Ndị Rom 11:7 - Ika

⁷ Ya wụ nwan nị ndị Izrẹlụ ahụnnị ihiẹn wẹ rị a lụgbuni enwẹn wẹ, ndị ahụn Osolobuẹ họrị sụọ hụn a, Osolobuẹ a kpọkin ndị họdụnị obi:

Ndị Rom 11:7 ပူးပေါင်းရင်းမြစ်များ

Itẹn 1:28

Ogẹn ahụn, ụnụ jẹnkọ d'a kpọ m, kanị azakọ m; ụnụ k'e gi akpak'alị obi ụnụ chọ m kanị ụnụ ahụnkọ m —

Azaya 44:18

Onwọnni ihiẹn wẹ marịn; onwọnni ihiẹn w'a ghọta! A nyankingụọ wẹ wẹ ẹnya — w'a ra legha ụzọ, uche wẹ kpukin ekpukin — w'a ra s'ẹka a ghọta.

Azaya 6:10

Kpọkin ndịnị obi; kụkin wẹ ntịn, y'e kpumẹ wẹ ẹnya. Amamgbe w'e gi ẹnya wẹ legha ụzọ, gi ntịn wẹ nụ, gi obi wẹ ghọta, hutọ, nwọnrin nzụọrị.”

Makị 6:52

makẹni aghọtanị wẹ ọrụn-atụmẹnya ahụn o gi brẹdi rụn. Obi wẹ ze e ze.

Luku 13:24

“Shikwọ nị ọnwụn nị ụnụ banye ọnụmụzọ hụ mẹ warara! Makẹni ndị bu ọda jẹnkọ d'a lịlịma nị wẹ banye, kanị asakọ wẹ ẹka.

Jọnụ 12:40

“Chuku e mẹgụọ ẹnya kpu wẹ ishi, mẹ obi tikin wẹ — amamgbe wẹ e gi ẹnya wẹ legha ụzọ, gi obi wẹ ghọta, e gbehutọ wẹ d'e kunrun m; a zụọ m wẹ. Ya kẹ Chuku ku.”

Ndị Rom 10:3

makẹni aghọtanị wẹ ihiẹn wụ ezi-omumẹ ẹnya Osolobuẹ, ebe wẹ rị a chọ nị wẹ nwọnrin ezi-omumẹ nke wẹ, ekwerini wẹ bu enwẹn wẹ che ezi-omumẹ Osolobuẹ.

Ndị Rom 11:25

Umunẹ m, m chọ nị ụnụ marịn ihiẹn-omimini, amamgbe ụnụ e ro nị ụnụ ka ndị ọzọ mkpa. Isi-akwanran Izrẹlụ k'e ruhụ ogẹn ndị wụlẹni ndị Ju banlanị e gi zu ọnụ.

Ndị Rom 11:5

Ẹrịra k'ọ rịkwọ nwan; o nwọnzighọ ndị bulẹni ọda họdụnị, ndị Osolobuẹ gi ẹfọma a họtọ.

Ndị Rom 3:9

Kị mẹzi? Ẹnyi ndị Ju kadẹ nwan ndị ọzọ mma ra? Kaka akpohu! Ẹnyi e kugụọl'a nị njọ rị a kị ịhịan ile, kẹ ndị Ju kẹ ndị wụlẹni ndị Ju.

Ndị Rom 6:15

Kị ẹnyi e mẹzi nwan? Nị ẹnyi mẹsọnmẹ nwan njọ makẹni ẹnyi rị nwan okpuru ẹfọma Osolobuẹ ẹlẹzi okpuru Iwu? Kaka akpohu!

Ndị Rom 9:18

Ya wụ, ọ chọ n'o mẹ omikẹn ịhịan o mẹ omikẹn ẹ; ọ chọ n'ọ kpọkin ịhịan obi ọ kpọkin ẹ obi.

Ndị Rom 9:23

Kị rị a omẹni o gi ẹ ghọsị ndị ọ chọ n'o mẹni omikẹn ikẹn ẹ hi ogbe, ndị ọ sị o k'e ye ọghọ,

Ndị Kọrẹntị Ibuzọ 10:19

Kị m rị nwan e ku? M gidẹ ẹ nwan e ku ni ihiẹn-oriri wẹ gi rụa mmọn mọbụ mmọn lẹ enwẹn ẹ nwọn ihiẹn ọ wụ ra?

Ndị Kọrẹntị Nke Ẹbụọ 3:14

Eziẹ, wẹ kpùmẹ nghọta wẹ ekpumẹ ogẹn hụ. D'e rukwọ nwan tannị, wẹ gha a gụn mọbụ e gọn ntịn ebe wẹ rị a gụn Ẹkụkwọ-nkwerigbama akan hụ ẹkwa hụ kpumẹhụkwọ uche wẹ — makẹni imẹ Kraịstị sụọ kẹ wẹ nọ e wepụ a.

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Ndị Ẹfẹsọsụ 1:4

Nị Osolobuẹ d'e kedẹ ụwa, ọ họtọgụọlẹ ẹnyi imẹ Kraịstị makẹni o nwọn ihiẹn-ọsụsụọ ẹnyi, nị ẹnyi jẹnkọ d'a wụrụn'a ndị rị nsọ, nwọnlẹni nkọrịanị.

Ndị Ẹfẹsọsụ 4:18

Uche wẹ a gbagụọ ishi. Enwọn wẹ ndụn Osolobuẹ yeni onwọnni ihiẹn wẹ marịn, makẹni obi wẹ kpọkin akpọkin.

Ndị Filipi 1:18

Kị rị a? K'ọ rị, k'ọ rị, wẹ hụ e gi ụzọ ile e zi ozi Kraịstị: kẹ wẹ bu ihiẹn rị mma obi kẹ wẹ bu ihiẹn ọzọ obi e zi ẹ. Ịya wụ ịghọghọ m!! Ẹghẹẹ, m k'a gha a ghọghọ.

Hibru 12:17

Ụnụ a marịnghọ nị ogẹn o gi nwan chọ nị wẹ gọzi ẹ n'o nwọnrin ukuu nwa-ibuzọ, a jụ w'a; ọ sanị ẹka gbehutọ ihiẹn, ọsụọn'a n'o gi ẹnya-mirin chọ ngọzi hụ.

Pita Ibuzọ 1:2

ndị Chuku Nẹdi họtọ, gi Mmọn-nsọ dọn wẹ nsọ, kẹni wẹ hụn ụzọ humẹni Jizọsị Kraịstị isi, wụrụ ndị wẹ gi ẹdeke ẹ fepụ ẹhụ njọ. Ẹfọma lẹ udọn ya rịnị ụnụ mmagi-mmagi.