Ndị Rom 12:10 - Ika

¹⁰ Ụnụ lẹ ibe ụnụ k'a gha a sụọ kẹ umunẹ; e yekarị nị ibe ụnụ ọghọ.

Ndị Rom 12:10 ပူးပေါင်းရင်းမြစ်များ

Jẹnẹsisi 13:9

Ẹlẹ alị wụ hụnnị ile ị rị e legha? Nị ẹnyi kebe: i shi ẹka-nni, e shi m ẹka-ekpẹn; i shi ẹka-ekpẹn, e shi m ẹka-nni.”

Jobu 1:4

Ụmụ a ikẹnnyẹ a kpọyesọnmẹ oriri iwe wẹ — o ru onyẹ, o ru onyẹ. Wẹ kpọye, a kpọ wẹ umunẹ wẹ ikpoho ẹtịtọ hụ d'e sọn wẹ ri, ra.

Ẹbụ-ọma 133:1

Lee k'ọ rịhan mma lẹ k'ọ sụọhan ụsụọ nị umunẹ rị e mẹgbama!

Jerimaya 38:12

Ọ nọ hị Jerimaya, sị a, “We ẹkwa-akan ndịnị lẹ ndịnị fagụnị che ẹbụn makẹ eriri gha a rụ ị ẹhụ.” Jerimaya nọ mẹ ihiẹn ọ sị a mẹ.

Matiu 20:26

Kanị, nke ụnụ arịkọ ẹrịra. Kama, onyẹ chọ n'ọ wụrụ okẹn ịhịan imẹ ụnụ, ya wụrụ odibo ụnụ;

Luku 14:10

Kama, wẹ kpọ ị oriri, jẹn d'a nọdị alị oche nwọnlẹni ọghọ; kẹni onyẹ hụn kpọ ị oriri bịa, ọ sị ị, ‘Ọwụ m, bịa d'a nọdị isi-oche.’ Ogẹn ahụn ọghọ e jun i ẹhụ ihun ndị wẹ kpọ yụ lẹ wẹ oriri ahụn.”

Jọnụ 15:17

M rị e ye ụnụ iwuni: ihiẹn ibe ụnụ y'a sụọ ụnụ.

Jọnụ 17:21

kẹni wẹ ile wụrụ ohu, nọkẹ kẹ ịyụ, Baba, dọn rị imẹ m, mmẹ nwẹn hụ imẹ i; m rị a rịọ nị wẹ rịzịkwọ imẹ ẹnyi — kẹni ụwa kweri nị ịyụ zihẹ m.

Ọrụn Ndị-ozi 4:32

Ndị ile kwerini hụ e gi obi ohu e bi, e ro ihiẹn ohu; onwọnni onyẹ kpọ ihiẹn o nwọn nke ẹ, kama, wẹ weri ẹ nị wẹ ile gba nwọn ihiẹn ile.

Ndị Rom 13:7

Kụ nị nwan onyẹ ọwụlẹ ihiẹn ụnụ gi ẹ: omẹni ụgwọ-isi kẹ i gi wẹ, y'a kụ wẹ ya; omẹni egho-alị rọ, y'a kụ a; omẹni mgbaye k'i gi wẹ, y'e ye wẹ mgbaye; omẹni ọghọ rọ, y'e ye wẹ ọghọ.

Ndị Galeshịa 5:13

Ụnụ nwẹn, Osolobuẹ kpọ ụnụ d'e weri enwẹn ụnụ, umunẹ m, ka egikwọlẹ ni nị ụnụ nwọn enwẹn ụnụ mẹmẹ k'ọ rị ụnụ; ka gi ni ihiẹn-ọsụsụọ e fetarị ibe ụnụ.

