Ndị Rom 11:29 - Ika

²⁹ Makẹni Osolobuẹ ara napụ ịhịan ihiẹn o ye ẹ mọbụ kpọgụ ịhịan oku jụ a.

Ndị Rom 11:29 ပူးပေါင်းရင်းမြစ်များ

Hosia 13:14

Nị m gbapụha wẹ nwan ẹka ọnwụn? Nị m gbapụha wẹ nwan ẹka ili! Ọnwụn! Wẹhẹchanrịn ihiẹn ile i gi e gbu! Alị-mmọn! Wẹhẹchanrịn ihiẹn ile i gi e tikpọ! Emẹkọzị m omikẹn ndịnị!

Malakaị 3:6

“Makẹni mmẹ wụ Osolobuẹ ara gbehutọ haịn ụnụ wụ ebọn Jekọpụ gilẹni gụ k'o te furu,

Ọgụngụn 23:19

“Osolobuẹ ẹlẹ ịhịan hụn o gi tụ ntụ; ẹlẹ ịhịan mụ a hụn o gi rohutọ. N'o ku oku bụ o mẹn'ẹ? N'o kwe nkwa bu o mẹzun'ẹ?

Ndị Rom 11:30

Kẹ ụnụ ndị te e nnupụ-isi okpuru Osolobuẹ dọn nwan nwọnhẹn omikẹn ẹka Osolobuẹ makẹni ndị Ju nupụ isi,

Ndị Rom 8:28

Ẹnyi a marịnghọ nị Osolobuẹ e gi ihiẹn ile a rụnpụhanị ndị ihiẹn ẹ a sụọ ihiẹn rị mma, ndị ọ kpọ makẹ ihiẹn ọ chọ n'o mẹ.

Ndị Rom 8:30

Ndịnị ọ họtọ k'ọ kpọ; ọ kpọgụ wẹ, ọ nọ kuni wẹ ọhụnma, ya ọ nọ ye wẹ ọghọ.

Ndị Kọrẹntị Ibuzọ 1:26

Umunẹ m, lekpọ nị okuni Osolobuẹ kpọ ụnụ: ndị bu ọda ẹlẹ ndị ụwa a kpọ ndị marịn ihiẹn; ndị bu ọda ẹlẹ ndị okẹn-ịhịan; ndị bu ọda ẹlẹ ụmụ ndị-nze.

Ndị Ẹfẹsọsụ 1:18

M'a rịọ a ya kẹni ẹnya ụnụ shịapụ hụn obi ụnụ e gi ghọta, ụnụ a hụn ụzọ marịn ihiẹn hụn ọ kpọnị ụnụ, marịn ihiẹn ile higbu enwẹn ẹ ogbe o butọnị ndị-nsọ a;

Ndị Ẹfẹsọsụ 4:1

Mmẹ hụn wụ onyẹ-ngan makẹni m rị e jẹnni Di-nwọnni-ẹnyi ozi rị nwan a rịọ ụnụ nị ụnụ bi obibi furu ọkpụkpọ Osolobuẹ kpọ ụnụ.

Ndị Ẹfẹsọsụ 4:4

Ẹhụ ohu lẹ Mmọn-nsọ ohu rọ nọkẹ k'o dọn mẹni olilẹnya ohu kẹ Osolobuẹ kpọ ụnụ d'e nwọn.

Ndị Filipi 3:14

M'a lịlịma, e buchanrịn ihun e zinmẹ ebe m gbakọ, kẹni m nwọnhẹn ihiẹn hụn Osolobuẹ kpọnị ẹnyi oku elu-igwee rị imẹ Kraịstị wụ Jizọsị.

Ndị Tẹsalonika Nke Ẹbụọ 1:11

Ya haịn ẹnyi gi e mẹni ụnụ ekpere ogẹn ile, a rịọ Osolobuẹ ẹnyi n'o mẹ ụnụ a ghọsị nị oku ọ kpọ ụnụ alanị iwi; n'o gi ikẹn ẹ mẹ ihiẹn-ọma ile ụnụ chọ lẹ ọrụn ọwụlẹ ụnụ gi okukwe a rụn;

Timoti Nke Ẹbụọ 1:9

Makẹni, Osolobuẹ wụ onyẹ zụọpụhanị ẹnyi, kpọ ẹnyi oku rị nsọ. Ẹlẹ ọrụn-ọma ẹnyi rụn haịn o gi kpọ ẹnyi, kanị uche ẹ lẹ ẹfọma a haịn. O mẹgụọnị ẹnyi ẹfọmanị imẹ Kraịstị wụ Jizọsị nị ụwa d'e bidọn,

Hibru 3:1

Umunẹ m ndị rị nsọ, ndị wẹ kpọzị oku elu-igwee, e roni Jizọsị, onyẹ ozi pụ-ichẹn Osolobuẹ gi wẹhẹ okukweni ẹnyi rị imẹ ẹ, hụn wụzịkwọ onyẹ-isi nchụn-ẹjan ẹnyi.

Hibru 7:21

kanị o kun enwẹn ẹ tumẹ Jizọsị onyẹ nchụn-ẹjan. Makẹni Osolobuẹ sị a, “Di-nwọnni-ẹnyi e kungụọ enwẹn ẹ, o kuhutọkọ ọnụ. Ọ sị, ‘Ị wụ onyẹ nchụn-ẹjan jẹnrin ejẹn, ụdị nke Mẹkizẹdẹkị!’ ”

Pita Nke Ẹbụọ 1:10

Umunẹ m, lịlịma nị nwan kẹni ụnụ wụsọnmẹ ndị Osolobuẹ kpọ lẹ ndị ọ họrị d'e ru isi ẹ. Makẹni, ụnụ gha e mẹ ẹrịra onwọnni ogẹn ụnụ e gi dan!