Ndị Rom 12:7 - Ika

⁷ Omẹni ijẹn-ozi rọ, ya jẹnmẹ ozi; omẹni nkuzi rọ, ya kuzimẹ nkuzi;

Ndị Rom 12:7 ပူးပေါင်းရင်းမြစ်များ

Ẹbụ-ọma 34:11

Bịa nị, ụmụ m, gọnni m ntịn; m k'a kuzi ụnụ kẹ w'a tụ egun Osolobuẹ.

Ẹbụ-ọma 51:13

Ogẹn ahụn, a kuzimẹ m ndị e nupụ isi ụzọ ị, ndị-njọ e gbehutọ buruhẹ i.

Ẹkịliziastisi 12:9

Ẹlẹdẹ nị Onyẹ-nkuzi marịn ihiẹn sụọ, kama, ọ kuzizi ịhịan ihiẹn. O leban itẹn bu ọda ẹnya, chọpụhasọnmẹ alị wẹ, detusọnmẹ wẹ usọnrọn-usọnrọn.

Azaya 21:8

Onyẹ-nche ahụn hụ e yi oro, a sị, “Diọkpa, m hụ a nọ elu-ụlọ nche ebeni e che nche ụhụọhịn-ụhụọhịn, m rịchanrịn ọnọdị-nche m uhinhin ọwụlẹ.

Matiu 28:19

Jẹnmẹ ni nwan d'e mẹ ndị alị ile rị ichẹn-ichẹn wụrụ ndị e sọnni m; e gi ni ẹfan Nẹdi lẹ Nwa lẹ Mmọn-nsọ e mẹ wẹ mirin-Chuku.

Jọnụ 3:2

Okẹnnyẹni gi uhinhin chọha Jizọsị, sị a, “Onyẹ-nkuzi, ẹnyi a marịnghọ n'ị wụ onyẹ-nkuzi gha ebe Osolobuẹ rị bịa, makẹlẹ onwọnni onyẹ k'a s'ẹka rụn ọrụn-atụmẹnya ndịnị ị rị a rụn mmanị Osolobuẹ nọyen'ẹ.”

Ọrụn Ndị-ozi 13:1

O nwọn ndị amụma lẹ ndị-nkuzi rị ụka rị Antịọkụ. Ndịnị wụ: Banabasị lẹ Simiọnụ w'a kpọ Onyẹ-ogi lẹ Lushiọsụ onyẹ alị Saịrini lẹ Manẹni hụn ya lẹ Hẹrọdụ nọ ụlọ ohu sue lẹzi Sọlụ.

Ọrụn Ndị-ozi 20:20

ụnụ a marịnzịghọ nị egini m egun seri isi m ihiẹn m marịn k'e yeni ụnụ ẹka; a kuzi m ụnụ ihun ịhịan ile lẹ ụlọ-ụlọ —

Ọrụn Ndị-ozi 20:28

Lepụ nị nwan enwẹn ụnụ lẹ igunrun atụnrụn Mmọn-nsọ buche ụnụ ẹka ẹnya. O tumẹgụọ ụnụ ndị-ndu kẹni ụnụ du ụka Osolobuẹ, hụn Osolobuẹ gi ẹdeke ẹ nwọnhẹn.

Ọrụn Ndị-ozi 6:1

Ogẹn ndị rị e sọn Kraịstị gi rị e buwaye ọda, ndị Ju gha obodo ebo lụaha hụn rị imẹ igunrun wẹ nọ kpemẹ nị ndị rị ụlọ arị e keye ikpoho wẹ di wẹ nwụnhụn ihiẹn-oriri w'e ke ụhụọhịn-ụhụọhịn.

Ndị Kọrẹntị Ibuzọ 12:28

Imẹ ndị ụka, Osolobuẹ e tumẹgụọ ndị rị ichẹn-ichẹn: nke ibuzọ wụ ndị-ozi pụ-ichẹn; nke ẹbụọ wụ ndị-amụma lẹ ndị e zi ozi Osolobuẹ; nke ẹtọ wụ ndị-nkuzi; ndị ọzọ wụ ndị a rụn ọrụn-atụmẹnya, ndị a zụọ emu, ndị e yeni ndị ọzọ ẹka, ndị nwọn oyiye ịkị-ọkịkị lẹ ndị a sụ asụsụ rị ichẹn-ichẹn.

Ndị Kọrẹntị Ibuzọ 12:5

Ọrụn wẹ gi e fe ofufe rị ụdị ichẹn-ichẹn, kanị Nna ohu hụ kẹ w'a rụnnị wẹ.

