Ndị Rom 11:27 - Ika

²⁷ Ọ sịzị “Ọnwan wụ nkwerigbama hụn k'a rị ẹgbata mmẹ lẹ wẹ: nị m k'e wepụ njọ wẹ.”

Ndị Rom 11:27 ပူးပေါင်းရင်းမြစ်များ

Azaya 27:9

Ọnwan kẹ Osolobuẹ k'e gi wepụ ikpe ma ebọn Jekọpụ. Ọnwan k'o gi ghọsịchanrịn n'o wepụgụọ njọ a: o k'e tikpọchanrịn ukpo ọmụma wẹ nọ a kwa ese, gweriẹn ọmụma rịn'a lekẹ nzụn mmaka. Ahụnkọzị wẹ osisi wẹ zumẹni mmọn Ashẹra mọbụ ukpo nsẹnsi.

Azaya 43:25

Mmẹ rị e finchanpụ mmẹfie ụnụ, mmẹ lẹ enwẹn m; makẹ ufiri mmẹ lẹ enwẹn m, anyanhankọzị m njọ ọnụ.

Azaya 55:3

Gi ihiẹn m ku dọn, n'ị bịa d'e kunrun m, gọn m ntịn kẹni ị rị ndụn. M k'e kwe i nkwa hụn m k'e mẹsọnmẹ jẹnrin ejẹn, nkwa ihiẹn-ọsụsụọ m hụ ghalẹni a gụ, hụn m kwe Defidi.

Azaya 59:21

“Mmẹ nwẹn, ọnwan wụ nkwa m kwe wẹ: gha ogẹnni jẹnmẹ, Mmọn m hụn m buche imẹ ndụn ụnụ aghakọ imẹ ụnụ pụ; oku m hụn m buche ọnụ ụnụ aghakọ ụnụ ọnụ pụ, ọ ghakọ ọnụ ụmụ ụnụ pụ, ọ ghakọ ọnụ ụmụ-ụmụ ụnụ pụ, jẹnrin-ejẹn. Ya kẹ Osolobuẹ ku.”

Jerimaya 50:20

O ru ogẹn ahụn, o ru ogẹn m k'e gi mẹ ẹ, wẹ k'a chọ njọ hụ m gi ma Izrẹlụ ikpe, ọ rịkọ a; wẹ k'a chọ njọ hụn Juda mẹ, ahụnkọ w'a — makẹni m k'a gbagharị ndị ahụn m k'e dọnmẹ ndụn imẹ wẹ. Mmẹ wụ Osolobuẹ ku ẹ.

Hosia 14:2

Gi ni arịrịọ jẹn d'e kunrun Osolobuẹ, sị n'a: “Dodo, gbagharị ẹnyi njọ ẹnyi, y'a nabanhan arịrịọ ẹnyi. Ẹnyi k'e gi ọnụ ẹnyi ye i oyiye, oyiye ọjịja-mma.

Jọnụ 1:29

Eki e fọn, Jọnụ nọ hụn Jizọsị k'ọ lala, Jọnụ nọ sị, “Lee n'ẹ! Ọnwan wụ Nwa-ebulu Osolobuẹ hụn e wepụ njọ ụwa!

Hibru 10:16

“Di-nwọnni-ẹnyi sị, ‘Ọnwan wụ nkwerigbama m jẹnkọ d'e tumẹ ẹgbata mmẹ lẹ wẹ ogẹn hụ: m jẹnkọ d'e bu iwu m che imẹ obi wẹ, m k'e de wẹ ye imẹ uche wẹ.’ ”