Ndị Galeshịa 5:22

Kanị, mkpụrụ Mmọn-nsọ a mịpụha wụ: ihiẹn-ọsụsụọ, ịghọghọ, udọn, ndidin, ẹfọma, imẹ-mma, ịwụ onyẹ wẹ gi e dọn ẹnya,

Ndị Galeshịa 5:6

Makẹni, imẹ Kraịstị wụ Jizọsị, ịkwa-ugun lẹ akwanị-ugun enwọnni ihiẹn ọ wụ. Ihiẹn rị mkpa wụ okukwe rị e gi ihiẹn-ọsụsụọ a ghọsị enwẹn ẹ.

Ndị Filipi 2:3

Emẹkwọlẹ ihiẹn ọwụlẹ n'i gi ẹ chọrị nke i sụọ mọbụ nị wẹ hụn ị. Ka e welụa nị enwẹn ụnụ alị, e ye ibe ụnụ ọghọ karị enwẹn ụnụ.

Ndị Kolosị 1:4

Makẹni, ẹnyi a nụgụọ kẹ ụnụ dọn rị e gi Kraịstị wụ Jizọsị e dọn ẹnya lẹ kẹ ụnụ dọn ri e nwọn ihiẹn-ọsụsụọ ndị nke Osolobuẹ ile,

Ndị Tẹsalonika Ibuzọ 4:9

O mẹ nke inwọn ihiẹn-ọsụsụọ ibe ụnụ nọkẹ umunẹ imẹ Kraịstị, ọ rịnị mkpa nị wẹ deni ụnụ ihiẹn ọwụlẹ. Makẹni, Osolobuẹ e gigụọ ẹka a kuzi ụnụ inwọn ihiẹn-ọsụsụọ ibe ụnụ.

Ndị Tẹsalonika Nke Ẹbụọ 1:3

Umunẹ, o furu nị ẹnyi gi ufiri ụnụ a kpanmịn Osolobuẹ ogẹn ile, makẹni okukwe ụnụ rị e sue ọda-ọda, onyẹ-onyẹ hụzị e nwọnwaye ihiẹn-ọsụsụọ ibe ẹ.

Hibru 13:1

E nwọnsọnmẹ ni ihiẹn-ọsụsụọ umunẹ ụnụ imẹ Kraịstị.

Pita Ibuzọ 1:22

Ebe o mẹ ni ụnụ a chanchangụọ nwan obi ụnụ ghahanị ịgbaye ezioku Osolobuẹ, ụnụ sikọ d'a saẹka e nwọn ezigbo ihiẹn-ọsụsụọ ibe ụnụ. E gi ni nwan obi ụnụ ile, obi rị ọchan, e nwọn ihiẹn-ọsụsụọ ibe ụnụ —

Pita Ibuzọ 2:17

A gbaye ni ịhịan ile; e nwọn ni ihiẹn-ọsụsụọ ndị Itu-Kraịstị ibe ụnụ; a tụ nị egun Osolobuẹ; a gbaye ni eze.

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Pita Nke Ẹbụọ 1:7

We ni obi-nwẹnẹ e cheni ibini Osolobuẹ. E nwọnzi ni ihiẹn-ọsụsụọ nwọnlẹni ihiẹn o tu e cheni obi-nwẹnẹ.

Jọnụ Ibuzọ 4:11

Ndị nke m, ebe o mẹ eziẹ nị Osolobuẹ nwọn ihiẹn-ọsụsụọ ẹnyi ẹnịna, ẹnyi nwẹn gi ibe ẹnyi ụgwọ ihiẹn-ọsụsụọ.

Jọnụ Ibuzọ 4:20

Omẹni ịhịan sị, “M nwọn ihiẹn-ọsụsụọ Osolobuẹ,” bụ ọ hụ e ze ize ibe ẹ, onyẹ-ntụ k'ọ wụ. Makẹni, omẹni ịhịan enwọnni ihiẹn-ọsụsụọ ibe ẹ hụn ọ rị e legha, ọ sakọ ẹka nwọn ihiẹn-ọsụsụọ Osolobuẹ o leghatulẹni.