Ndị Rom 1:1 - Ika

¹ Mmẹ wụ Pọlụ de ẹkụkwọ-ozini. M wụ igbọn Jizọsị Kraịstị. Osolobuẹ kpọ m, tumẹ m onyẹ-ozi pụ-ichẹn makẹ Oziọma Osolobuẹ.

Ndị Rom 1:1 ပူးပေါင်းရင်းမြစ်များ

Ihiẹn Mẹni Nke Ibuzọ 23:13

Ikẹnnyẹ Amram nwa Kohatị mụ wụ Ẹrọnụ lẹ Mozizi. Osolobuẹ dọnmẹ Ẹrọnụ ichẹn kẹni ọ hụn ụzọ e dọnmẹ ihiẹn ndị kachanrịn nsọ nsọ, kẹni ya lẹ ebozo ẹ wụferi ndị a chụnyeni Osolobuẹ ẹjan, a nọ ihun ẹ a rụn ọrụn, e gi ẹfan a a gọzi — e mẹ ihiẹn ndịnị jẹnrin ejẹn.

Azaya 49:1

Gọn ni m ntịn, alị ndị teni rị ohimin; nụ nị ihiẹnni, alị ile teni: M rị imẹ ẹfọ kẹ Osolobuẹ kpọ m; m rị ẹfọ nnẹ m k'ọ kpọma ẹfan m.

Jerimaya 1:5

“A marịngụọ m'ị nị m d'a kpụ ị imẹ ẹfọ nnẹ i; a họtọgụọdẹ m'i nị wẹ d'a mụ ị; m tumẹ i onyẹ-amụma alị ichẹn-ichẹn.”

Makị 1:14

Ogẹn wẹ gi kpọkingụ Jọnụ ye imẹ ụlọ-ngan, Jesu nọ bịa Galili d'e zimẹ oziọma Osolobuẹ.

Jọnụ 12:26

Onyẹ chọ n'ọ gbanị m odibo ya sọnmẹ m, nị ebe m rị kẹ odibo m k'a rị; Nẹdi m jẹnkọ d'e ye onyẹ k'a gbanị m odibo ọghọ.

Jọnụ 15:15

Arịzị m a kpọ ụnụ igbọn, makẹlẹ igbọn amarịn ihiẹn di-nwọnn'ẹ rị e mẹ. Ọwụ kẹ m kpọ ụnụ, makẹni a gwagụọ m ụnụ ihiẹn ile m nụ ọnụ Nẹdi m.

Jọnụ 15:20

Nyanhan nị ihiẹn m gwa ụnụ, nị, ‘Odibo ara ka di-nwọnn'ẹ.’ Omẹni wẹ kpokpo m ekpokpo, wẹ sikọ d'e kpokpo ụnụ nwẹn; omẹni wẹ mẹ ihiẹn m ku, wẹ jẹnkọ d'e mẹzi ihiẹn ụnụ ku.

Ọrụn Ndị-ozi 13:9

Kanị Sọlụ hụn wụzị Pọlụ hụn Mmọn-nsọ jun imẹ ẹ nọ bu ẹnya zinmẹ okẹnnyẹ hụ:

Ọrụn Ndị-ozi 20:24

Kanị onwọnni ihiẹn m kpọ ndụn m, kasị m gbagụ ọsọ Osolobuẹ, rụngụ ọrụn Di-nwọnni-ẹnyi wụ Jesu buche m ẹka: ọrụn izisọnmẹ oziọma banyeni ọhụnma Osolobuẹ mẹ.

Ọrụn Ndị-ozi 21:40

Hụn onyẹ-isi agha kanị gi ye ẹ efe ku, Pọlụ nọ wuzo elu mgbanyinrin hụ, fe ẹka ni wẹ gba nkịtịn. A gba wẹ nkịtịn, Pọlụ nọ gi asụsụ wẹ wụ Hibru gwama wẹ oku.

