Ndị Rom 12:2 - Ika

² Elerilẹ ni ndị ụwanị, ka nị nị Osolobuẹ hutọ ụnụ ghahanị ihutọ iroro ụnụ. Mẹn'ẹ kẹni ụnụ hụn ụzọ marịn ihiẹn wụ uche Osolobuẹ, ihiẹn rị Osolobuẹ mma, ihiẹn a sụọ a ụsụọ, ihiẹn zu oke.

Ndị Rom 12:2 ပူးပေါင်းရင်းမြစ်များ

Ẹzra 10:11

Gwa nị nwan Osolobuẹ wụ Chuku ndị nẹdi ụnụ nị ụnụ e mẹọlẹ njọ, ụnụ e mẹmẹ uche ẹ. Wepụha nị nwan enwẹn ọnụ imẹ ndị alị ọzọ ndịnị fihunmẹni ụnụ lẹ ikpoho alị ọzọ ndị ahụn ụnụ lụrụ.”

Ẹbụ-ọma 119:103

Ihiẹn i ku a sụọka m ụsụọ ọnụ, sụọkarịdẹ mirin-ẹnwụn!

Ẹbụ-ọma 119:128

Ya wụnị iwu i ile rịchanrịn mma ẹnya m, eje-obibi ile e ze m ize.

Ẹbụ-ọma 119:174

M rị e che i n'ị zụọpụha m, Osolobuẹ, iwu i a sụọ m ụsụọ.

Ẹbụ-ọma 119:72

Iwu gha ị ọnụ pụha ka m mkpa karị egho, karị akpụrụ goru lẹ siliva nnụ bu ọda.

Ẹbụ-ọma 119:97

Euu, Iwu i a sụọka m! Ịya kẹ m'e ro kẹ ụhụọhịn han.

Ẹbụ-ọma 34:8

Danmịndẹle, n'ị hụn a nị Osolobuẹ a rịka mma; onyẹ hụn gbaburun'ẹ e nwọnkẹ ngọzi.

Ẹbụ-ọma 51:10

Dodo Osolobuẹ, ke obi rị ọchan ye imẹ m, y'e yezi m obi m gi a s'ẹka e turu.

Ọpụpụ 23:2

“Emẹkwọlẹ eje-ihiẹn makẹni ndị bu ọda rị e mẹ ẹ. Ashịakwọlẹ ẹri ntụ nuzụka ezioku makẹni ị chọkọ nị oku yụ lẹ ndị ka ọda dangbama;

Izikẹlụ 18:31

Ma nị nwan eje-ihiẹn ile ụnụ rị e mẹ tuhu; nwọnrin ni obi ọhụn lẹ mmọn ọhụn. Kị ụnụ k'a nwụnnị, ụnụ ndị Izrẹlụ?!’

Izikẹlụ 36:26

M k'e ye ụnụ obi ọhụn, bu mmọn ọhụn che imẹ ndụn ụnụ; e wepụ m obi-ọmụma imẹ ụnụ, ye ụnụ obi rị alụlụa.

Matiu 13:22

Mkpụrụ wẹ ghaye imẹ ogun wụ onyẹ hụn nụ ozi hụ, kanị oku elu lẹ ẹkpịrị akụ-lẹ-ụba a kpangbu ozi hụ, ọ mịnị mkpụrụ.

Makị 4:19

kanị oku elu lẹ ẹkpịrị akụ-lẹ-ụba lẹ ẹgụn ihiẹn ichẹn-ichẹn a banhan, wẹ ile a kpangbu oku-Chuku hụ, ọ mịzịnị mkpụrụ.

Jọnụ 14:30

Ogẹn arịa m'e gi gwamazị ụnụ ihiẹn bu ọda, makẹni onyẹ hụn a kị ụwanị lala nwan; onwọnni ihiẹn o k'a saẹka mẹ m,

Jọnụ 15:19

Omẹni ụnụ te wụ nke ụwa, nkẹ ihiẹn ụnụ hụ a sụọ ụwa kẹ nke ẹ. Kanị, ebe o mẹ ni ụnụ ẹlẹ nke ụwa makẹni a họpụgụọ m ụnụ imẹ ụwa, ya haịn ize ụnụ gi e ze ụwa.

Jọnụ 17:14

“E yegụọ m wẹ oku i, ize wẹ a ban ụwa — makẹni ẹlẹ wẹ nke ụwa, nọkẹ kẹ o dọn mẹ ni mmẹ lẹ enwẹn m ẹlẹ nke ụwa.