Ndị Kọrẹntị Ibuzọ 14:26

Umunẹ m, kị ẹnyi e mẹ nwan? Ụnụ zu, onyẹ-onyẹ nwọn ihiẹn ọ k'a s'ẹka mẹ: ikẹnkwọ ẹbụ rọ; ikẹnkwọ nkuzi, ikẹnkwọ ihiẹn Osolobuẹ ghọsị ịhịan, ikẹnkwọ ịsụ-asụsụ ọzọ, ikẹnkwọ ịnaye oku: e mẹ ni ihiẹn ile k'o dọn buli okukwe ịhịan elu.

Ndị Galeshịa 6:6

Ndị wẹ rị a kuzi oku-Chuku wẹ keye ndị rị a kuzi wẹ oku-Chuku ihiẹn ọwụlẹ rị mma wẹ nwọn.

Ndị Ẹfẹsọsụ 4:11

Ịya yesọnmẹ ụka a ndị-ozi pụ-ichẹn, ndị-amụma e zi ozi Osolobuẹ, ndị e jẹnhunmẹ e zi oziọma, ndị ụkọ-Chuku lẹ ndị-nkuzi.

Ditrọnọmi 33:10

Ọ rị nwan a kuzi ebọn Jekọpụ ụzọ ị, a kuzi Izrẹlụ iwu i. Ọ chụnyesọnmẹ n'i ẹjan nsẹnsi, a chụnyen'i ẹjan w'a dụn ọkụn elu ukpo nchụn-ẹjan ị.

Ndị Kolosị 4:17

Sị nị Akịpọsụ, “Hụnkwọ a n'ị rụnchanrịn ogbo wẹ keye i imẹ ọrụn Di-nwọnni-ẹnyi.”

Timoti Ibuzọ 2:7

Ịya haịn wẹ gi tumẹ m onyẹ e zisọnmẹ ozi ẹ lẹ onyẹ-ozi pụ-ichẹn (m rị e ku ezioku, arị m a tụ ntụ) lẹ onyẹ a kuzi ndị wụlẹni ndị Ju okukwe lẹ ezioku.

Timoti Ibuzọ 3:2

Ya wụ, onyẹ-isi ụka k'a wụrịrị onyẹ nwọnlẹni nkọrịanị. O k'a wụrịrị onyẹ nwọn nwunyẹ ohu sụọ; onyẹ e kwọndọn enwẹn ẹ; onyẹ nwọn uche; onyẹ furu w'a gbaye, onyẹ ma nabanhan ọbịa; onyẹ ma kuzi nkuzi.

Timoti Ibuzọ 4:16

E leban enwẹn i lẹ nkuzi i ẹnya — mẹsọnmẹ ẹ, makẹni ịya kẹ y'e gi zụọpụha kẹ enwẹn i kẹ ndị rị e gọn i ntịn.

Timoti Ibuzọ 5:17

Ndị-isi ụka rị a kị ọhụnma furu w'e ye ọghọ lẹ ụgwọ-ọrụn furu w'e ye ndị-isi, ye wẹ ya ụzọ ẹbụọ, tụmadụ ndị rị a gbakẹnmẹ ebe iku oku-Chuku lẹ ikuzin'ẹ rị.

Timoti Nke Ẹbụọ 2:2

Weri ihiẹn ndị hụ ị nụsọnmẹ ọnụ m idẹnya ndị bu ọda kuzi ndị furu wẹ gi e dọn ẹnya, ndị jẹnkọ d'a s'ẹka kuzizi ndị ọzọ ya.

Timoti Nke Ẹbụọ 2:24

bụ odibo Di-nwọnni-ẹnyi awụkọ onyẹ ikpe; kanị onyẹ gi ẹfọma e sọn onyẹ ọwụlẹ, onyẹ a kuzini, onyẹ ndidin,

Timoti Nke Ẹbụọ 4:2

e ku oku-Chuku; e ku ẹ ogẹn ile, kẹ ọnọdị rị mma kẹ ọnọdị jọ njọ; a gwapụ ịhịan njọ wẹ, a jụgbọ, a kasị obi, e gichanrịn ndidin lẹ nkuzi e mẹ ẹ.

Samuẹlụ Nke Ibuzọ 12:23

O mẹ nke m, w'a sọ ni m k'e mẹbehini ọnụ ekpere, amamgbe m'e gi ẹ mẹ Osolobuẹ njọ. M jẹnkọ d'a gha e zin ụnụ ụzọ rị mma furuni.