Ndị Rom 10:6 - Ika

⁶ Kanị, nke ezi-omumẹ wẹ gi okukwe e nwọnhẹn, ihiẹn Ẹkụkwọ-nsọ ku wụ, “Ajụlẹ ni enwẹn ụnụ kẹ ‘Onyẹ k'e jẹn nwan elu-igwee?’ (Ya wụ, kẹni o d'e wẹhẹ Kraịstị)

Ndị Rom 10:6 ပူးပေါင်းရင်းမြစ်များ

Itẹn 30:4

Onyẹ jẹntu elu-igwee hidan? Onyẹ gitu ẹka kpọnrin ufere? Onyẹ gitu mgburu ẹ fụma mirin rị igwere? Onyẹ mẹ ụwa ru ebe ile o ru? Kị wụ ẹfan a lẹ ẹfan nwa a? Gwa m — omẹni y'a marịnghọ!

Jọnụ 6:33

Makẹni brẹdi Osolobuẹ wụ onyẹ hụ gha elu-igwee bịa, hụn rị e ye ụwa ndụn.”

Jọnụ 6:38

Makẹni, aghanị m elu-igwee bịa d'e mẹ uche m, kanị uche onyẹ hụn zihẹni m.

Jọnụ 6:58

Ọnwan wụ brẹdi gha elu-igwee bịa; ọ nọnị kẹ hụn ndị nẹdi ụnụ kanị ri, kanị a nwụnhụnkwọ wẹ. Onyẹ ri brẹdini, o jẹnkọ d'a rị ndụn jẹnrin ejẹn.”

Ndị Rom 3:22

ezi omumẹ Osolobuẹ hụn a bịa ghahanị ikwerini Jizọs Kraịstị rọ; o ru ndị ile kwerini ẹka, ara tu onyẹ ịhịan wụ,

Ndị Rom 3:25

Makẹni, Osolobuẹ we Jesu ye, gi ẹ họnrin ẹjan wẹ e gi wepụ njọ jẹnni onyẹ hụn gi ẹdeke ẹ hụn wụ ọnwụn a dọn, kẹni o we ẹnya nị Osolobuẹ wụkwọ onyẹ ezi-omumẹ ghalẹni a kwadọn njọ ebe ọ nọ din ndidin fepụ ẹnya njọ ịhịan mẹ mbụ.

Ndị Rom 4:13

Nkwa Osolobuẹ kwe Ebraham lẹ nwa a nị ụwa ile k'a wụ nke ẹ ẹlẹ ghahanị Iwu kanị ghahanị ezi-omumẹ wẹ gi okukwe e nwọnhẹn.

Ndị Filipi 3:9

a rịchanrịn m imẹ ẹ, ẹlẹ nke onyẹ rị ọchan ẹnya enwẹn ẹ makẹni ọ hụ e dọnmẹ Iwu, kama, rịkẹ onyẹ rị ọchan makẹni o gi Kraịstị e dọn ẹnya — ịrị-ọchan ahụn gha ẹka Osolobuẹ a bịa, hụn wẹ gi okukwe e nwọnhẹn.

Hibru 1:3

Ịya kẹ wẹ gi a hụn kẹ Osolobuẹ nọ. Ẹnya hụnn'a a hụngụọ Osolobuẹ. O gi oku-ọnụ a hụn nwọn ikẹn hi-ogbe e kwọndọn ụwa ile. Ogẹn o gi chụngụ ẹjan wẹ gi a chanchanpụ njọ, ọ nọdị alị ẹka-nni Onyẹ kachanrịnnị imẹ elu-igwee.

Hibru 11:7

Makẹni Nụa nwọn okukwe, ogẹn Osolobuẹ gi gwatọ a ihiẹn mẹtulẹni jẹnkọ d'e mẹni, o gi ẹ dọn, gi egun Osolobuẹ rụn ụgbọ-mirin ahụn pụ-ichẹn, hụn Osolobuẹ gi nwan zụọpụha ezi-lẹ-ụlọ a. Nụa gi ihiẹnni o mẹ shịagbu ụwa ẹri, gi okukwe ẹ họnrin onyẹ ezi-omumẹ.