Jọnụ 7:7

Ize ụnụ ezekọ ụwa, kanị ize m rị e ze wẹ, makẹlẹ m rị e ku ẹ nị wẹ rị e mẹ eje-ihiẹn.

Ndị Rom 12:1

Umunẹ m, m rị nwan a rịọ ụnụ makẹni Osolobuẹ e mẹgụọnị ẹnyi omikẹn: gi ni ẹhụ ụnụ chụnyeni Osolobuẹ ẹjan rị ndụn, hụn rị nsọ, hụn k'a sụọn'a, nị ịya wụ ofufe furu ụnụ k'e fe ẹ.

Ndị Rom 13:14

Kama, yiri ni Di-nwọnni-ẹnyi wụ Jesu Kristi kẹ ẹwuru, eyelẹ ni onyẹ hụ ụnụ wụ mbụ lẹ eje-ihiẹn a gụnn'a efe.

Ndị Rom 7:12

Ya wụ, Iwu lẹ enwẹn ẹ rị nsọ; ihiẹn hụ Iwu ku rịzị nsọ, ihiẹn Osolobuẹ chọ rọ, ihiẹn rị mma rọ.

Ndị Rom 7:14

Ẹnyi a marịnghọ nị Iwu wụ ihiẹn imẹ-mmọn, kanị mmẹ nwẹn wụ ịhịan-mmaka nwọnlẹni Mmọn-nsọ — nị m wụ igbọn njọ.

Ndị Rom 7:22

Eziẹ, imẹ m, Iwu Osolobuẹ a sụọ m ụsụọ.

Ndị Kọrẹntị Ibuzọ 3:19

makẹni amamihiẹn ụwanị wụ nzuzu ẹnya Osolobuẹ. Ya haịn Ẹkụkwọ-nsọ gi sị, “Ọ nwụndọn ndị marịn ihiẹn lẹ ẹro wẹ.”

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Ndị Kọrẹntị Nke Ẹbụọ 5:17

Ya wụ, onyẹ rị imẹ Kraịstị a wụrụọlẹ onyẹ wẹ kedọnzi; ihiẹn akan a gharịgụọ; lee ẹ, ihiẹn ile e họnringụọ nke ọhụn!

Ndị Galeshịa 1:4

Di-nwọnni-ẹnyi wụ Jizọs Kraịstị we ndụn a ye makẹ ufiri njọ ẹnyi, kẹni ọ gbapụha ẹnyi imẹ eje-agbọnị gi mẹzu uche Osolobuẹ ẹnyi wụ Nẹdi ẹnyi.

Ndị Ẹfẹsọsụ 1:18

M'a rịọ a ya kẹni ẹnya ụnụ shịapụ hụn obi ụnụ e gi ghọta, ụnụ a hụn ụzọ marịn ihiẹn hụn ọ kpọnị ụnụ, marịn ihiẹn ile higbu enwẹn ẹ ogbe o butọnị ndị-nsọ a;

Ndị Ẹfẹsọsụ 2:2

Ụnụ e mẹ njọ, e mẹfie nọkẹ ndị ụwanị, e sọn onyẹ hụn a kị eje-mmọn ile rị imẹ elu, mmọn ahụn rị nwan ọrụn imẹ igunrun ndị rị e nupụ isi okpuru Osolobuẹ.

Ndị Ẹfẹsọsụ 5:17

Ebilẹ ni nwan kẹ ndị nwọnlẹni uche, ka ghọta nị ihiẹn wụ uche Di-nwọnni-ẹnyi.

Ndị Kolosị 1:9

Ya haịn o gi mẹ ni, kete ẹnyi a nụl'a, ẹnyi eke mẹbehikwọnị nwan ụnụ ekpere, a rịọ Chuku n'o mẹ ụnụ marịn uche ẹ ọhụnma-ọhụnma, nwọn amamihiẹn lẹ nghọta imẹ-mmọn, nwọn wẹ mmagi-mmagi,

Ndị Kolosị 3:10

ụnụ e yirigụọ ndụn ọhụn hụn rị a marịnwaye onyẹ ken'ẹ, a rịwaye kẹ ịya.

Ndị Kolosị 4:12

Ẹpafrasị onyẹ alị ụnụ hụn wụzị odibo Jesu Kristi e kele ụnụ. Ẹpafrasị e shini ụnụ ọnwụn ọda-ọda imẹ ekpere. Ọ rịọsọnmẹ Osolobuẹ n'o mẹ ụnụ turukẹnmẹ, ka-ẹhụ, marịn ihiẹn ụnụ rị e mẹ ebe ihiẹn ọwụlẹ wụ uche Osolobuẹ rị.

