Ndị Rom 12:12 - Ika

¹² A ghọghọ nị makẹ olilẹnya ụnụ nwọn; e nwọn ni ndidin imẹ nsọngbu ụnụ; e mẹ ni ekpere ogẹn ile.

Ndị Rom 12:12 ပူးပေါင်းရင်းမြစ်များ

Ẹbụ-ọma 109:4

Ịma m ikpe kẹ wẹ gi a kụ m ụgwọ ihiẹn-ọsụsụọ, kanị ekpere kẹ m'e mẹ.

Ẹbụ-ọma 37:7

La ihiẹn ile tọnị Osolobuẹ, y'e nwọn ndidin cheri ẹ; agbakalẹ obi nị ọ hụ a ghanị onyẹ rị e mẹ ihiẹn ẹ, onyẹ rị e rotọ eje-ihiẹn e mẹ ẹ.

Ẹbụ-ọma 40:1

E din m ndidin cheri Osolobuẹ, ọ nọ gọn m ntịn, nụ ẹkwan m.

Ẹbụ-ọma 62:8

Ndị nke ẹnyi, e gi ni Chuku e dọn ẹnya ogẹn ile, a gwaghọsịchanrịn n'a k'ọ rị ụnụ, makẹni ịya kẹ ẹnyi gbọnni. Sẹla

Itẹn 10:28

Onyẹ ezi-omumẹ k'a hụn ihiẹn ọ rị e lee ẹnya a, ghọghọ, kanị onyẹ eje-omumẹ ahụnkọ ihiẹn ọ rị e lee ẹnya a.

Itẹn 14:32

Eje-ihiẹn eje-ịhịan mẹ e gbu ẹ; kanị ndị ezi-omumẹ nwọn ebe w'a gbaban wẹ nwụnhụndẹ.

Matiu 5:12

Ghọghọ nị; ẹfọ ya sụọ ụnụ ụsụọ — makẹni ụgwọ-ọrụn ụnụ hi-ogbe imẹ elu-igwee! Ẹrịra kẹ wẹ kpokpozi ndị-amụma buni ụnụ ụzọ.

Luku 10:20

K'osilẹrị, aghọghọlẹ ni nị eje-mmọn rị e humẹni ụnụ isi, ka ghọghọ nị n'e deyegụọ wẹ ẹfan ụnụ imẹ elu-igwee.”

Luku 21:19

Ndidin kẹ ụnụ k'e gi nwọn nzụọpụha.

Luku 8:15

“Ezigbo alị hụ mkpụrụ ndị hụ danye wụ ndị ahụn nụ oku-Chuku, gi obi wẹ ile nabanhan a, kwọnkẹnmẹ ẹ, din ndidin, mị mkpụrụ.

Ọrụn Ndị-ozi 1:14

Ndịnị ile gi obi ohu e bu enwẹn wẹ e che imẹ ekpere, uwẹ lẹ ikpoho ndị ọzọ lẹ Meri nnẹ Jizọsị lẹzi umunẹ Jizọs ikẹnnyẹ.

Ọrụn Ndị-ozi 12:5

E bu wẹ nwan Pita tọ ụlọ-ngan, kanị ndị-ụka nọ wepụha obi wẹ mẹmẹn'ẹ ekpere, a kpọku Osolobuẹ banyen'ẹ.

Ọrụn Ndị-ozi 2:42

Ndịnị ile nọ bu enwẹn wẹ che nkuzi ndị-ozi hụ pụ-ichẹn, izu iko ofufe, iri Oriri-nsọ lẹ imẹ-ekpere.

Ọrụn Ndị-ozi 6:4

ẹnyi nwẹn jẹnkọ d'e bu enwẹn ẹnyi che ekpere lẹ iku oku-Chuku.”

Ndị Rom 15:13

Osolobuẹ hụn e ye olilẹnya ya ye ụnụ ịghọghọ lẹ udọn mmagi-mmagi kẹ ụnụ dọn rị e gi ẹ e dọn ẹnya. Y'a mẹ ẹ, kẹni ụnụ nwọn olilẹnya, nwọn ẹ ọda-ọda, ghahanị ikẹn Mmọn-nsọ.

Ndị Rom 15:4

Wẹ de ihiẹn ile wẹ de imẹ Ẹkụkwọ-nsọ ẹdẹi kẹni wẹ gi ẹ kuzi ẹnyi, kẹni ẹnyi hụn ụzọ e din ndidin, e gi ya lẹ nkasị-obi Ẹkụkwọ-nsọ e ye nwọnsọnmẹ olilẹnya ẹnyi.

Ndị Rom 2:7

Nke ndị e mẹsọnmẹ mma makẹni wẹ rị a chọ nị Osolobuẹ ye wẹ ọghọ lẹ mgbaye lẹ ndụn nwọnlẹni ọgụgụ, Osolobuẹ k'e gi ndụn itẹbitẹ kụ wẹ ụgwọ.