Ọrụn Ndị-ozi 22:21

Ya ọ nọ sị m, ‘Jẹnmẹ! M zikọ ị ebe tegbu enwẹn ẹ d'e kunrun ndị alị ọzọ wụlẹni ndị Ju.’ ”

Ọrụn Ndị-ozi 22:7

A dan m, m nọ nụ olu sị m, ‘Sọlụ, Sọlụ, k'ị rị e kpokponi m?’

Ọrụn Ndị-ozi 26:1

Agripa nọ sị Pọlụ, “Kin nwan ọnụ ị.” Ya Pọlụ nọ tịnpụ ẹka, kinmẹ:

Ọrụn Ndị-ozi 26:14

Ẹnyi ile nọ dan. Ya m nọ nụ olu gi asụsụ Hibru sị m, ‘Sọlụ, Sọlụ, k'ị rị e kpokponi m? Ị rị a rụhụ enwẹn i ẹhụ nọkẹ okẹn-efin rị a gba ẹgbe di-nwọnn'ẹ ụkụ.’

Ọrụn Ndị-ozi 27:23

Makẹni mmọn-ozi hụn Chuku nwọnni m m rị a rụnnị ọrụn zihẹ a bịaghọ hụn uhinhin d'e kunrun m.

Ọrụn Ndị-ozi 9:15

Kanị Di-nwọnni-ẹnyi nọ sị a, “Jẹnmẹ, makẹni okẹnnyẹni kẹ m họrị n'ọ wụrụ ihiẹn-ọrụn m hụn k'e we ẹfan m jẹnni alị ndị ọzọ lẹ ndị-nze lẹ ndị Izrẹlụ;

Ndị Rom 1:16

Ifẹnrẹn oziọma arị e mẹ m, makẹni ya wụ ikẹn Osolobuẹ gi a zụọpụha onyẹ ọwụlẹ kwerini, ndị Ju wụ ibuzọ, o sọn ndị wụlẹni ndị Ju.

Ndị Rom 1:5

Osolobuẹ a ghalẹ nwan ẹka Jesu Kristini mẹni ẹnyi ẹfọma, gha ẹka a ye ẹnyi ọrụn ndị-ozi pụ-ichẹnni ẹnyi rị a rụn, kẹni ẹnyi hụn ụzọ wẹhẹ ndị alị ọzọ ile d'e kwerin'ẹ, humẹn'ẹ isi kẹ ndị kwerinin'ẹ, kẹni o gi ẹ ye ẹfan a ọghọ;

Ndị Rom 1:9

Osolobuẹ m gi obi m ile e fe ghahanị izisọnmẹ oziọma Nwa a wụ ọshẹri m nị m'a nyanhan ụnụ ogẹn ile m gha e mẹ ekpere.

Ndị Rom 11:13

M rị a gwa ụnụ ndị wụlẹni ndị Ju oku. Ebe o mẹ ni m wụ onyẹ-ozi pụ-ichẹn Osolobuẹ zijẹnni ndị wụlẹni ndị Ju, m'e mẹ oku ọrụn m ọda-ọda,

Ndị Rom 15:16

hụn o gi tumẹ m onyẹ-ọrụn Kraịstị wụ Jizọsị imẹ igunrun ndị wụlẹni ndị Ju. M rị nwan a rụn kẹ onyẹ nchụn-ẹjan ghahanị izisọnmẹ oziọma Osolobuẹ, kẹni wẹ wẹhẹ ndị alị ndị ọzọ d'a wụrụ oyiye Osolobuẹ a nabanhan, oyiye hụn Mmọn-nsọ dọn nsọ.

Ndị Rom 15:29

M lalanị, a marịnghọ m nị m k'e buhẹ ngọzi Kraịstị mmagi-mmagi.

