Ndị Rom 10:15 - Ika

¹⁵ Nanị w'a dọn ku oku ẹ omẹni e zijẹnni wẹ ndị-ozi? Ya kẹ Ẹkụkwọ-nsọ gi sị nị “Ụkụ ndị wẹhẹ oziọma a rịka mma!”

Ndị Rom 10:15 ပူးပေါင်းရင်းမြစ်များ

Azaya 40:9

Ịyụ hụn wẹhẹni Zayọnụ ozi rị mma, nyinrin nwan ugu jẹn elu n'ị hị. Ịyụ hụn wẹhẹni Jerusalẹm ozi rị mma, weshi olu elu yikẹnmẹ oro! Weshi olu elu — atụlẹ egun; sị obodo ndị rị Juda: “Lee ni Chuku ụnụ!”

Azaya 52:7

Ụkụ ndịnị fetula ugu arịka mma-o! Ụkụ ndị ahụn wela ozi rị mma! Ndị bịa d'e ku ni ihiẹn a rịgụọ mma, ndị wẹhẹ ozi rị mma, ndị rị a hị nị nzụọpụha a bịagụọ, ndị rị a sị ndị Zayọnụ, “Chuku ụnụ wụ eze!”

Azaya 57:19

gi ẹ mẹ ndị rị a kwan ụya ghọghọma. Ya rịnị wẹ mma-o! Ya rịnị wẹ mma-o! Kẹ ndị rị nsue kẹ ndị rị ebe teni! M jẹnkọ d'a zụọ wẹ emu.” Ịya kẹ Osolobuẹ ku.

Azaya 61:1

Mmọn Di-nwọnni-ẹnyi wụ Osolobuẹ rị imẹ m, makẹni Osolobuẹ e tumẹgụọ m d'e zi ndị igbẹnnyẹ ozi rị mma. O zi m d'a kasị ndị ndụn gụ obi, d'a sị ndị wẹ kwọndọn lama, d'a sị ndị ngan pụha;

Jerimaya 23:32

Mmẹ lẹ ndị-amụma gi ihiẹn wẹ rọhụn hụn wụlẹni oku m e bu amụma rọ. Wẹ hụ e ziẹn nrọ ndị ahụn, e gi ihiẹn ile wụlẹni nke m wẹ rị e mẹ e dufie ndị nke m, ihiẹn ile wẹ rịlẹni a jụ m e mẹ; ezini m wẹ, etumẹni m wẹ. Onwọnni ẹka wẹ rị e yeni ndị nke m kaka.’

Nahum 1:15

E lee ni ụkụ onyẹ rị elu ugu gi ozi rị mma lala! Ọ hụ e yi, “Ihiẹn ile a rịgụọ mma! Ndị Juda mẹmẹzi ni mmẹmmẹ ụnụ! Mẹni ni nwan Osolobuẹ nkwa ụnụ kwe ẹ; ndị-ejẹ ahụn amayekọzị ụnụ! Wẹ k'e tikpọchanrịn wẹ!”

Matiu 9:38

Rịọ nị nwan Onyẹ nwọn ugbo n'o zihẹ ndị-ọrụn sikọ d'a ghọn'a ihiẹn-ugbo ẹ.”

Luku 10:1

Ọhụn e mẹgụ, Di-nwọnni-ẹnyi nọ họrị ikẹnnyẹ mmẹbụọ kwasị ọgụn-ẹtọ ndị ọzọ. Ọ nọ zipụ wẹ ẹbụọ-ẹbụọ, nị wẹ burun'ẹ ụzọ jẹn obodo ile lẹ ebe ile o sikọ d'e jẹn.

Luku 2:10

Kanị mmọn-ozi hụ nọ sị wẹ, “Atụlẹ ni egun! Ozi rị mma hụn sikọ d'e wẹhẹni ịhịan ile ẹregede ịghọghọ kẹ m wẹhẹni ụnụ!

Luku 2:14

“Ịja-mma ya rịnị Osolobuẹ ebẹhụ kachanrịn elu ejẹn; udọn ya rịnị ndị rị imẹ ụwa, ndị ọ rị e mẹni ọhụnma!”

Luku 8:1

Otebe ẹkẹrẹ, Jizọsị nọ ghasọnmẹ obodo uku lẹ obodo nta ile, e zi oziọma Alị-eze Osolobuẹ. Ya lẹ ndị nsọnmazụụn a mmẹbụọ hụ wị,

Jọnụ 20:21

Ya Jizọsị nọzị nwan sị wẹ, “Udọn ya rịnị ụnụ. M rị nwan e zi ụnụ kẹ Chuku-Nẹdi dọn zi m.”

Ọrụn Ndị-ozi 10:36

Ụnụ a marịnghọ ozi o zijẹnni ndị Izrẹlụ: oziọma ya lẹ ịhịan gi e dọn ghahanị Jesu Kristi Onyẹ nwọn ihiẹn ile lẹ ịhịan ile.

Ọrụn Ndị-ozi 13:26

“Umunẹ m ndị ebọn Ebraham lẹ ndị a tụ egun Osolobuẹ imẹ ụnụ, e zihẹgụọnị wẹ ẹnyi oziọma nzụọpụhanị.

Ọrụn Ndị-ozi 22:21

Ya ọ nọ sị m, ‘Jẹnmẹ! M zikọ ị ebe tegbu enwẹn ẹ d'e kunrun ndị alị ọzọ wụlẹni ndị Ju.’ ”

Ọrụn Ndị-ozi 9:15

Kanị Di-nwọnni-ẹnyi nọ sị a, “Jẹnmẹ, makẹni okẹnnyẹni kẹ m họrị n'ọ wụrụ ihiẹn-ọrụn m hụn k'e we ẹfan m jẹnni alị ndị ọzọ lẹ ndị-nze lẹ ndị Izrẹlụ;

Ndị Rom 1:15

ya haịn o gi a dụ m nị m bịa d'e zizikwọ ụnụ ndị rị imẹ Rom oziọma.

Ndị Rom 15:20

Ihiẹn m'a chọ ogẹn ile wụ nị m'e zi oziọma ebe wẹ kelẹni nụ ẹfan Kraịstị, amamgbe m'a tụnyemẹzi ebe onyẹ ọzọ tụnmagụ.

Ndị Ẹfẹsọsụ 2:17

Ya Kraịstị nọ bịa d'e zi ịhịan ile ozi udọn ahụn: kẹ ụnụ ndị alị ndị ọzọ rị ebe teni kẹ ndị Ju rị nsue.

Ndị Ẹfẹsọsụ 3:8

Ọsụọn'a nị mmẹ kachanrịndẹ ntịn imẹ ndị nke Osolobuẹ, o ye m oyiyeni kẹni m zi ndị alị ọzọ oziọmanị, gwa wẹ ezigbo ihiẹn nwọnlẹni ọgụgụ hụn jun imẹ Kraịstị,

Ndị Ẹfẹsọsụ 6:15

Yiri ni adụdụ izi-oziọma udọn ụkụ nọkẹ akpụkụ onyẹ-agha.

Pita Ibuzọ 1:12

Osolobuẹ nọ ghọsị wẹ nị ẹlẹ wẹ, nị ụnụ kẹ wẹ rị e zitọnị ozi. Ụnụ a nụgụọ a nwan ọnụ ndị wẹhẹni ụnụ oziọma ghahanị ikẹn Mmọn-nsọ ahụn Osolobuẹ gha elu-igwee zihẹ. Ndị mmọn-ozi nkẹ a chọka nị wẹ leghadẹ ihiẹn ndịnị!