Ndị Rom 1:16 - Ika

¹⁶ Ifẹnrẹn oziọma arị e mẹ m, makẹni ya wụ ikẹn Osolobuẹ gi a zụọpụha onyẹ ọwụlẹ kwerini, ndị Ju wụ ibuzọ, o sọn ndị wụlẹni ndị Ju.

Ndị Rom 1:16 ပူးပေါင်းရင်းမြစ်များ

Ẹbụ-ọma 110:2

Osolobuẹ k'e mẹ i gha obodo Zayọnụ kịgbarị: kịma nwan ndị-iṅẹnrẹn i.

Ẹbụ-ọma 119:46

A gwama m ndị-nze oku hụn i ku, ifẹnrẹn emẹkọ m;

Azaya 53:1

Onyẹ kweri nwan ozi ẹnyi? Onyẹ kẹ Osolobuẹ ghọsị ihiẹnni Osolobuẹ mẹ?

Jerimaya 23:29

Ẹlẹ oku m nọkẹ ọkụn?! Ẹlẹ oku m nọ kẹ igwe wẹ gi a kụgungwọn ọmụma?! Ya kẹ Osolobuẹ ku.

Makị 8:38

Onyẹ mẹ ifẹnrẹn mmẹ lẹ oku m imẹ eje-agbọnị ẹnya rịlẹni ụzọ ohu, mmẹ wụ Nwa nke Ịhịan sikọ d'e mẹ ifẹnrẹn ẹ ogẹn m k'e gi gi ọghọ Nẹdi m bịa, mmẹ lẹ ndị mmọn-ozi rị nsọ.”

Luku 9:26

“Makẹni, onyẹ mẹ ifẹnrẹn mmẹ lẹ oku-ọnụ m, mmẹ wụ Nwa nke Ịhịan sikọ d'e mẹzi ifẹnrẹn ẹ ogẹn m'e gi gi ọghọ m lẹ nke Chuku-Nẹdi lẹ nke ndị mmọn-ozi nsọ bịa.

Jọnụ 7:35

Ya ndị Ju nọ sị ibe wẹ, “Elebe kẹ okẹnnyẹni chọ n'o jẹn, hụn ẹnyi jẹnkọlẹni d'a hụn a? Onyẹ ma k'o jẹnkọ ebe ndị nke ẹnyi bi alị ndị ọzọ rị kẹni o d'a kuzi ndị alị ọzọ?

Ọrụn Ndị-ozi 3:26

Ogẹn Osolobuẹ gi wepụha odibo ẹ, ọ nọ bu ụzọ zihẹni ụnụ ya, n'ọ gọzi ụnụ, ghahanị imẹ onyẹ-onyẹ imẹ ụnụ pụha imẹ njọ a.”

Ndị Rom 10:17

Ya wụ, ihiẹn onyẹ nụ k'o gi e nwọn okukwe; ihiẹn w'a nụ e nwọnrin okukwe wụ ozi Kraịstị.

Ndị Rom 15:19

lẹ ihiẹn ile o gi ihiẹn-nghọsị lẹ ọrụn-atụmẹnya lẹ ikẹn Mmọn Osolobuẹ rụn; nke wụ nị e zigbarịgụọ m oziọma Kraịstị ghakwọrị Jerusalẹm d'e ru Ilaịrịkọm.

Ndị Rom 15:29

M lalanị, a marịnghọ m nị m k'e buhẹ ngọzi Kraịstị mmagi-mmagi.

Ndị Rom 2:9

afụnfụn lẹ nsọngbu k'a rịnị onyẹ ọwụlẹ e mẹ eje-ihiẹn, ndị Ju wụ ibuzọ, o sọn ndị wụlẹni ndị Ju.

Ndị Rom 4:11

omẹgụ, Osolobuẹ nọ nwan gi ịkwa-ugun ye ẹ ahịma, ghọsị n'o gigụọlẹ okukwe ẹ họnrin onyẹ ezi-omumẹ k'o kelẹni kwa ugun. Osolobuẹ mẹ ẹ kẹni Ebraham wụrụ nẹdi ndị ile kwalẹni ugun hụn kwerini, ndị hụn Osolobuẹ gizi okukwe wẹ kpọ ndị ezi-omumẹ,

Ndị Kọrẹntị Ibuzọ 15:2

oziọma ahụn Osolobuẹ gi rị a zụọpụha ụnụ, omẹni ụnụ e kwọnkẹnmẹghọ ozi hụ m zi ụnụ — mmanị ụnụ kwerihụ nke ọlaliwi.

Ndị Kọrẹntị Ibuzọ 2:2

Makẹni m kwademẹ obi m nị ebukọ m ẹnya che ihiẹn ọzọ imẹ igunrun ụnụ wezụka Jesu Kristi — Jesu Kristi wẹ kpọgbu elu obe.

