Ndị Rom 14:18 - Ika

¹⁸ Onyẹ e fe Kraịstị ẹrịra kẹ ihiẹn ẹ a sụọ Osolobuẹ, ndị ọzọ e kuzi oku ẹ ọhụnma.

Ndị Rom 14:18 ပူးပေါင်းရင်းမြစ်များ

Jẹnẹsisi 4:7

I mẹ ihiẹn rị mma, anabanhankọ m'ị? Kanị, omẹni y'e gini ẹka rị mma sọn ihiẹnni, lẹhụ, njọ warị ọnụmụzọ; ọ rị a chọ ị. Mẹrikwọ a!”

Ẹkịliziastisi 9:7

Gi nwan anwịnrịn rimẹ ihiẹn-oriri i, y'e gi ịghọghọ rama manya ị, makẹni Chuku a kwadọngụọ a.

Makị 13:34

Ọbịbịa Nwa nke Ịhịan jẹnkọ d'a rị kẹ ebe okẹnnyẹ ohu jẹnkọ alị-ịhịan nọ bu ihiẹn ẹ che ẹka idibo ẹ, onyẹ lẹ ọrụn a, onyẹ lẹ ọrụn a, sị onyẹ-nche ya chemẹ nche.

Jọnụ 12:26

Onyẹ chọ n'ọ gbanị m odibo ya sọnmẹ m, nị ebe m rị kẹ odibo m k'a rị; Nẹdi m jẹnkọ d'e ye onyẹ k'a gbanị m odibo ọghọ.

Ọrụn Ndị-ozi 10:35

Kama, ọ nabanhan onyẹ ọwụlẹ a tụ egun ẹ, e mẹ ihiẹn rị mma; ara tu alị onyẹ gha bịa.

Ndị Rom 12:11

Anịkwọlẹ ni adụdụ ụnụ belụa, ka a dụnnị kẹ ọkụn imẹ-mmọn, a rụnnị Di-nwọnni-ẹnyi ọrụn.

Ndị Rom 14:4

Onyẹ k'ị wụ i gi a ma odibo onyẹ ọzọ ikpe? Di-nwọnn'ẹ nwọn ku k'o turughọ ra o turuni. Kanị o k'e turu, makẹni Di-nwọnni-ẹnyi k'a saẹka mẹ ẹ turu.

Ndị Rom 16:18

Makẹni ndị nọ ẹrịra arị e fe Di-nwọnni-ẹnyi wụ Kraịstị, kanị ẹfọ wẹ lẹ ihiẹn a gụnnị wẹ kẹ wẹ rị e fe. W'e gi ọnụ-ọma lẹ oku ọnụnụ-ire e dufie ndị marịnlẹni ihiẹn.

Ndị Rom 6:22

Kanị, hụnnị Osolobuẹ gbapụhagụ ụnụ ẹka njọ, ụnụ e họnrin igbọn Osolobuẹ, erere ụnụ wụ ịrị-nsọ hụn sikọ d'e wẹhẹ ndụn itẹbitẹ.

Ndị Kọrẹntị Ibuzọ 7:22

Makẹni, omẹni ịhịan wụ igbọn kẹ Osolobuẹ kpọbanhan a imẹ Di-nwọnni-ẹnyi, onyẹ nwọn enwẹn ẹ k'ọ wụ imẹ Di-nwọnni-ẹnyi. Ẹrịrazịkwọ, onyẹ hụn wụlẹni igbọn kẹ Osolobuẹ kpọbanhan a wụ nwan igbọn Kraịstị.

Ndị Kọrẹntị Nke Ẹbụọ 4:2

Ẹnyi a jụgụọ ihiẹn-ifẹnrẹn ndị hụ ịhịan e zuemẹ; ẹnyi ara mẹ ẹro mọbụ tụ ntụ ye oku Osolobuẹ. Kama, ẹnyi hụ e kuchanrịn ezioku k'ọ nọ, e gi ẹ e we enwẹn ẹnyi a ghọsị ịhịan ile idẹnya Osolobuẹ, kẹni wẹ e gi akpakalị obi wẹ e lele kẹ ẹnyi nọ.

Ndị Kọrẹntị Nke Ẹbụọ 5:11

Egun Di-nwọnni-ẹnyi haịnkwọ ẹnyi gi a rịọ ịhịan ile sọnmẹ ẹ. Osolobuẹ a marịnghọ ẹnyi ọhụnma-ọhụnma; e gighọ m'a dọn nị ụnụ nwẹn a marịnzịghọ ẹnyi imẹ obi ụnụ.