Ndị Rom 8:25

Kanị, omẹni ẹnyi e ke hụn ihiẹn ẹnyi rị e lee ẹnya a, ẹnyi e din ndidin cheri ẹ.

Ndị Kọrẹntị Ibuzọ 13:13

Ihiẹn ẹtọ rịnị wụ okukwe, olilẹnya lẹ ihiẹn-ọsụsụọ, kanị, hụn kachanrịnnị wụ ihiẹn-ọsụsụọ.

Ndị Kọrẹntị Nke Ẹbụọ 12:8

Mgbe ẹtọ kẹ m kpọku Di-nwọnni-ẹnyi kẹni o mẹ ẹ hapụ m.

Ndị Filipi 3:1

Umunẹ m, igi mẹkin: m sị ụnụ, a ghọghọ nị imẹ Di-nwọnni-ẹnyi. Ndụn idezini ụnụ ihiẹn m degụnị ụnụ mbụ agụkọ m, makẹni o k'e yeni ụnụ ẹka.

Ndị Filipi 4:4

A ghọghọ nị imẹ Di-nwọnni-ẹnyi ogẹn ile! E kuzi m'ẹ: a ghọghọ nị!

Ndị Kolosị 1:11

Ya gi ikẹn ẹ hụ hi-ogbe hụn e ye ẹ ọghọ mẹ ụnụ kẹnrẹn ụzọ ile, kẹni ụnụ saẹka e kwọnkẹnmẹ okukwe ụnụ, e gi ịghọghọ e dingbu ihiẹn ile,

Ndị Kolosị 1:27

Ọ chọ nị ndị alị ọzọ marịn okẹn ihiẹn-omimini rịgbu enwẹn ẹ mma. Ihiẹn omimi hụ wụ nị ụnụ e nwọngụọ Kraịstị, lemẹ ni nwan ẹnya ọghọ hụ Osolobuẹ k'e ye.

Ndị Kolosị 4:12

Ẹpafrasị onyẹ alị ụnụ hụn wụzị odibo Jesu Kristi e kele ụnụ. Ẹpafrasị e shini ụnụ ọnwụn ọda-ọda imẹ ekpere. Ọ rịọsọnmẹ Osolobuẹ n'o mẹ ụnụ turukẹnmẹ, ka-ẹhụ, marịn ihiẹn ụnụ rị e mẹ ebe ihiẹn ọwụlẹ wụ uche Osolobuẹ rị.

Ndị Kolosị 4:2

E mẹ ni ekpere ogẹn ile, e we ẹnya e ru alị e mẹ ẹ, a kpanmịn Osolobuẹ ụnụ gha e mẹ ekpere.

Ndị Tẹsalonika Ibuzọ 1:3

Ẹnyi hụ a nyanhan ụnụ ihun Osolobuẹ ẹnyi wụ Nẹdi ẹnyi: ihiẹn ile ụnụ rị e gi okukwe ụnụ a rụn, kẹ ụnụ dọn rị a lịlịma makẹni ụnụ nwọn ihiẹn-ọsụsụọ lẹzi kẹ ụnụ dọn rị e gi olilẹnya ụnụ nwọn imẹ Di-nwọnni-ẹnyi wụ Jesu Kristi e dingbu ihiẹn ile.

Ndị Tẹsalonika Ibuzọ 5:8

Kanị, ebe o mẹni ẹnyi wụ ndị e bi ebe eki rị elu, nị ẹnyi dọnrin ni nwan ẹnya; nị ẹnyi yiri okukwe lẹ ihiẹn-ọsụsụọ kẹ ẹwuru igwe onyẹ-agha gi e gbọndọn obi ẹ, ẹnyi e yiri olilẹnya nzụọpụha nọkẹ okpu onyẹ-agha gi e gbọndọn isi ẹ.

Ndị Tẹsalonika Nke Ẹbụọ 1:4

Ya haịn ẹnyi gi e gi ụnụ a nyan isi imẹ ụka Osolobuẹ ile — nị ụnụ wuzohụkwọ, nị ụnụ kwọnkẹnmẹkwọ okukwe imẹ ukpokpo ile wẹ rị e kpokpo ụnụ, e dingbu nsọngbu ile rị a bịanị ụnụ.

Ndị Tẹsalonika Nke Ẹbụọ 3:5

Di-nwọnni-ẹnyi ya dodo du obi ụnụ ile ye ihiẹn-ọsụsụọ Osolobuẹ lẹ okẹn-ndidin Kraịstị.

Timoti Ibuzọ 6:11

Kanị, ịyụ, onyẹ nke Osolobuẹ, gbanị ihiẹn ndịnị ile ọsọ. Chụma ezi-omumẹ, ife-Chuku ọhụnma, okukwe, ihiẹn-ọsụsụọ, ndidin lẹ imẹ-jụụ.

