Ndị Rom 12:8 - Ika

⁸ omẹni ịkasị-obi rọ, ya kasị obi; omẹni iye ndị nwọnlẹni rọ, ya hama ẹka; omẹni ọkịkị rọ, ya rụnshi ikẹn; omẹni imẹ-omikẹn rọ, ya gi ịghọghọ e mẹ ẹ.

Ndị Rom 12:8 ပူးပေါင်းရင်းမြစ်များ

Jẹnẹsisi 18:19

Mba, ezuemẹkọnị m'a ya makẹni a họrịọlẹ m'a kẹni ọ hụn ụzọ gwa mmụ a lẹ ikpụlọ a ihiẹn wẹ jẹnkọ d'e mẹ, sị wẹ e sọn ụzọ Osolobuẹ ghahanị imẹ ezi-omumẹ lẹ imẹ ihiẹn furuni, kẹni Osolobuẹ mẹzuni Ebraham nkwa o kwe ẹ.”

Ẹbụ-ọma 112:9

O yesọnmẹ ndị-ọzọ ihiẹn, o yesọnmẹ ndị elu rị a fụ ihiẹn; o k'e mẹsọnmẹ ihiẹn furuni jẹnrin ejẹn; o k'e mẹri, nwọn mgbaye.

Ẹbụ-ọma 37:21

Ndị-njọ e zinrin bụ w'a ra kụ, kanị ezigbo ịhịan a ha ẹka.

Itẹn 22:9

Onyẹ a ha ẹka k'e nwọn ngọzi, makẹni o yebeye ndị igbẹnnyẹ ihiẹn-oriri ẹ.

Ẹkịliziastisi 11:6

Kụn mkpụrụ ị ụtụntụn, y'a rụnsọnmẹ ọrụn ị d'e ru ẹnyasị, makẹni y'a marịn hụn k'a ghanị — kẹ hụnnị rọ kẹ hụn ahụn, ra wẹ ẹbụbụọ k'e mẹ ọhụnma — y'a marịn.

Ẹkịliziastisi 9:10

Gi ikẹn i ile rụn ihiẹn ọwụlẹ ị hụn ị k'a rụn, makẹni, imẹ ili ebe ị lakọ, kẹ ọrụn kẹ iroro kẹ ịmarịn-ihiẹn kẹ akọ-lẹ-uche arịa.

Azaya 32:5

Ogẹn hụ, akpọkọzị wẹ ndị nzuzu marịnlẹni Osolobuẹ okẹn-ịhịan; eyekọzị wẹ eje-ịhịan ọghọ.

Azaya 32:8

Kanị, ezigbo ịhịan e rosọnmẹ ezigbo-ihiẹn; ezigbo-ihiẹn k'ọ kwadọn.

Azaya 64:5

Y'a nọkunmẹ ndị e gi obi ụsụọ e mẹ ihiẹn furuni, ndị a nyanhan ihiẹn i ku e gi ẹ e bi. Kanị, ogẹn ẹnyi gi tọ a pa oku i iwe nọ we i. Nanị ẹnyi e dọn nwan wanahịn?

Matiu 25:40

Eze sikọ d'a za wẹ, sị, ‘M rị a gwa ụnụ ezioku, ebe ụnụ nọ mẹni onyẹ kachanrịndẹ ntịn imẹ umunẹ m ndịnị ya, mmẹ kẹ ụnụ mẹn'ẹ!’

Ọrụn Ndị-ozi 11:23

Ogẹn o gi ru ẹ, hụn ẹfọma Osolobuẹ k'ọ rị ọrụn, ọ nọ ghọghọ; ọ nọ dụn wẹ ọdụn wẹ wechanrịn enwẹn wẹ kwanị Di-nwọnni-ẹnyi, kwọnkẹnmẹchanrịn Di-nwọnni-ẹnyi.

Ọrụn Ndị-ozi 13:12

Ogẹn Gọvanọ hụ gi hụn ihiẹn mẹni, ọ nọ kwerini Di-nwọnni-ẹnyi, makẹni nkuzi Di-nwọnni-ẹnyi ri ẹ ọnụ.

Ọrụn Ndị-ozi 13:15

Ndị gụn Iwu Mozizi lẹ ihiẹn ndị-amụma de a gụngụ, ndị-isi ụlọ-ofufe ahụn nọ zi ịhịan d'a jụ wẹ, “Umunẹ, omẹni ụnụ nwọn oku ụnụ k'e gi kasị ndị rị ebeni obi, ku ni nwan.”

Ọrụn Ndị-ozi 15:32

Judasị lẹ Saịlasị wụzị ndị-amụma; ya wẹ nọ kuzi ihiẹn bu ọda gi kasị ndị kwerini obi, mẹ wẹ kwerikẹnmẹ.

