Ndị Rom 12:1 - Ika

¹ Umunẹ m, m rị nwan a rịọ ụnụ makẹni Osolobuẹ e mẹgụọnị ẹnyi omikẹn: gi ni ẹhụ ụnụ chụnyeni Osolobuẹ ẹjan rị ndụn, hụn rị nsọ, hụn k'a sụọn'a, nị ịya wụ ofufe furu ụnụ k'e fe ẹ.

Ndị Rom 12:1 ပူးပေါင်းရင်းမြစ်များ

Ẹbụ-ọma 116:12

Kị m'e gi kụ Osolobuẹ ụgwọ ihiẹn-ọmanị ile o mẹni m?

Ẹbụ-ọma 19:14

Oku-ọnụ m lẹ iroro m wẹ wụrụ hụn y'a nabanhan, Osolobuẹ, Ọmụma m lẹ Onyẹ a gbapụhanị m!

Azaya 56:7

m k'e wẹhẹ wẹ Ugu nsọ m, ye wẹ ịghọghọ imẹ Ụlọ m wẹ nọ e mẹ ekpere. M k'a narịn kẹ oyiye wẹ kpọ ọkụn kẹ ẹjan ndị ọzọ ile hụn wẹ k'e wẹhẹ elu ukpo nchụn-ẹjan m; makẹni wẹ k'a kpọ Ụlọ m Ụlọ alị ile a nọ e mẹ ekpere.’ ”

Jerimaya 6:20

Kịnị kẹ m gi nsẹnsi ụnụ e mẹ — ọsụọn'a alị Shẹba kẹ ụnụ gha wẹhẹ? Kịnị kẹ m gi udẹn-ọma kalamusu ụnụ e mẹ — ọsụọn'a alị tegbu enwẹn ẹ kẹ ụnụ gha wẹhẹ ẹ? Ewekọ m anụ ụnụ gi a chụnnị m ẹjan w'a dụn ọkụn; ẹjan ụnụ ara sụọ m.”

Hosia 14:2

Gi ni arịrịọ jẹn d'e kunrun Osolobuẹ, sị n'a: “Dodo, gbagharị ẹnyi njọ ẹnyi, y'a nabanhan arịrịọ ẹnyi. Ẹnyi k'e gi ọnụ ẹnyi ye i oyiye, oyiye ọjịja-mma.

Ọgụngụn 7:21

okoro-efin ohu, ebulu ohu ka ẹhụ lẹ nwa-ebulu ohu rị nwa ahụa — anụ ndị wẹ sikọ d'e gi chụn ẹjan w'a dụn ọkụn;

Luku 7:47

M rị nwan a gwa ị n'a gbagharịgụọ w'a njọ bu ọda o mẹ, ya haịn o gi a ghọsị okẹn ihiẹn-ọsụsụọnị; kanị onyẹ wẹ gbagharị njọ mẹ ẹkẹrẹ a ghọsị ihiẹn-ọsụsụọ ẹkẹrẹ.”

Ndị Rom 12:2

Elerilẹ ni ndị ụwanị, ka nị nị Osolobuẹ hutọ ụnụ ghahanị ihutọ iroro ụnụ. Mẹn'ẹ kẹni ụnụ hụn ụzọ marịn ihiẹn wụ uche Osolobuẹ, ihiẹn rị Osolobuẹ mma, ihiẹn a sụọ a ụsụọ, ihiẹn zu oke.

Ndị Rom 15:16

hụn o gi tumẹ m onyẹ-ọrụn Kraịstị wụ Jizọsị imẹ igunrun ndị wụlẹni ndị Ju. M rị nwan a rụn kẹ onyẹ nchụn-ẹjan ghahanị izisọnmẹ oziọma Osolobuẹ, kẹni wẹ wẹhẹ ndị alị ndị ọzọ d'a wụrụ oyiye Osolobuẹ a nabanhan, oyiye hụn Mmọn-nsọ dọn nsọ.

Ndị Rom 15:30

Umunẹ m, m rị a rịọ ụnụ arịrịọ — m rị e gi ẹfan Di-nwọnni-ẹnyi wụ Jizọs Kraịstị lẹ ihiẹn-ọsụsụọ Mmọn-nsọ a rịọ ụnụ ya: sọn ni m shi ọnwụnnị ghahanị ị rịọnị m Osolobuẹ.

Ndị Rom 2:4

Ra ị rị e lelịa okẹn ẹfọma a lẹ nkịtịn ọ rị a gba ị lẹ ndidin ẹ? Y'a marịn nị Osolobuẹ rị e mẹni i ẹfọmanị kẹni i hụn ụzọ rogharị?