Timoti Nke Ẹbụọ 3:10

Yụ nwẹn, y'a hụngụọ nkuzi m, obibi m, ihiẹn m chụkọ, okukwe m, ndidin m, ihiẹn-ọsụsụọ m, kẹ m dọn wuzo,

Taịtọsụ 2:13

kẹ ẹnyi dọn rị e che okẹn ngọzi ahụn ẹnyi rị e lee ẹnya a, ọbịbịa ahụn Osolobuẹ ẹnyi hi ogbe wụ Jizọsị Kraịstị Onyẹ-nzụọpụha ẹnyi jẹnkọ d'e gi ọghọ bịa.

Taịtọsụ 3:7

Hụnnị o gigụ nwan ẹfọma a kuni ẹnyi ọhụnma, ẹnyi e họnringụọ ụmụ a rị e lee ẹnya ndụn itẹbitẹ o kwe nkwa a.

Hibru 10:32

Ka nyanhan nị ọrụrụ-alị hụ ụnụ kweri, ogẹn ụnụ gi leghama ukpẹ; nyanhan nị ọnwụn ụnụ shi lẹ afụnfụn ụnụ dingbu,

Hibru 10:36

Ndidin kẹ ụnụ chọ, kẹni, ụnụ mẹgụ uche Osolobuẹ, ụnụ e gi ẹ nwọnhẹn ihiẹn o kwe nkwa a.

Hibru 12:1

Ya wụ, ebe o mẹ nwan ni igunrun ndị ọshẹri han ẹnịna fihunmẹ ẹnyi lekẹ ọgbọ, nị ẹnyi latọ nwan ihiẹn ọwụlẹ a dọkin ẹnyi azụụn, lẹ njọ ahụn a kụ ẹnyi kẹ ẹgbụn, ẹnyi e dikẹnmẹ, gba ọsọnị Osolobuẹ ketọnị ẹnyi,

Hibru 3:6

Kanị Kraịstị rụn ọrụn ọhụnma nọkẹ Nwa hụn ụlọ Osolobuẹ rị ẹka. Ụlọ Osolobuẹ hụ kẹ ẹnyi wụ, o mẹkwọ nị ẹnyi a tọ e kushi ikẹn, e nwọn olilẹnyanị, e nwọnshi ẹ ikẹn.

Hibru 5:7

Ogẹn Jizọsị gi rị elu ụwanị, o mẹ ekpere, a rịọ Osolobuẹ arịrịọ; e gi okẹn ẹkwan lẹ ẹnya-mirin a kpọku Osolobuẹ hụn k'a saẹka zụọpụha a imẹ ọnwụn, Osolobuẹ nọ nụ ekpere ẹ makẹni ọ lachanrịn enwẹn ẹ tọnị Osolobuẹ.

Hibru 6:12

amamgbe ụnụ a lama nzụnzụn; kama, nị ụnụ e sọn nzọmụkụ ndị gi okukwe lẹ ndidin nwọnhẹn ihiẹn Osolobuẹ kwe nkwa a.

Hibru 6:15

Ebraham nọ din ndidin cheri; o mẹgụ, ọ nọ nwọnhẹn ihiẹn hụ Osolobuẹ kwe ẹ nkwa a.

Jemisi 5:7

Umunẹ m, e nwọn ni nwan ndidin d'e ru ni Di-nwọnni-ẹnyi a bịa. Lee ni kẹ onyẹ-ugbo e che ihiẹn-ugbo rịgbu enwẹn ẹ mkpa, e din ndidin ni mirin ahụa lẹ mirin ikpanzụụn zueyegụ a.

Pita Ibuzọ 4:13

Ka ghọghọma nị, makẹni ụnụ rị e sọn Kraịstị a ta afụnfụn a; kẹni ụnụ hụn ụzọ ghọghọ, ghọghọ ọhụnma-ọhụnma, mgbe ọghọ a k'a pụhachanrịn ifọn.

Pita Ibuzọ 4:7

Ihiẹn ile e d'e bi. E kwọndọn ni nwan enwẹn ụnụ, e dọnrin ẹnya makẹ ọdakin gha a rị ekpere ụnụ.

Pita Nke Ẹbụọ 1:6

Wezi ni ikwọndọn-enwẹn ịhịan cheni ịmarịn-ihiẹn. E we ni ezigbo ndidin e cheni ikwọndọn-enwẹn ịhịan; ụnụ e we ibini Osolobuẹ e cheni ezigbo ndidin.

Rẹvẹleshọnụ 13:10

Onyẹ wẹ k'a nwụnrụn kẹ wẹ k'a nwụnrụn; onyẹ wẹ k'e gi ọpịa-agha gbu kẹ wẹ k'e gi ọpịa-agha gbu. Ọnwan chọ ndidin lẹ okukwe ẹka ndị nke Osolobuẹ.