Ọrụn Ndị-ozi 20:2

Ọ ghagbarịgụ ẹgbẹrẹ hụ ile, kugụ ihiẹn bu ọda gi gba ndị kwerini Jesu azụụn hụ umẹ, ọ nọ shi alị Grisi;

Ọrụn Ndị-ozi 20:28

Lepụ nị nwan enwẹn ụnụ lẹ igunrun atụnrụn Mmọn-nsọ buche ụnụ ẹka ẹnya. O tumẹgụọ ụnụ ndị-ndu kẹni ụnụ du ụka Osolobuẹ, hụn Osolobuẹ gi ẹdeke ẹ nwọnhẹn.

Ọrụn Ndị-ozi 4:36

Josẹfụ hụn ndị-ozi ahụn pụ-ichẹn tu “Banabasị” (hụn wụ, “Onyẹ nkasị-obi”) e mẹghọ ẹrịra. Josẹfụ wụ onyẹ ebọn Livaị alị Izrẹlụ, kanị alị Saịprọsụ kẹ wẹ nọ mụ a.

Ndị Rom 12:13

E yeni ni ndị nke Osolobuẹ ihiẹn rị a kọ ẹka. A nabanhan nị ndị ọbịa.

Ndị Rom 13:6

Ya haịn ụnụ gizi a kụ ụgwọ-isi: makẹni ndị rị a kịnị wụ idibo Osolobuẹ hụn e gichanrịn ogẹn wẹ ile a kị.

Ndị Kọrẹntị Ibuzọ 12:28

Imẹ ndị ụka, Osolobuẹ e tumẹgụọ ndị rị ichẹn-ichẹn: nke ibuzọ wụ ndị-ozi pụ-ichẹn; nke ẹbụọ wụ ndị-amụma lẹ ndị e zi ozi Osolobuẹ; nke ẹtọ wụ ndị-nkuzi; ndị ọzọ wụ ndị a rụn ọrụn-atụmẹnya, ndị a zụọ emu, ndị e yeni ndị ọzọ ẹka, ndị nwọn oyiye ịkị-ọkịkị lẹ ndị a sụ asụsụ rị ichẹn-ichẹn.

Ndị Kọrẹntị Ibuzọ 14:3

Kanị, hụn rị a gwapụ wẹ uche Osolobuẹ rị a gwa ịhịan, e mẹ okukwe wẹ e sue, a gba wẹ umẹ, a kasị wẹ obi.

Ndị Kọrẹntị Nke Ẹbụọ 1:12

Ihiẹn ẹnyi gi a nyan isi wụ ọnwan: nị ịhọrị ẹnyi rị a shịanị ẹnyi ẹri nị ẹnyi gi obi rị ọchan lẹ ezioku Osolobuẹ bi obibi ẹnyi imẹ ụwa, tụmadụ ẹgbata ẹnyi lẹ ụnụ; nị ẹnyi egini amamihiẹn ụwa bi, kanị eyemẹka Osolobuẹ.

Ndị Kọrẹntị Nke Ẹbụọ 11:3

Kanị, egun rị a tụ m amamgbe w'e dufie ụnụ kẹ Ekwensụ dọn gi ẹro dufie Ivu, e mẹ wẹ ụnụ febehi Kraịstị ofufe ezioku lẹ ofufe rụlẹni:

Ndị Kọrẹntị Nke Ẹbụọ 8:12

Makẹni, omẹni ịhịan wepụha obi ẹ ile n'o ye, hụn o nwọn kẹ wẹ e lee ẹnya a narịn a ya, ẹlẹ hụn o nwọnlẹni.

Ndị Kọrẹntị Nke Ẹbụọ 9:11

O k'e mẹ ụnụ wụrụ ịdanfịn ụzọ ile, kẹni ụnụ hụn ụzọ a ha ẹka ọda-ọda. Ihiẹnni ụnụ gha ẹka ẹnyi ye sikọ d'e wẹhẹni Osolobuẹ ẹregede ekele.

Ndị Kọrẹntị Nke Ẹbụọ 9:13

Okukwe ụnụ gi ẹ ghọsị jẹnkọ d'e ye Osolobuẹ ọghọ, makẹni ọ ghọsị ndị bu ọda k'e rin'ẹ nị ụnụ e humẹni oziọma Kraịstị ụnụ kweri isi ebe ụnụ nọ ye wẹ lẹ ndị ọzọ ọda.

Ndị Kọrẹntị Nke Ẹbụọ 9:7

Onyẹ-onyẹ ya ye ihiẹn rị a obi, y'e yelẹ bụ ẹlẹ obi ẹ; y'e yelẹ nọkẹ sị wẹ wa a ye ẹ olu — makẹni onyẹ a shịapụ ẹfọ e ye kẹ ihiẹn ẹ a sụọ Osolobuẹ.