Ndị Rom 6:13

ewelẹ ni mkpamkpa ẹhụ ụnụ ye njọ gi họnrin ihiẹn-ọrụn o gi e mẹ eje-ihiẹn. Ka wechanrịn nị enwẹn ụnụ ye Osolobuẹ nọkẹ ndị wẹ ghagụ ọnwụn weli hụn rị ndụn; ụnụ e wechanrịn mkpamkpa ẹhụ ụnụ ile ye Osolobuẹ n'o gi họnrin ihiẹn-ọrụn ezi-omumẹ.

Ndị Rom 6:16

Ụnụ amarịn nị onyẹ ụnụ we enwẹn ụnụ ye nị ịya kẹ ụnụ e humẹni isi kẹ ụnụ wụ igbọn ẹ? Omẹni njọ rọ, o buhẹ ọnwụn; omẹni ihumẹ-isi rọ, o buhẹ ezi-omumẹ.

Ndị Rom 6:19

(M rị e ku ẹ hụ kẹ ịhịan e ku kẹni ọ nị ụnụ ghọha.) Kẹ ụnụ te dọn we mkpamkpa ẹhụ ụnụ ye ihiẹn-ụrụ lẹ eje-obibi nọkẹ igbọn — hụn ụnụ gi rị e bi eje-obibi, e biwaye, gizi ni nwan ẹrịra we mkpamkpa ẹhụ ụnụ ye ezi-omumẹ, kẹni ụnụ rị nsọ.

Ndị Rom 9:23

Kị rị a omẹni o gi ẹ ghọsị ndị ọ chọ n'o mẹni omikẹn ikẹn ẹ hi ogbe, ndị ọ sị o k'e ye ọghọ,

Ndị Kọrẹntị Ibuzọ 1:10

Umunẹ, m gi ẹfan Di-nwọnni-ẹnyi wụ Jesu Kristi a rịọ ụnụ nị ụnụ ile e kuye ọnụ ohu ẹlẹ hụn nkebe e gi a rị imẹ igunrun ụnụ; e nwọnchanrịn nị obi ohu, a chụ nị ihiẹn ohu.

Ndị Kọrẹntị Nke Ẹbụọ 10:1

Mmẹ wụ Pọlụ rị a rịọ ụnụ; m rị e gi nwayọ lẹ obi-ebere Kraịstị a rịọ ụnụ. Mmẹ hụn wẹ sị nị m'e ku ẹkẹrẹ-ẹkẹrẹ ihun ụnụ, kanị m pụ ebe ụnụ rị, a banmanị m ụnụ mban!

Ndị Kọrẹntị Nke Ẹbụọ 4:1

Ebe o mẹ ni omikẹn Osolobuẹ kẹ ẹnyi gha nwọnhẹn ọrụnnị, ndụn ara gụ ẹnyi.

Ndị Kọrẹntị Nke Ẹbụọ 4:16

Ndụn agụkọ nwan ẹnyi: ọsụọn'a nị ẹhụ rị a kpọ ẹnyi nkụn, ẹnyi hụ e nwọnwaye ndụn ọhụn imẹ-mmọn ụhụọhịn-ụhụọhịn.

Ndị Kọrẹntị Nke Ẹbụọ 5:20

Ndị-nnọkin ẹnya Kraịstị kẹ ẹnyi wụ nwan, Osolobuẹ gi ẹnyi a rịọ ụnụ; ẹnyi rị nwan a rịọdọnni Kraịstị: dodo ni, “Kinhẹn ni d'e kunrun Osolobuẹ!”

Ndị Kọrẹntị Nke Ẹbụọ 6:1

Makẹni ẹnyi lẹ Osolobuẹ gba a rụn, ẹnyi rị nwan a rịọ ụnụ: dodo ni, anịlẹ ni ẹfọma Osolobuẹ rugụ ụnụ ẹka la iwi.

Ndị Ẹfẹsọsụ 4:1

Mmẹ hụn wụ onyẹ-ngan makẹni m rị e jẹnni Di-nwọnni-ẹnyi ozi rị nwan a rịọ ụnụ nị ụnụ bi obibi furu ọkpụkpọ Osolobuẹ kpọ ụnụ.

Ndị Ẹfẹsọsụ 5:10

A marịn nị ihiẹn a sụọ Di-nwọnni-ẹnyi.

Ditrọnọmi 14:2

makẹni ụnụ wụ ndị Osolobuẹ wụ Chuku ụnụ họpụha, dọn ụnụ nsọ. Imẹ alị ile rị ichẹn-ichẹn rị elu-ụwa, Osolobuẹ a họrịgụọ ụnụ nị ụnụ wụrụ ndị nke ẹ pụ-ichẹn.