Ndị Tẹsalonika Ibuzọ 4:3

Makẹni, uche Osolobuẹ wụ nị ụnụ rị nsọ; nị ụnụ jụ ughẹrẹ jụchanrịn;

Taịtọsụ 3:5

ọ nọ zụọpụha ẹnyi, ẹlẹ ihiẹn rị mma ẹnyi mẹ haịn, kanị, omikẹn ẹ; o gi ịmụdọnzini ẹnyi chanchan ẹnyi, o mẹ ẹnyi wụrụ ndị ọhụn ghahanị Mmọn-nsọ,

Jemisi 1:27

Ezigbo ofufe zu oke, rụlẹni ẹnya Osolobuẹ Nẹdi ẹnyi wụ hụnnị: ịtụnị ndị nwọnlẹni nẹdi mọbụ nnẹ lẹ ikpoho di wẹ nwụn rị e ri ụya ụya, lẹzi idọnmẹ enwẹn ịhịan makẹ ụwa gha e mẹrụ a.

Jemisi 4:4

Ndị ẹnya rịlẹni ụzọ ohu! Ụnụ amarịn nị ọwụ ụwa wụ eṅẹnrẹn Osolobuẹ? Ya wụ, onyẹ chọ n'ọ wụrụ ọwụ ụwa o họnrin eṅẹnrẹn Osolobuẹ.

Pita Ibuzọ 1:14

Nọkẹ ezi ụmụ hụn e humẹ isi, mẹbehi ni ihiẹn ndị hụ te rị a gụn ụnụ kẹ ụnụ kelẹni marịn Jizọsị.

Pita Ibuzọ 1:18

Ụnụ a marịngụọ nị ẹlẹ siliva mọbụ goru e wiwini kẹ wẹ gi gbapụha ụnụ imẹ eje-ihiẹn ndị ahụn ụnụ mụnarịn ndị nẹdi ụnụ,

Pita Ibuzọ 2:3

hụnnị ụnụ danmịngụ Di-nwọnni-ẹnyi, hụn a nị Di-nwọnni-ẹnyi a rịka mma.

Pita Ibuzọ 4:2

Ara bizi k'ọ rị a; kama, o bi ndụn a họdụnị elu-ụwa n'o mẹ uche Osolobuẹ.

Pita Nke Ẹbụọ 1:4

Ihiẹn ahụn ile o nwọn lẹ ọchan ọ rị k'o gha nwan kwe ẹnyi nkwa okẹn ihiẹn rị ichẹn-ichẹn w'a chọ achọ, kẹni ụnụ gi wẹ bịa d'a rị kẹ Osolobuẹ, ebe ụnụ nọ wanahịngụ ụrụ rị imẹ ụwa lẹ ihiẹn ọlịlẹnya hụn e buhẹn'ẹ.

Pita Nke Ẹbụọ 2:20

Ẹghẹẹ, makẹni, wẹ gigụ ịmarịn Jesu Kristi wụ Di-nwọnni-ẹnyi lẹ Onyẹ-nzụọpụha ẹnyi wanahịngụ ihiẹn ndị e mẹrụ ịhịan ụwanị, nị a nịzị wẹ ihiẹn ndị hụ kịma wẹ, ọnọdị ikpanzụụn wẹ a kagụọ njọ karị nke ibuzọ.

Jọnụ Ibuzọ 3:13

Umunẹ m, y'a tụlẹ ụnụ ẹnya nị ize ụnụ rị e ze ụwa.

Jọnụ Ibuzọ 5:19

Ẹnyi a marịnghọ nị ẹnyi wụ nke Osolobuẹ kanị ụwa ile rị okpuru Eje-onyẹ hụ.

Rẹvẹleshọnụ 12:9

Wẹ nọ tụtu Dragọnụ uku hụ ye elu-ụwa, agwọ mbụ-mbụ hụ w'a kpọ Ekwensụ, a kpọzị a Setanị, hụn e dufie ụwa ile; a tụtu wẹ kẹ ịya kẹ ndị mmọn-ozi ẹ.

Rẹvẹleshọnụ 13:8

Ndị ile bi elu-ụwa k'e fe ẹ, ndị ile wẹ delẹni ẹfan wẹ imẹ ẹkụkwọ ndụn-itẹbitẹ, ẹkụkwọ Nwa-ebulu hụ wẹ gbu nị wẹ d'e gbe iyetọ ụwa.