Ndị Rom 13:11 - Ika

¹¹ E bi ni nwan ẹnịna makẹni ụnụ a marịngụọ ogẹn ẹnyi rị imẹ ẹ: nị ogẹn e rugụọ ụnụ e gi tẹnhin, makẹni ogẹn nzụọpụha ẹnyi a rịgụọ nsue karị k'ọ rị ọrụrụ-alị hụ ẹnyi gi kweri.

Ndị Rom 13:11 ပူးပေါင်းရင်းမြစ်များ

Ẹkịliziastisi 9:10

Gi ikẹn i ile rụn ihiẹn ọwụlẹ ị hụn ị k'a rụn, makẹni, imẹ ili ebe ị lakọ, kẹ ọrụn kẹ iroro kẹ ịmarịn-ihiẹn kẹ akọ-lẹ-uche arịa.

Jona 1:6

Ya kẹ onyẹ-isi ụgbọ nọ jẹnburu ẹ ebẹhụ, sị a, “Elee hụn kẹ ị rị a ranhịnnị? Lihi ọtọ, n'ị kpọku mmọn yụ nwẹn e fe! Ikẹnkwọ o mẹ ọhụnma zụọpụha ẹnyi.”

Matiu 16:3

Ụtụntụn, ụnụ sị, ‘Mirin jẹnkọ d'e zue tannị makẹni igwere efọnni.’ Ụnụ ma gi igwere kọwa ihiẹn jẹnkọ d'e mẹni, kanị ụnụ ama lee ihiẹn rị e mẹ ogẹnni gi ẹ kọwa ihiẹn ọ ghọsị.

Luku 21:28

Ogẹn ihiẹn ndịnị e gi bidọn, turu ni ọtọ, ụnụ e weshi isi elu, makẹni ogẹn wẹ k'e gi gbapụha ụnụ a rịgụọ nsue!”

Ndị Kọrẹntị Ibuzọ 10:11

Ihiẹn ndịnị mẹ kẹni ẹnyi mụnrụn. Wẹ detu ihiẹn ndịnị nị wẹ gi wẹ dọ ẹnyi ẹka-ntịn, ẹnyi ndị rị e bi ogẹn ikpanzụụnnị.

Ndị Kọrẹntị Ibuzọ 15:34

Tẹnhin ni nwan nwọnrin uche; ụnụ e mẹbehi njọ, nị ụfọdụ imẹ ụnụ amarịn Osolobuẹ, kaka! M rị e ku ọnwan kẹni ifẹnrẹn mẹ ụnụ.

Ndị Ẹfẹsọsụ 5:14

makẹni ukpẹ nwunkpuhụ ihiẹn, o họnrin ukpẹ. Ya haịn Ẹkụkwọ-nsọ gi sị, “Onyẹ-ụran, tẹnhin! Gha ọnwụn lihi, kẹni Kraịstị nwunkpu i.”

Jemisi 5:8

Nwọn ni nwan ndidin ẹrịra, ụnụ e kwọnkẹnmẹ obi ụnụ, makẹni ọbịbịa Di-nwọnni-ẹnyi a rịgụọ nsue.

Pita Ibuzọ 4:7

Ihiẹn ile e d'e bi. E kwọndọn ni nwan enwẹn ụnụ, e dọnrin ẹnya makẹ ọdakin gha a rị ekpere ụnụ.

Pita Nke Ẹbụọ 3:11

Ebe o mẹ ni wẹ k'e tikpọpụ ihiẹn ndịnị ile ẹnịna, o furu nị ụnụ e bi obibi rị nsọ, e gi egun Osolobuẹ e bi,

Pita Nke Ẹbụọ 3:9

Ẹlẹni Di-nwọnni-ẹnyi rị e bie mbie imẹzu nkwa a kẹ ndị hụ dọn a ghọha ibie-mbie; mba, o gi ndidin e sọn ụnụ. Onwọnni onyẹ ọ chọ n'ọ la iwi, kama, ọ chọkọ nị ịhịan ile rogharị.

Jọnụ Ibuzọ 2:18

Ụmụ m, ogẹnni wụ ogẹn ikpanzụụn! Ụnụ a nụgụọ a nị onyẹ ahụn wụ Eṅẹnrẹn-Kraịstị (Anti-Kraịstị) lala. Ndị-iṅẹnrẹn Kraịstị bu ọda a pụhagụọ nwan. Ịya kẹ ẹnyi gi a marịn nị ogẹnni wụ ogẹn ikpanzụụn.

Rẹvẹleshọnụ 1:3

Ngọzi ya rịnị onyẹ k'a gụnpụhanị ibe ẹ ihiẹn ndị rị imẹ ozini Osolobuẹ zi; ngọzi ya rịzịkwọnị ndị k'a nụn'a lẹ ndị k'e mẹ ihiẹn wẹ de imẹ ẹ, makẹni ogẹn wẹ a rịgụọ nsue.

Rẹvẹleshọnụ 22:10

Ọ nọzị sị m, “Ezuemẹlẹ ihiẹn ozi rị imẹ ẹkụkwọnị ku, makẹni, ogẹn wẹ k'e gi mẹ a rịgụọ nsue.

Rẹvẹleshọnụ 22:12

Jesu sị, “Lee ẹ, m lala ẹgwa, m gi ụgwọ-ọrụn m k'a kụ lala d'a kụ onyẹ-onyẹ ihiẹn ọ rụn.

Rẹvẹleshọnụ 22:20

Onyẹ hụn ku ihiẹn ndịnị sị, “Ẹghẹẹ, m lala ẹgwa!” Isẹẹ! Jesu Onyẹ-nwọnni-ẹnyi, bịa!