Ndị Rom 11:22 - Ika

²² Ebeni kẹ ẹnyi nọ hụn ẹfọma Osolobuẹ lẹ ẹka a zeni: ẹka zeni o gi e sọn ndị hụn danpụnị lẹ ẹfọma o gi e sọn ụnụ ndị kwerini — kasị a mẹ ni ụnụ nọdịhụkwọ ebe ẹfọma a nọ e ru ụnụ ẹka. Kanị, omẹni ụnụ anọdịsọnmẹni, ọ kwapụzịkwọ ụnụ nwẹn.

Ndị Rom 11:22 ပူးပေါင်းရင်းမြစ်များ

Ẹbụ-ọma 31:19

Lee ihiẹn ile rị mma i nwọn — hụn i butọnị ndị a tụ egun i, hụn y'a rụnnị ndị gbaburun'i hụn ya rụn idẹnya ịhịan ile.

Azaya 66:14

Ogẹn ụnụ e gi hụn ihiẹnni, ẹfọ k'a sụọ ụnụ ụsụọ, ụnụ a tụlụa kẹ irurue pupụhazị alị. Osolobuẹ k'a ghọsị ndị idibo ẹ ikẹn ẹ, ghọsị ndị-iṅẹnrẹn ẹ olulu ẹ.

Izikẹlụ 18:24

“Kanị, omẹni onyẹ ezi-omumẹ e bihutọ ẹka, mẹmẹ njọ, mẹmẹ arụ ndị hụ onyẹ-njọ e mẹ, n'ọ rịdẹ nwan ndụn ra? Ezi-omumẹ ile o mẹ, onwọnni hụn m k'a nyanhan, ebe o mẹni o hutọgụọ, mẹmẹ njọ; isi ẹ k'a tọ a.

Izikẹlụ 3:20

“O mẹzikwọnị onyẹ ezi-omumẹ a latọ ezi-omumẹ ẹ, mẹmẹ eje-ihiẹn, nị e bu m uke tọn'a; o k'a nwụn. Ebe o mẹ ni y'a gban'a mkpịnsịn-ẹka ẹnya, o k'a nwụn makẹ njọ a. Anyanhankọ m ihiẹn rị mma o mẹ; ẹdeke ẹ jẹnkọ d'a rị ị ẹka.

Luku 8:15

“Ezigbo alị hụ mkpụrụ ndị hụ danye wụ ndị ahụn nụ oku-Chuku, gi obi wẹ ile nabanhan a, kwọnkẹnmẹ ẹ, din ndidin, mị mkpụrụ.

Jọnụ 15:2

Agalaba m ọwụlẹ mịlẹni mkpụrụ, o bepụ a; kanị agalaba hụn mị mkpụrụ, o befọn ẹ, kẹni ọ mịkẹnmẹ.

Jọnụ 8:31

Ya kẹ Jizọsị nọ sị ndị Ju hụn kwerinin'ẹ, “Omẹni ụnụ e sọnsọnmẹ nkuzi m, ụnụ wụ ndị nsọnmazụụn m nke-esi;

Ọrụn Ndị-ozi 11:23

Ogẹn o gi ru ẹ, hụn ẹfọma Osolobuẹ k'ọ rị ọrụn, ọ nọ ghọghọ; ọ nọ dụn wẹ ọdụn wẹ wechanrịn enwẹn wẹ kwanị Di-nwọnni-ẹnyi, kwọnkẹnmẹchanrịn Di-nwọnni-ẹnyi.

Ọrụn Ndị-ozi 14:22

wẹ hụ e jẹn, wẹ hụ a gba ndị nke Jesu rị imẹ obodo ndịnị umẹ; a gwa wẹ kwọnkẹnmẹ okukwe wẹ kwerini Kraịstị, nị “Ẹnyi k'a tarịrị afụnfụn bu ọda omẹni ẹnyi jẹnkọ d'a banye Alị-eze Osolobuẹ.”

Ndị Rom 11:21

Makẹni, omẹni Osolobuẹ ahatuni ndị Ju hụn wụ ezigbo agala osisi hụ, ọ hatukọkwọ ụnụ nwẹn!

Ndị Rom 2:7

Nke ndị e mẹsọnmẹ mma makẹni wẹ rị a chọ nị Osolobuẹ ye wẹ ọghọ lẹ mgbaye lẹ ndụn nwọnlẹni ọgụgụ, Osolobuẹ k'e gi ndụn itẹbitẹ kụ wẹ ụgwọ.

Ndị Kọrẹntị Ibuzọ 15:2

oziọma ahụn Osolobuẹ gi rị a zụọpụha ụnụ, omẹni ụnụ e kwọnkẹnmẹghọ ozi hụ m zi ụnụ — mmanị ụnụ kwerihụ nke ọlaliwi.

Ndị Galeshịa 6:9

Ya wụ, ndụn imẹ-mma y'a gụkwọlẹ ẹnyi. Makẹni, omẹni ẹnyi anịnị ndụn gụ ẹnyi, ogẹn ru, ẹnyi jẹnkọ d'e ri erere ẹ.

Ndị Tẹsalonika Ibuzọ 3:5

Ufiri ẹ, makẹni ọ nịzịnị m din, m nọ zi ozi nị m marịn kẹ okukwe ụnụ nọ, amamgbe, ọ wụrụ nị onyẹ-ọnwụnwan a nwangụọ ụnụ, ihiẹn ẹnyi rụn a la iwi.

Ndị Tẹsalonika Ibuzọ 3:8

Ndụn a bangụọ nwan ẹnyi — ebe o mẹ ni ụnụ turuhụ ọhụnma-ọhụnma imẹ Di-nwọnni-ẹnyi.

Hibru 10:23

Nị ẹnyi kwọnkẹnmẹ ni nwan olilẹnya ẹnyi, e ku ẹ, e kushi ẹ ikẹn, makẹni Onyẹ hụn kwe ẹnyi nkwa furu wẹ gi e dọn ẹnya.

Hibru 3:14

Makẹni ẹnyi lẹ Kraịstị k'a rịsọnmẹ omẹni ẹnyi e kwọnkẹnmẹ ẹka ahụn ẹnyi gi bidọn d'e ru njẹndemẹ.

Hibru 3:6

Kanị Kraịstị rụn ọrụn ọhụnma nọkẹ Nwa hụn ụlọ Osolobuẹ rị ẹka. Ụlọ Osolobuẹ hụ kẹ ẹnyi wụ, o mẹkwọ nị ẹnyi a tọ e kushi ikẹn, e nwọn olilẹnyanị, e nwọnshi ẹ ikẹn.

Jọnụ Ibuzọ 2:19

Ezioku rọ nị imẹ igunrun ẹnyi kẹ ndịnị gha pụ, kanị, ẹlẹ wẹ ndị nke ẹnyi. Makẹni, omẹni wẹ wụ ndị nke ẹnyi, nkẹ e sọn wẹ ẹnyi nọdị. Kanị, ọpụpụ wẹ pụ imẹ igunrun ẹnyi k'o gi wechanrịn ẹnya nị ẹlẹ wẹ ndị nke ẹnyi.

Rẹvẹleshọnụ 2:5

Nyanhan nị nwan ebe ụnụ gha dan, ụnụ e bihutọ ẹka, mẹmẹzi kẹ ụnụ e mẹ mbụ. Ụnụ jụ, a bịa m d'e wepụ obu-ukpẹ ụnụ ọnọdị a, mmanị ụnụ bihutọ ẹka.