Ndị Rom 12:19 - Ika

¹⁹ Ndị ọwụ m, emẹgwarịlẹ ni; ka la nị mmẹgwarị tọnị Osolobuẹ, makẹni Ẹkụkwọ-nsọ sị, “Di-nwọnni-ẹnyi sị, ‘Mmẹ nwọn mẹgwarị; mmẹ k'a kụ ụgwọ.’ ”

Ndị Rom 12:19 ပူးပေါင်းရင်းမြစ်များ

Itẹn 20:22

Asịlẹ, “M k'e mẹgwarị ị eje-ihiẹnni!” Cheri Osolobuẹ, n'ọ gbapụha ị.

Itẹn 24:29

Asịlẹ, “M jẹnkọ d'e mẹ ẹ ihiẹn o mẹ m; m jẹnkọ d'e mẹgwarị a ihiẹn o mẹ m!”

Jerimaya 51:36

Osolobuẹ rị nwan a sị Jerusalẹm, “M jẹnkọ d'e kun'i ọnụ ị, mẹgwarịn'ị; m k'e mẹ ohimin ẹ tahị, mẹ isi-mirin ẹ tahị.

Izikẹlụ 25:12

“Lee ihiẹn Osolobuẹ Nwọn Ihiẹn Ile ku: ‘Ebe o mẹni ndị Ẹdọm gi ihiẹn o mẹ ndị Juda mẹgwarị, ikpe a magụọ alị Ẹdọm ọda-ọda yeni mmẹgwarị hụ.

Lẹvitikọsụ 19:18

“Emẹgwarịlẹ onyẹ nke ụnụ mọbụ bu iwe ẹ obi, ka ihiẹn ibe i ya a sụọ ị kẹ ihiẹn enwẹn i dọn a sụọ ị. Mmẹ wụ Osolobuẹ.

Matiu 5:39

Kanị, mmẹ nwẹn sị ị, ịhịan bịangbu i, esọnlẹ ẹ dọ. Kama, onyẹ ma ị ọra nti ẹka-nni, y'e bu nti hụn-ẹbọ zimẹn'ẹ.

Ndị Rom 12:14

A gọzi ni ndị rị e kpokponi ụnụ; a gọzi ni, abụkwọlẹ ni ọnụ.

Ndị Rom 12:17

Emẹgwarịlẹ ni ịhịan eje-ihiẹn. Dọnrin ni ẹnya a hụn a nị ụnụ e mẹ ihiẹn rị mma ẹnya ịhịan ile.

Ndị Rom 13:4

Makẹni odibo Osolobuẹ k'ọ wụ: ọ rị a rụn n'ọ rịnị ị mma. Kanị, i mẹ eje-ihiẹn, egun ẹ ya tụmakwọ ị, nị ẹlẹ o gi ọpịa-agha hụ mmaka! Odibo Osolobuẹ k'ọ wụ, ịya kẹ Osolobuẹ gi e ye ndị mẹ eje-ihiẹn afụnfụn.

Ndị Ẹfẹsọsụ 4:27

Eyelẹ ni Ekwensụ efe.

Ditrọnọmi 32:35

Mmẹ nwọn mẹgwarị; m k'a kụ wẹ ụgwọ ihiẹn wẹ mẹ. O ru ogẹn hụ, ụkụ wẹ k'e kpori; ụhụọhịn w'e gi tikpọ wẹ a rịgụọ nsue, ọnwụn wẹ gbala ọsọ.

Ditrọnọmi 32:43

Alị ndị ọzọ rị ichẹn-ichẹn, sọn ni ndị nke ẹ ghọghọ, makẹni o jẹnkọ d'e mẹgwarị ndị gbu idibo ẹ; o jẹnkọ d'e mẹgwarị ndị-iṅẹnrẹn ẹ, mẹ ihiẹn gi gbarị alị a lẹ ndị nke ẹ.

Ndị Tẹsalonika Ibuzọ 4:6

ịhịan ewerikọ ihiẹn nwẹnẹ ẹ mọbụ mẹgbu nwẹnẹ ẹ imẹ ihiẹnni. Ẹnyi a gwagụọ ụnụ ya mbụ, gba ụnụ mkpịnsịn-ẹka, nị Di-nwọnni-ẹnyi e mẹgwarịkwọ ụdị ihiẹn ndịnị ile e mẹgwarị.

Timoti Nke Ẹbụọ 4:14

Alẹzanda hụn a kpụ ụzụn kọpa mẹ m eje-ihiẹn ọda-ọda. Di-nwọnni-ẹnyi jẹnkọ d'a kụ a ụgwọ ihiẹn o mẹ.

Hibru 10:30

Makẹni ẹnyi a marịnghọ Osolobuẹ, onyẹ hụn sị, “Mmẹ nwọn e mẹgwarị; m k'a kụ wẹ ụgwọ;” sịzị, “Di-nwọnni-ẹnyi jẹnkọ d'e kin ndị nke ẹ ikpe.”

Samuẹlụ Nke Ibuzọ 25:26

“Hụnnị o mẹ nwan nị Osolobuẹ anịnị yụ wụ di-nwọnni m gbu ọchụn mọbụ gi ẹka ị mẹgwarị, ma Osolobuẹ, ma isi yụ nwẹn, ndị-iṅẹnrẹn i ile lẹ ndị ile rị a chọ yụ wụ di-nwọnni m njọ wẹ rị kẹ Nabalụ.

Samuẹlụ Nke Ibuzọ 25:33

O k'a masịn'ị hụnnị i mẹ ihiẹn furuni lẹ hụn i gilẹni nị m gbu ịhịan tannị mọbụ gi ẹka m mẹgwarị.

Samuẹlụ Nke Ibuzọ 26:10

Ma Osolobuẹ, Osolobuẹ k'e gbu Sọlụ ihiẹn-ẹka a; ikẹnkwọ ogẹn ẹ ru, ọ nwụn ọnwụn-ẹhi mọbụ o jẹn agha nwụntọ a.

Samuẹlụ Nke Ibuzọ 26:11

Osolobuẹ a sọ nị m k'e mẹtụ onyẹ Osolobuẹ tumẹ ẹka! Weri nwan obo ẹ lẹ ihiẹn o gi a gbaye mirin rị a ẹhụ isi nị ẹnyi pụ!”