Ndị Kọrẹntị Ibuzọ 2:4

Kẹ ebe m nọ e ku oku kẹ ebe m nọ e ku oku-Chuku, ekuni m kẹ ndị marịn ihiẹn, ekuni m n'ọ sụọ ịhịan ụsụọ ntịn, o kweyeni m. Kama, m hụ e ku ẹ, a ghọsị ụnụ nị ẹka Mmọn-nsọ lẹ ikẹn ẹ rị a.

Ndị Kọrẹntị Ibuzọ 9:12

Omẹni ụnụ hụ e ye ndị ọzọ rị a rụn ọrụn Osolobuẹ ihiẹn ndịnị runi wẹ, ẹlẹ ẹnyi k'o furu nị ụnụ ka e ye? Kanị ẹnyi adọtuni ụnụ ihiẹn ndịnị runi ẹnyi, kaka! Kama, ẹnyi hụ e dingbuchanrịn ihiẹn ile, makẹ ẹnyi gha e mẹ oziọma Kraịstị uke.

Ndị Kọrẹntị Ibuzọ 9:18

Kị wụzị nwan ụgwọ-ọrụn m? Ụgwọ-ọrụn m wụ nị m'e zi oziọma ọfẹ, m'a ra dọ wẹ ihiẹn ile runi m m gha e zi oziọma.

Ndị Kọrẹntị Nke Ẹbụọ 2:12

Ogẹn m gi pụha Trasị kẹni m zi oziọma Kraịstị, m nọ hụn nị Di-nwọnni-ẹnyi a kpọpụgụọnị m ụzọ m'e gi rụn'a ọrụn ebẹhụ.

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Ndị Kọrẹntị Nke Ẹbụọ 9:13

Okukwe ụnụ gi ẹ ghọsị jẹnkọ d'e ye Osolobuẹ ọghọ, makẹni ọ ghọsị ndị bu ọda k'e rin'ẹ nị ụnụ e humẹni oziọma Kraịstị ụnụ kweri isi ebe ụnụ nọ ye wẹ lẹ ndị ọzọ ọda.

Ndị Galeshịa 1:7

ẹlẹni oziọma ọzọ rị a rị nke-esi, kanị o nwọnghọ ndị rị e ye ụnụ nsọngbu, e mẹ obi eruzilẹ ụnụ alị, a chọ nị wẹ gbehutọ oziọma Kraịstị.

Ndị Tẹsalonika Ibuzọ 2:13

Ẹnyi a kpanmịnzị Chuku ogẹn ile, nị, ụnụ anabanhannị oku-Chuku ụnụ nụ ọnụ ẹnyi nọkẹ oku ịhịan, kanị nọkẹ oku-Chuku hụ ọ wụ nke-esi, hụn rị nwan a rụn ọrụn imẹ ndụn ụnụ ndị kwerini.

Timoti Ibuzọ 1:11

Ezigbo nkuzini rị imẹ oziọma hụn Osolobuẹ, Onyẹ hụ furu w'a ja mma, buche m ẹka.

Timoti Nke Ẹbụọ 1:12

ufiri ẹ kẹ m gizi rị a ta afụnfụn ẹnịna. Kanị ifẹnrẹn arị e mẹ m, makẹni a marịnghọ m onyẹ m gi dọn ẹnya; a marịnzịghọ m n'o k'a s'ẹka chedọn ihiẹn m buche ẹ ẹka d'e ru Ụhụọhịn ahụn.

Timoti Nke Ẹbụọ 1:16

Osolobuẹ ya mẹni ezi-lẹ-ụlọ Onẹsiforọsụ omikẹn, makẹni Onẹsiforọsụ a gbaka m umẹ! Ifẹnrẹn ẹgan m e mẹdẹn'ẹ.

Timoti Nke Ẹbụọ 1:8

Emẹkwọlẹ nwan ifẹnrẹn iku-oku Onyẹ-nwọnni-ẹnyi mọbụ ifẹnrẹn mmẹ nwẹn hụn rị nwan imẹ ngan makẹ ufiri ẹ. Kama, gi ikẹn Osolobuẹ sọn ẹnyi tanị oziọma afụnfụn.

Hibru 4:12

Makẹni, Oku Osolobuẹ rị ndụn; ọ rụn ọrụn; ọ tụ nkọ, tụkarị ọpịa-agha ọnụnaị ọwụlẹ: o zubanchanrịn imẹ, d'e ru umẹ-ndụn lẹ mmọn, d'e rudẹ okẹn-ẹhụ lẹ ụmị ọkpụkpụ, o rudẹ obi ịhịan d'e lele iroro ẹ lẹ ihiẹn o bu obi.

Pita Ibuzọ 4:16

O mẹ nwan nị ị ta afụnfụn makẹ Kraịstị, y'e mẹlẹ i ifẹnrẹn, ka ja Osolobuẹ mma n'ị rị a za ẹfan Kraịstị.