẹntị Ibuzọ 12:8

Mmọn-nsọ ye onyẹ ohu oyiye igi amamihiẹn e ku; Mmọn-nsọ ohu hụ yezikwọ onyẹ ọzọ oyiye o gi ku oku ịhịan e gi marịn ihiẹn ọ marịnlẹni.

Ndị Kọrẹntị Ibuzọ 13:2

O mẹdẹ ni m nwọn oyiye m gi e bu amụma e zi ozi Osolobuẹ, nwọnzikwọ oyiye m gi a ghọta ihiẹn ile mini lẹ hụn m gi a marịnchanrịn ihiẹn ile; ọsụọn'a nị m nwọn okukwe ile, nwọndẹ hụn m gi a saẹka e bupụ ugu ọnọdị a bụ enwọn m ihiẹn-ọsụsụọ, onwọnni ihiẹn m wụ!

Ndị Kọrẹntị Ibuzọ 8:1

Nị ẹnyi ku nwan oku ihiẹn-oriri wẹ gi rụa mmọn. Ẹnyi a marịnghọ nị, “Ẹnyi ile marịn ihiẹn.” Okẹn ịmarịn-ihiẹn e mẹ ịhịan a fụshihụ elu, kanị ihiẹn-ọsụsụọ e mẹ ịhịan e sueshi elu nke-esi.

Ndị Kọrẹntị Ibuzọ 8:10

Makẹni, omẹni onyẹ nke Kraịstịnị obi ẹ zelẹni a hụn ịyụ hụn marịn ihiẹn ebe ị rị ụlọ-mmọn e ri ihiẹn-oriri, ọ kpọkinkọ obi ri ihiẹn-oriri wẹ gi rụa mmọn?

Ndị Kọrẹntị Ibuzọ 8:7

Kanị, ẹlẹ ịhịan ile marịn ihiẹnni ile. Makẹni, o nwọnghọ ndị ịrụa-mmọn mụmarịngụ mbụ, wẹ riọlẹ ihiẹn-oriri wẹ gi rụa mmọn, obi e gbumẹ wẹ mgbu — makẹni obi wẹ ezeni.

Ndị Kọrẹntị Nke Ẹbụọ 8:7

Kẹ ụnụ dọn nwan rị e nwọn ihiẹn ile mmagi-mmagi, kẹ okukwe kẹ oyiye oku-ọnụ kẹ amamihiẹn kẹ adụdụ kẹ ihiẹn-ọsụsụọ rị ẹgbata ẹnyi lẹ ụnụ, ẹrịra kẹ ẹnyi chọzị nị ụnụ mẹ ebe ọrụn-eyemẹkanị rị.

Ndị Ẹfẹsọsụ 5:9

makẹni mkpụrụ hụn ukpẹ a mị wụ ihiẹn ile rị mma lẹ ezi-omumẹ ile lẹ ihiẹn ile wụ ezioku.

Ndị Filipi 1:11

makẹni o ru a hụn w'a nị ndụn ụnụ a mịjungụọ mkpụrụ hụn wụ ezi-omumẹ, hụn gha ẹka Jesu Kristi a bịa. O k'e wẹhẹni Osolobuẹ ọghọ lẹ ọjịja-mma.

Ndị Filipi 1:7

O furughọ nị oku ụnụ ile a rị m ẹnịna, makẹni ụnụ rị m obi ogẹn ile! Ẹghẹẹ, makẹni mmẹ lẹ ụnụ hụ e gi ihiẹn Osolobuẹ gi a gọzi ẹnyi e yetarị ẹka: kẹ ebe m rị imẹ ngan kẹ ebe m rị a kwadọn oziọma, e mẹ ihiẹn o gi e werichanrịn ọnọdị.

Ndị Kolosị 3:16

A nị nị oku Kraịstị a rị imẹ ndụn ụnụ ọda-ọda. E gi ni amamihiẹn lẹ akọ-lẹ-uche ile a kuzi ibe ụnụ, a dụn wẹ ọdụn; e gi obi rị a kpanmịn Osolobuẹ a bụnị Osolobuẹ ẹbụ-ọma rị Ẹkụkwọ-nsọ lẹ ẹbụ-ofufe lẹ ẹbụ-nsọ.

Ndị Tẹsalonika Ibuzọ 5:11

A gba nị nwan ibe ụnụ umẹ, e mẹ ihiẹn ibe ụnụ e gi sue, kẹ ụnụ dọn nwan rị e mẹ.

Ndị Tẹsalonika Ibuzọ 5:14

Umunẹ, ẹnyi rị a dụn ụnụ ọdụn: a gba nị ndị nọdị mmaka mkpịnsịn-ẹka; a kasị nị ndị-ụjọ obi; e yeni ni ndị zelẹni ẹka; e gi ni ndidin e sọn onyẹ ọwụlẹ.

Ndị Tẹsalonika Nke Ẹbụọ 1:11

Ya haịn ẹnyi gi e mẹni ụnụ ekpere ogẹn ile, a rịọ Osolobuẹ ẹnyi n'o mẹ ụnụ a ghọsị nị oku ọ kpọ ụnụ alanị iwi; n'o gi ikẹn ẹ mẹ ihiẹn-ọma ile ụnụ chọ lẹ ọrụn ọwụlẹ ụnụ gi okukwe a rụn;

Timoti Nke Ẹbụọ 1:5

M hụ a nyanhan okukwe i hụn gha akpakalị obi i pụha; okukwe ohu hụ bu ụzọ rị imẹ nnẹ i kanị wụ Lọịsị lẹ nnẹ i wụ Yunisi, hụn m marịn n'ọ rịzịkwọ nwan imẹ i.

Filemọnụ 1:21

M rị e deni i ihiẹnni makẹni a marịnghọ m n'i k'e humẹ isi; a marịnghọ m n'i k'e mẹkarịdẹ ihiẹn m gwa ị.

Hibru 5:12

Ẹghẹẹ, ụnụ te furu nwan a kuzi ndị ọzọ, kanị ụnụ e họnrinzi ndị w'a kuzimẹzi ihiẹn ibuzọ rị oku Osolobuẹ! Ụnụ e họnrinzi ndị wẹ e ye mirin-ẹran mmaka ẹlẹ ihiẹn-oriri ndị ka ẹhụ!

Hibru 6:9

Kanị, ndị m bu obi, ọsụọn'a nị ẹnyi rị e ku ẹnịna, obi ru ẹnyi alị nị nke ụnụ jẹnkọ d'a ka mma; nị nke ụnụ k'a wụ nzụọpụha lẹ ihiẹn ya lẹ nzụọpụha wị.

Pita Nke Ẹbụọ 1:12

Ya wụ, m chọ nwan nị m'a nyanhannị ụnụ ihiẹn ndịnị ogẹn ile, ọsụọn'a nị ụnụ a marịngụọlẹ wẹ; ọsụọn'a nị ụnụ e turugụọ ọhụnma imẹ ezioku hụ wẹ wẹhẹni ụnụ.

Jọnụ Ibuzọ 2:21

Ẹlẹ ni ụnụ amarịn ezioku haịn m gi e deni ụnụ, kanị, makẹni ụnụ a marịngụọ a — ụnụ a marịnghọ n'o nwọnni ntụ a gha imẹ ezioku a pụha.