Ndị Rom 10:1 - Ika

¹ Umunẹ m, ihiẹn a gụnnị m lẹ ihiẹn m'a rịọ Osolobuẹ wụ n'ọ zụọpụha ndị alị m.

Ndị Rom 10:1 ပူးပေါင်းရင်းမြစ်များ

Ọpụpụ 32:10

Hatu m nwan ye, nị m gi olulu mẹ wẹ ihiẹn, gi ẹ tikpọpụ wẹ, e gi m'i họnrin okẹn alị!!’ ”

Ọpụpụ 32:13

Nyanhankwọ idibo i wụ Ebraham, Aziki lẹ Izrẹlụ, ndị i kunni enwẹn i, sị, ‘M k'e mẹ ụmụ ọnụ bu ọda kẹ kokisẹ rị igwere, ye ụmụ ụnụ alịnị ile m kwe nkwa a, ọ wụrụ nke wẹ jẹnrin ejẹn.’ ”

Jerimaya 17:16

Agbatọnị m ndịnị ị sị m lepụ ẹnya, ọ rịtuni m nị ogẹn nsọngbu kunrun wẹ. Y'a marịnghọ ihiẹn gha m ọnụ a pụha — idẹnya ị kẹ m nọ e ku ihiẹn m'e ku.

Jerimaya 18:20

W'e gidẹ nwan njọ a kụ mma ra? E gutọgụọnị wẹ m olu kẹni m danye. Nyanhankwọ kẹ m dọn nọ ihun i a rịọdọnni wẹ, a rịọ ị n'i mẹyeni wẹ, makẹ ị gha e gi ọnụma e sọn wẹ!

Luku 13:34

“Heuu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpọnkikomẹ ndị rị imẹ i kẹ nneku-ọhụhụ dọn e kpọnkikomẹ ụmụ a e ye okpuru nku ẹ, kanị y'a nịnị m!

Jọnụ 5:34

Ẹlẹ ni m chọ ẹri ịhịan, kanị m rị e ku ihiẹnni kẹni ụnụ nwọn nzụọpụha.

Ndị Rom 10:2

M k'a shịanị wẹ ẹri nị ihiẹn Osolobuẹ a rịka wẹ mkpa, kanị, amamihiẹn arịa —

Ndị Rom 9:33

kẹ Ẹkụkwọ-nsọ dọn ku ẹ, sị, “Lee ẹnya, e butọgụọ m ọmụma imẹ Zayọnụ, ọmụma ịhịan a kpọgburu a dan, nkumẹ hụn k'e mẹ wẹ dan. Kanị, o kpuyekọ onyẹ kwerinin'ẹ.”

Samuẹlụ Nke Ibuzọ 12:23

O mẹ nke m, w'a sọ ni m k'e mẹbehini ọnụ ekpere, amamgbe m'e gi ẹ mẹ Osolobuẹ njọ. M jẹnkọ d'a gha e zin ụnụ ụzọ rị mma furuni.

Samuẹlụ Nke Ibuzọ 15:11

“Ọ fụka m nị m tumẹ Sọlụ eze, makẹni ọ gbakitọgụọ m azụụn; o mẹni ihiẹn m sị a mẹ.” Ihiẹnni nọ fụ Samuẹlụ, ọ nọ kwanghọsị Osolobuẹ uhinhin hụ ile.

Samuẹlụ Nke Ibuzọ 15:35

Samuẹlụ e we nwụn, o jẹnzini d'a hụn Sọlụ, kanị ọ hụkwọ a kwannị Sọlụ. Ọ fụghọ Osolobuẹ nkẹ ọda-ọda n'o kin Sọlụ eze.