Ndị Rom 14:4 - Ika

⁴ Onyẹ k'ị wụ i gi a ma odibo onyẹ ọzọ ikpe? Di-nwọnn'ẹ nwọn ku k'o turughọ ra o turuni. Kanị o k'e turu, makẹni Di-nwọnni-ẹnyi k'a saẹka mẹ ẹ turu.

Ndị Rom 14:4 ပူးပေါင်းရင်းမြစ်များ

Ẹbụ-ọma 17:5

Ụzọ ị sụọ kẹ m'a gha, ụkụ m aghanị imẹ ẹ pụ.

Ẹbụ-ọma 37:17

makẹni wẹ k'a napụ ndị-njọ ikẹn, kanị Osolobuẹ k'e dọnmẹ ndị ezi-omumẹ.

Ẹbụ-ọma 37:24

ọ sụọn'a nị ọ kpọgburu akpọgburu, ọ dankọ, makẹni Osolobuẹ e gi ẹka a a ghọdọn ẹ.

Ẹbụ-ọma 37:28

Makẹni ndị e mẹ ihiẹn furuni a sụọ Osolobuẹ a sụọ; ọ latọkọ ndị nsọ a. O che wẹ nche jẹnrin ejẹn, kanị wẹ k'e gbupụ ụmụ ndị-njọ;

Azaya 40:29

O mẹ ndụn a ban ndị ndụn gụ, e yecheni ndị ndụn rịlẹni ikẹn.

Ọrụn Ndị-ozi 11:17

O mẹ nwan nị Osolobuẹ ye wẹ oyiye ohu hụ o ye ẹnyi ogẹn ẹnyi gi kwerini Di-nwọnni-ẹnyi wụ Jesu Kristi, onyẹ kẹ m wụ hụn m'e gi gbọndọn Osolobuẹ!?”

Ndị Rom 11:23

Nke ndị Ju hụ wẹ kwapụ makẹni ekwerini wẹ, wẹ kweri, Osolobuẹ e we wẹ chezi osisi hụ — makẹni o k'a s'ẹka mẹ ẹ.

Ndị Rom 14:3

Onyẹ hụn e ri ihiẹn ile y'e lelịalẹ onyẹ ghalẹni e ri ihiẹn ile; onyẹ hụn ghalẹni e ri ihiẹn ile ya amalẹ onyẹ hụn e ri ihiẹn ile ikpe, makẹni Osolobuẹ a nabanhangụọ a.

Ndị Rom 16:25

Ọjịja-mma ya rịnị Osolobuẹ hụn k'a s'ẹka mẹ ụnụ zekẹnmẹ ghahanị oziọma m lẹ ihiẹn ẹnyi rị e ku banyeni Jesu Kristi. Oziọmanị rị e ku oku ihiẹn-omimi ẹdẹi te zuerini,

Ndị Rom 9:20

Kanị, ịyụ wụ ịhịan-mmaka, onyẹ k'ị wụdẹ nwan i gi a shịarị Osolobuẹ oku? Ihiẹn wẹ kpụ a jụdẹ nwan onyẹ kpụn'a, “Kị haịn i gi kpụ m ẹnịna?”

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.

Pita Ibuzọ 1:5

O gi nwan ikẹn o gi wụrụ Osolobuẹ e dọnmẹ ụnụ, ghahanị okukwe ụnụ, kẹni nzụọpụha o wela ọgụgụ-ogẹn hụn ụzọ ru ụnụ ẹka.

Judu 1:24

Ọjịja-mma ya rịnị Osolobuẹ, onyẹ hụn k'a s'ẹka mẹ ụnụ adanlẹ, mẹ ụnụ wụrụ ndị nwọnlẹni ntụpọ, ụnụ e gi ịghọghọ turu ihun ya lẹ Ọghọ a,