Ndị Rom 11:1 - Ika

¹ M rị nwan a jụ: “Osolobuẹ a jụgụọ ndị nke ẹ wụ ndị Izrẹlụ ra?” Kaka! M wụ onyẹ Izrẹlụ maị! M wụ nwa Ebraham, onyẹ ebọn Bẹnjamini.

Ndị Rom 11:1 ပူးပေါင်းရင်းမြစ်များ

Ndị-nze Nke Ẹbụọ 23:27

Osolobuẹ nọ sị, “M k'e wepụzị Juda ihun m kẹ m dọn wepụ ndị Izrẹlụ rị Ẹbamịn ugu; m k'a jụzịkwọ Jerusalẹm, obodo hụn m họrị lẹ ụlọ-nsọnị hụn m te sị, ‘Ebẹhụ kẹ ẹfan m k'a rị.’ ”

Ẹbụ-ọma 77:7

a sị, “Nị Osolobuẹ jụchanrịn ẹnyi ẹnịna jẹnrin ejẹn? O gikọzị ẹnya rị mma lee ẹnyi?

Ẹbụ-ọma 94:14

Makẹni Osolobuẹ alatọkọ ndị nke ẹ; ọ gbakitọkọ ihiẹn ẹ azụụn.

Hosia 9:17

Chuku m sikọ d'a jụ wẹ tọ makẹni egọnni w'ẹ ntịn. Wẹ k'a gha a wahunmẹ imẹ alị ndị ọzọ.

Luku 20:16

O sikọ d'a bịa d'e gbu wẹ, we ugbo hụ ye ndị ọzọ.” A nụ wẹ ihiẹnni, wẹ nọ sị, “Chuku a jụ!”

Ọrụn Ndị-ozi 22:3

“M wụ onyẹ Ju. Tasọsụ rị Ẹgbẹrẹ Silisia kẹ wẹ nọ mụ m, kanị imẹ Jerusalẹm ebeni kẹ wẹ nọ zụn m. Gamaliẹlụ zụn m. Wẹ zụn m ọzụnzụn Iwu ndị nẹdi ẹnyi kanị, zụnru m alị; m'e te dụnnị Osolobuẹ kẹ ọkụn kẹ ụnụ ile dọn rị a dụnn'a tannị.

Ọrụn Ndị-ozi 26:4

“Ndị Ju ile a marịnghọ kẹ m dọn bi gha alị lala, kẹ imẹ alị wẹ nọ mụ m kẹ imẹ Jerusalẹm.

Ndị Rom 11:11

M rị nwan a jụ: kẹ ndị Ju kpọgburu, wẹ dangungwọn adangungwọn? Kaka! Kama, makẹni wẹ mẹ njọ, nzụọpụha a bịagụọnị alị ndị ọzọ, kẹni ẹnya fụma uwẹ wụ ndị Ju.

Ndị Rom 3:4

Mba, kaka! Osolobuẹ ya wụrụ onyẹ ezioku, ọsụọn'a nị ịhịan ile wụ ndị-ntụ. Ọ nọhụ kẹ Ẹkụkwọ-nsọ dọn ku ẹ, sị, “Wẹ k'a hụn a nị ihiẹn i ku wụ ezioku; wẹ kin i ikpe, i k'e ri eṅẹn.”

Ndị Rom 9:3

ebe m rị e ro ndị alị m! Nkẹ ọ rị m nị Osolobuẹ bụ m ọnụ wepụ m imẹ Kraịstị, omẹni ọhụn kẹ wẹ e gi nwọn nzụọpụha.

Ndị Kọrẹntị Nke Ẹbụọ 11:22

Omẹni wẹ wụ ndị Hibru, ya kẹ mmẹ nwẹn wụ; omẹni wẹ wụ ndị Izrẹlụ, ya kẹ mmẹ nwẹn wụ; omẹni wẹ wụ ụmụ Ebraham, ya kẹ mmẹ nwẹn wụzị;

Ndị Filipi 3:5

Wẹ kwa m ugun kẹ m rị nwa akpọhịn ẹsatọ daị; m wụ nwa-di-alị Izrẹlụ: onyẹ ebọn Bẹnjamini; onyẹ Hibru ndị Hibru mụ. O mẹ nke idọnmẹ Iwu Mozizi, m te wụdẹ onyẹ Farisi;

Samuẹlụ Nke Ibuzọ 12:22

Makẹ ufiri okẹn ẹfan Osolobuẹ, Osolobuẹ ajụtọkọ ụnụ wụ ndị nke ẹ, makẹni ọ sụọghọ a ebe ọ nọ gi ụnụ họnrin ndị nke ẹ.