Ndị Filipi 1:20

M nwọn olilẹnya ọda-ọda nị egikọ m egun mẹ ihiẹn ifẹnrẹn e gi mẹ m; kama, nị m k'e kuzi oku Kraịstị kikẹnni, kushi ẹ ikẹn kẹ m dọn e ku ẹ mbụ, gi ẹhụ m buli Kraịstị elu, omẹni ịrịn'a ndụn rọ, omẹni ịnwụnn'a ọnwụn rọ.

Ndị Filipi 2:17

Ọsụọn'a nwan nị wẹ rị nwan e hupụ ndụn m nọkẹ manya e cheni okukwe ụnụ nọkẹ ẹjan wẹ rị a chụnyeni Osolobuẹ, ẹfọ rị a sụọ m ụsụọ; m rị e sọn ụnụ a ghọghọ!

Ndị Filipi 4:18

Ihiẹn ile ụnụ ye e rugụọ m ẹka! O bukẹ!! Hụnnị Ẹpafrọditọsụ wẹhẹni m ihiẹn ile ụnụ ye ẹ bịanị m, ẹfọ e jungụọ m. Oyiye ishin ẹ a sụọ Osolobuẹ rọ, ẹjan Osolobuẹ a nabanhan hụn a sụọ a ụsụọ.

Ndị Tẹsalonika Ibuzọ 4:1

Umunẹ ẹnyi, igi mẹkin, ẹnyi gi ẹfan Di-nwọnni-ẹnyi wụ Jizọsị a rịọ ụnụ: bisọnmẹ ni obibi hụ ụnụ mụnarịn ẹnyi nị ya a sụọ Osolobuẹ ụsụọ, obibi ahụn ụnụ rị nwan e bi; bikẹnmẹ ni ẹrịra.

Ndị Tẹsalonika Ibuzọ 4:10

Ezioku-ezioku, ụnụ hụ e nwọn ihiẹn-ọsụsụọ ndị ile kwerini rị Ẹgbẹrẹ Masẹdonia, kanị, ẹnyi rị a rịọ ụnụ, umunẹ, nị ụnụ e mẹkẹnmẹ ẹ,

Ndị Tẹsalonika Ibuzọ 5:12

Kanị, umunẹ, ẹnyi rị a rịọ ụnụ nị ụnụ gbaye ndị rị a rụnshi ọrụn ikẹn imẹ ụnụ, ndị e lepụ ụnụ ẹnya imẹ Di-nwọnni-ẹnyi, a dụn ụnụ ọdụn.

Timoti Ibuzọ 2:3

Ihiẹn rị mma, a sụọ Osolobuẹ wụ Onyẹ-nzụọpụha ẹnyi rọ,

Timoti Ibuzọ 5:4

Omẹni okpoho di ẹ nwụn e nwọnghọ ụmụ mọbụ ụmụ-oyẹ, wẹ mụnrụngụdẹ kẹ w'e fe Osolobuẹ iwe wẹ, e gi ẹka wẹ rị e yeni ndị mụnị wẹ a kụkinbelụa wẹ ụgwọ, makẹni ịya a sụọ Osolobuẹ.

Filemọnụ 1:10

M rị a rịọ ị makẹ nwa m wụ Onesimọsụ, hụn m mụnrụn imẹ ngannị m rị.

Filemọnụ 1:9

kanị makẹ ufiri ihiẹn-ọsụsụọ, ọ ka m mma nị m rịọ ị. Mmẹ Pọlụ, hụn wụ okẹnnyẹ-ọba, hụn rị a nọkin ẹnya Jizọs Kraịstị, hụn rị imẹ ngan makẹ ufiri Jizọs Kraịstị; mmẹ rị a rịọ ị.

Hibru 13:22

M rị a rịọ ụnụ umunẹ m, dodo, nabanhan nị oku nkasị-obini m deni ụnụ, n'o suekẹni.

Pita Ibuzọ 2:20

Kị wụ erere i omẹni afụnfụn eje-ihiẹn i mẹ k'i dingbu? Kanị, omẹni mma i mẹ kẹ wẹ gbuni i ili, nị y'e digbu ẹ, ọghọ rọ ẹnya Osolobuẹ.

Pita Ibuzọ 2:5

Imẹ ẹ, ụnụ nwẹn wụzị ọmụma rị ndụn hụn wẹ rị e gi a tụn ụlọ imẹ-mmọn, kẹni ụnụ hụn ụzọ wụrụ ndị nchụn-ẹjan rị nsọ, ndị gha ẹka Jizọsị Kraịstị a chụn ẹjan imẹ-mmọn hụn a sụọ Osolobuẹ.