Ndị Ẹfẹsọsụ 6:5

Idibo lẹ igbọn, e gi ni egun lẹ ẹhụ ọmụma-nni e humẹni ndị ụnụ rị okpuru wẹ isi. E gichanrịn nị obi ụnụ ile e mẹ ẹ, nọkẹ sị Kraịstị kẹ ụnụ rị a gbaye.

Ditrọnọmi 15:14

Du ẹ ụla ọhụnma-ọhụnma: nọ atụnrụn lẹ ewu lẹ ọka lẹ manya ị weri hụn bu ọda gi kwaman'a, ye ẹ kẹ Osolobuẹ wụ Chuku i gọzihan ị.

Ditrọnọmi 16:11

ụnụ a nọ ihun Osolobuẹ wụ Chuku ụnụ ghọghọ, ebahụn o k'a họrị Ẹfan a k'a rị, ụnụ lẹ ụmụ ụnụ ikẹnnyẹ lẹ ikpoho, idibo ụnụ ikẹnnyẹ lẹ ikpoho, ndị Livaị, ndị abịamabịa, ndị nwọnlẹni nẹdi lẹ ikpoho di wẹ nwụn.

Ndị Kolosị 3:22

Ndị rị okpuru ịhịan, e humẹni nị ndị ụnụ rị okpuru wẹ elu-ụwanị isi imẹ ọnọdị ọwụlẹ. Ẹlẹ ihun wẹ sụọ, rịkẹ ndị rị e mẹ n'ọ sụọ ịhịan, kama, gi ni akpakalị obi ụnụ e mẹ ẹ, makẹ egun Di-nwọnni-ẹnyi.

Ndị Tẹsalonika Ibuzọ 2:3

Ẹnyi ezini ozi ẹnyi marịnlẹni, ẹnyi e buni eje-ihiẹn obi zi ẹ, ẹnyi ezin'ẹ nị ẹnyi dufie ịhịan.

Ndị Tẹsalonika Ibuzọ 2:8

Makẹni ẹnyi e nwọnkẹ ihiẹn-ọsụsụọ ụnụ, ẹnyi nọ kwademẹ ni ẹlẹ oziọma Osolobuẹ sụọ kẹ ẹnyi k'e ye ụnụ, kanị enwẹn ẹnyi zi, makẹni ụnụ rị ẹnyi obi ọda-ọda!

Timoti Ibuzọ 4:13

M gini d'a bịa, hụn a nị ị hụ a gụnpụha Ẹkụkwọ-nsọ ebe ịhịan ile rị, e gi oku-Chuku a kpasu mmọn wẹ, a kuzi wẹ ogẹn ile.

Timoti Ibuzọ 5:17

Ndị-isi ụka rị a kị ọhụnma furu w'e ye ọghọ lẹ ụgwọ-ọrụn furu w'e ye ndị-isi, ye wẹ ya ụzọ ẹbụọ, tụmadụ ndị rị a gbakẹnmẹ ebe iku oku-Chuku lẹ ikuzin'ẹ rị.

Timoti Ibuzọ 6:18

Sị wẹ e mẹ mma, a wụ ndị ịdanfịn ebe ịrụn ọrụn-ọma rị; wẹ a ha ẹka, a hụn a nị ihiẹn wẹ e ruzi ndị ọzọ ẹka ọhụnma —

Hibru 10:25

Ẹlẹ hụn ẹnyi e gi e sọnbehi ibe ẹnyi e zu kẹ ụfọdụ dọn e mẹ. Kama, nị ẹnyi a kasị ibe ẹnyi obi, tụmadụ hụnnị ẹnyi rị a hụn kẹ ụhụọhịn Di-nwọnni-ẹnyi rị a rịwaye nsue.

Hibru 13:17

E kweyeni ni ndị-ndu ụnụ, e bu ni enwẹn ụnụ e che okpuru wẹ. Makẹni, wẹ rị e lepụ umẹ-ndụn ụnụ ẹnya. Osolobuẹ jẹnkọ d'a jụ wẹ ukwere ụnụ. Hụn n'a nị wẹ gi ịghọghọ ye mgbakọ hụ, ẹlẹ ẹnya-mirin, makẹ ọ gha a jọ ụnụ njọ.

Hibru 13:22

M rị a rịọ ụnụ umunẹ m, dodo, nabanhan nị oku nkasị-obini m deni ụnụ, n'o suekẹni.

Hibru 13:24

Kele ni ndị-ndu ụnụ ile lẹ ndị-nsọ ile. Ndị hụn gha Itali bịa e zighọ ekele ụnụ.

Hibru 13:7

Nyanhan nị ndị-ndu ụnụ, hụn gwa ụnụ oku Osolobuẹ; lekpọ nị elu wẹ bi lẹ ihiẹn gha imẹ ẹ pụha; leri nị okukwe wẹ.