Ndị Rom 14:1 - Ika

¹ A nabanhan nị ibe ụnụ okukwe wẹ zelẹni, esọnlẹ ni wẹ dọ ihiẹn wụlẹni iwu imẹ Kraịstị:

Ndị Rom 14:1 ပူးပေါင်းရင်းမြစ်များ

Jobu 4:3

Nyanhankwọ nị y'a dụngụọ ndị bu ọda ọdụn, y'e mẹgụọ ẹka ndị zelẹni kẹnrẹn.

Azaya 40:11

O k'e lepụ atụnrụn a ẹnya lekẹ onyẹ e du atụnrụn; ọ pa ụmụ atụnrụn rịn'a, a pa wẹ e che obi; o tu udọn e du ndị kị ụmụ.

Azaya 42:3

Ọ kpagipụkọ achara rị a kpagini, o tinyụnpụkọ ukpẹ rị e tinyụnnị; o k'e turu, wepụhachanrịn ezioku ifọn;

Izikẹlụ 34:16

M k'a chọ ndị tuhuni; m k'e wekinhẹn ndị kpahuni. M k'e kẹnmẹ ndị rụ ẹhụ ebe wẹ rụ ẹhụ, e mẹ m ndị kẹnrẹnlẹni kẹnrẹn. Kanị m k'e tikpọ ndị tutuni lẹ ndị kẹnrẹnni hụn rị a kpangbu ibe wẹ. M k'e du wẹ ile k'o dọn furu.

Izikẹlụ 34:4

Onwọndẹni ihiẹn ụnụ mẹ nị ndị kẹnrẹnlẹni kẹnrẹn; ndị emu rị a kụ ụnụ azụọnị, ụnụ ekẹnmẹni wẹ ụkụ lẹ ẹka wẹ kpagi; ụnụ e welụanị ndị kpahuni, ụnụ achọnị ndị tuhuni wekinhẹn; ụnụ hụ e gi ẹka-ikẹn a kịgbu wẹ.

Zẹkaraya 11:16

Makẹni, m rị nwan e wepụhanị alịnị onyẹ-ndu ọzọ, hụn nwọnlẹni ihiẹn ọ kpọ atụnrụn ndị rị a ẹka: kẹ wẹ rị a nwụn anwụn-o, ẹlẹ o k'a chọ n'ọ marịn; ẹlẹ o k'a chọ ndị kpahukọnị; ọ zụọkọ ndị rụ ẹhụ; o yekọ ndị rị ikẹn ihiẹn-oriri, kama, o bu ndị tutuni e ri, ọ fịọpụdẹ wẹ akpụkụ.

Matiu 12:20

Ọ kpagipụkọ achara-iyi rị a kpagini mọbụ tinyụnpụ ukpẹ rị e tinyụnnị, d'e ru n'o ye ezioku mmẹri.

Matiu 14:31

Jizọsị nọ tịnpụ ẹka ozigbo kwọndọn ẹ, sị, “Onyẹ okukwe nta! Kị nwọnni obi-ẹbụọ?”

Matiu 18:10

“Hụn n'a nị ụnụ elegberini hụn ọwụlẹ imẹ ndị ntanị kwerinini m. Makẹni, m rị a gwa ụnụ, ndị mmọn-ozi wẹ rị ihun Nẹdi m rị elu-igwee e lee ihun ẹ ogẹn ile.

Makị 7:19

Makẹni, ẹlẹ imẹ obi ẹ k'ọ banye — ẹfọ a k'ọ banye, ọ gha ebẹhụ nyụnpụ a azụụn ụlọ.” (Jesu gi ihiẹnni ku ni ihiẹn-oriri ile rị ọchan.)

Luku 17:2

Ọ ka onyẹ hụ mma nị wẹ kẹnmẹ ọlọ y'ẹ olu, tụ a ye imẹ ohimin karị n'ọ han onyẹ ohu imẹ ndị ntanị mẹ njọ.

Jọnụ 13:20

Ezioku kẹ m rị a gwa ụnụ, onyẹ hụn nabanhan onyẹ m zi, nabanhan m; onyẹ nabanhannị m, nabanhan onyẹ zihẹni m.”