Ndị Kọrẹntị Nke Ẹbụọ 5:9

Ufiri ẹ, ẹnyi a lịlịma nị ẹnyi e mẹ ihiẹn a sụọ a ụsụọ ogẹn ile, kẹ ẹnyi rị ndụn imẹ ẹhụnị wụ ụlọ ẹnyi kẹ ẹnyi arị.

Ndị Kọrẹntị Nke Ẹbụọ 6:4

Mba. Imẹ ihiẹn ile, ẹnyi a ghọsịchanrịn nị ẹnyi wụ ndị-ọrụn Osolobuẹ: ghahanị idingbu ihiẹn ile, ghahanị nsọngbu lẹ afụnfụn lẹ eje-ọnọdị ichẹn-ichẹn e kunrunni ẹnyi;

Ndị Kọrẹntị Nke Ẹbụọ 8:21

ẹnyi rị e mẹ ẹ n'ọ rị mma, ẹlẹ ẹnya Di-nwọnni-ẹnyi sụọ, kanị, ẹnya ịhịan zị.

Ndị Filipi 4:18

Ihiẹn ile ụnụ ye e rugụọ m ẹka! O bukẹ!! Hụnnị Ẹpafrọditọsụ wẹhẹni m ihiẹn ile ụnụ ye ẹ bịanị m, ẹfọ e jungụọ m. Oyiye ishin ẹ a sụọ Osolobuẹ rọ, ẹjan Osolobuẹ a nabanhan hụn a sụọ a ụsụọ.

Ndị Filipi 4:8

Umunẹ m, igi mẹkin, m sị ụnụ, e bu ni obi e che ihiẹn ọwụlẹ wụ ezioku, ihiẹn ọwụlẹ w'a gbaye, ihiẹn ọwụlẹ furuni; ihiẹn ọwụlẹ eje-ihiẹn rịlẹni, ihiẹn ọwụlẹ a sụọ ịhịan ụsụọ ẹfọ, ihiẹn ọwụlẹ w'a ja mma; ihiẹn ọwụlẹ rịchanrịn mma, ihiẹn ọwụlẹ wẹ e ku oku ẹ ọhụnma.

Ndị Kolosị 3:24

ụnụ a marịnghọ nị Di-nwọnni-ẹnyi jẹnkọ d'e gi ihiẹn hụ o butọnị ndị nke ẹ kụ ụnụ ụgwọ. Kristi wụ Di-nwọnni-ẹnyi kẹ ụnụ gi ẹ e fe;

Timoti Ibuzọ 2:3

Ihiẹn rị mma, a sụọ Osolobuẹ wụ Onyẹ-nzụọpụha ẹnyi rọ,

Timoti Ibuzọ 5:4

Omẹni okpoho di ẹ nwụn e nwọnghọ ụmụ mọbụ ụmụ-oyẹ, wẹ mụnrụngụdẹ kẹ w'e fe Osolobuẹ iwe wẹ, e gi ẹka wẹ rị e yeni ndị mụnị wẹ a kụkinbelụa wẹ ụgwọ, makẹni ịya a sụọ Osolobuẹ.

Pita Ibuzọ 2:12

E bi ni ọhụnma imẹ ndị alị ọzọ kwerilẹni; kẹni, wẹ gha e kuja oku ụnụ nị ụnụ rị e mẹ eje-ihiẹn, wẹ hụ a hụn ihiẹn rị mma ụnụ rị e mẹ, kẹni wẹ gi ẹ ja Osolobuẹ mma Ụhụọhịn hụ o k'a bịa.

Pita Ibuzọ 2:20

Kị wụ erere i omẹni afụnfụn eje-ihiẹn i mẹ k'i dingbu? Kanị, omẹni mma i mẹ kẹ wẹ gbuni i ili, nị y'e digbu ẹ, ọghọ rọ ẹnya Osolobuẹ.

Pita Ibuzọ 2:5

Imẹ ẹ, ụnụ nwẹn wụzị ọmụma rị ndụn hụn wẹ rị e gi a tụn ụlọ imẹ-mmọn, kẹni ụnụ hụn ụzọ wụrụ ndị nchụn-ẹjan rị nsọ, ndị gha ẹka Jizọsị Kraịstị a chụn ẹjan imẹ-mmọn hụn a sụọ Osolobuẹ.

Pita Ibuzọ 3:16

Ka e gi ni nwayọ lẹ mgbaye e mẹ ẹ. E dọnmẹ ni obi ụnụ ọchan, kẹni ifẹnrẹn mẹ ndị hụn e kuja ihiẹn rị mma ụnụ rị e mẹ imẹ Kraịstị.