Ọrụn Ndị-ozi 28:2

Ndị alị-ọfịa hụ mirin nọhunmẹ nọ mẹni ẹnyi ẹfọma pụ-ichẹn: a fiyeni wẹ ẹnyi ọkụn nyan makẹ mirin rị e zueni lẹ oyi rị a tụnị, e lee wẹ ẹnyi ọbịa.

Ndị Rom 11:15

Makẹni, omẹni ọjụjụ Osolobuẹ jụ wẹ ye ụwa oghere wẹ lẹ Osolobuẹ gi dọn, kị ịnabanhannị wẹ k'e wẹhẹ nwan? Ẹlẹ ịgha ọnwụn lihi?!

Ndị Rom 14:2

O nwọn ndị kweri nị ịhịan k'a saẹka ri ihiẹn ile, kanị ndị ọzọ okukwe wẹ zelẹni e ri ihiẹn-ugbo sụọ.

Ndị Rom 14:21

Ọ ka mma nị y'e erini anụ mọbụ ra manya mọbụ mẹ ihiẹn ọzọ ọwụlẹ k'e mẹ nwẹnẹ i imẹ Kraịstị dan.

Ndị Rom 14:3

Onyẹ hụn e ri ihiẹn ile y'e lelịalẹ onyẹ ghalẹni e ri ihiẹn ile; onyẹ hụn ghalẹni e ri ihiẹn ile ya amalẹ onyẹ hụn e ri ihiẹn ile ikpe, makẹni Osolobuẹ a nabanhangụọ a.

Ndị Rom 15:1

O furu nị ẹnyi ndị ze imẹ Kraịstị e rozi k'ọ rị ndị zelẹni, ẹlẹ imẹ ihiẹn a sụọnị ẹnyi.

Ndị Rom 15:7

A nabanhan nị nwan ibe ụnụ kẹ Kraịstị dọn nabanhan ụnụ, kẹni ụnụ e gi ẹ e ye Osolobuẹ ọghọ.

Ndị Rom 4:19

Okukwe Ebraham ebelụanị, ọsụọn'a n'ọ nyanhanghọ nị ẹhụ a anwụnhụngụọ makẹni ya nwẹn wụ ihiẹn nọkẹ ahụa ọgụn-isẹn, ẹkpa-nwa nwunyẹ ẹ wụ Sẹra a nwụnhụngụọzị;

Ndị Kọrẹntị Ibuzọ 9:22

M ru ebe ndị zelẹni rị, e họnrin m onyẹ zelẹni, kẹni m hụn ụzọ wẹhẹ ndị zelẹni d'a marịn Kraịstị. E họnringụọ m ihiẹn ile rị ichẹn-ichẹn ebe ndị ile rị ichẹn-ichẹn rị, kẹni m gi ihiẹn ile rịnị zụọpụhadẹ ụfọdụ.

Ndị Filipi 2:29

Gi ni nwan ịghọghọ nabanhan a makẹ Di-nwọnni-ẹnyi. A gbaye ni ndị nọ kẹ ịya —

Ndị Tẹsalonika Ibuzọ 5:14

Umunẹ, ẹnyi rị a dụn ụnụ ọdụn: a gba nị ndị nọdị mmaka mkpịnsịn-ẹka; a kasị nị ndị-ụjọ obi; e yeni ni ndị zelẹni ẹka; e gi ni ndidin e sọn onyẹ ọwụlẹ.

Hibru 5:14

Kanị ndị ka ẹhụ kẹ wẹ e ye ihiẹn-oriri ndị ka ẹhụ, ndị gigụ ihiẹn wẹ rị a mụ zụn enwẹn wẹ d'e ru ebe wẹ nọ marịn ihiẹn rị mma lẹ ihiẹn rịlẹni mma.

Jọnụ Nke Ẹbụọ 1:10

Onyẹ bịa d'e kunrun i bụ ẹlẹ ihiẹn Kraịstị kuzi k'o gi bịa, anabanhanl'a iwe i mọbụ kele ẹ.