Ndị Rom 16:18

Makẹni ndị nọ ẹrịra arị e fe Di-nwọnni-ẹnyi wụ Kraịstị, kanị ẹfọ wẹ lẹ ihiẹn a gụnnị wẹ kẹ wẹ rị e fe. W'e gi ọnụ-ọma lẹ oku ọnụnụ-ire e dufie ndị marịnlẹni ihiẹn.

Ndị Rom 16:25

Ọjịja-mma ya rịnị Osolobuẹ hụn k'a s'ẹka mẹ ụnụ zekẹnmẹ ghahanị oziọma m lẹ ihiẹn ẹnyi rị e ku banyeni Jesu Kristi. Oziọmanị rị e ku oku ihiẹn-omimi ẹdẹi te zuerini,

Ndị Kọrẹntị Ibuzọ 1:1

Mmẹ wụ Pọlụ de Ẹkụkwọ-ozini, mmẹ lẹ nwẹnẹ ẹnyi wụ Sọstẹnẹsi. Kraịstị wụ Jizọsị kpọ m, tumẹ m onyẹ-ozi ẹ pụ-ichẹn makẹni uche Osolobuẹ rọ.

Ndị Kọrẹntị Ibuzọ 9:1

Ẹlẹ mmẹ nwọndẹ nwan enwẹn m ra? Ẹlẹ onyẹ-ozi pụ-ichẹn kẹ m wụ? Ahụnnị m Jesu Di-nwọnni-ẹnyi? Ụnụ ẹlẹdẹ nwan ihiẹn m rụnpụhanị Di-nwọnni-ẹnyi ra?

Ndị Kọrẹntị Nke Ẹbụọ 1:1

Mmẹ wụ Pọlụ de Ẹkụkwọ-ozini. M wụ onyẹ-ozi pụ-ichẹn Kraịstị Jizọsị ghahanị uche Osolobuẹ. Mmẹ lẹ Timoti nwẹnẹ ẹnyi gba de Ẹkụkwọ-ozini. Ndị ụka Osolobuẹ rị alị Kọrẹntị kẹ ẹnyi rị e dejẹnn'ẹ, uwẹ lẹ ndị nsọ ile wẹ ile gba rị Ẹgbẹrẹ Akaya.

Ndị Kọrẹntị Nke Ẹbụọ 11:5

Kanị, eroni m'ẹ n'o nwọnghọ kẹ ndịnị ụnụ a kpọ “okẹn ndị-ozi pụ-ichẹn” dọn ka m.

Ndị Kọrẹntị Nke Ẹbụọ 11:7

M mẹdẹ nwan njọ m gi welụa enwẹn m alị zi ụnụ oziọma Osolobuẹ ọfẹ kẹni Osolobuẹ gi ẹ bushi ụnụ elu ra?

Ndị Kọrẹntị Nke Ẹbụọ 12:11

E zuzuọlẹ m! Ụnụ haịn m gi mẹ ẹ! Ụnụ te furu hụn e kuni m ọhụnma — makẹni onwọnni ihiẹn ndịnị ụnụ rị a kpọ okẹn ndị-ozi pụ-ichẹn gi ka m, ọsụọn'a nị onwọnni ihiẹn m wụ.

Ndị Kọrẹntị Nke Ẹbụọ 2:12

Ogẹn m gi pụha Trasị kẹni m zi oziọma Kraịstị, m nọ hụn nị Di-nwọnni-ẹnyi a kpọpụgụọnị m ụzọ m'e gi rụn'a ọrụn ebẹhụ.

Ndị Kọrẹntị Nke Ẹbụọ 4:5

Makẹni ẹlẹ oku ẹnyi lẹ enwẹn ẹnyi kẹ ẹnyi rị e ku; ozi ẹnyi wụ nị Kraịstị wụ Jizọsị wụ Di-nwọnni-ẹnyi, nị ẹnyi nwẹn wụ idibo ụnụ makẹ ufiri Jizọsị.

Ndị Galeshịa 1:1

Mmẹ wụ Pọlụ de ẹkụkwọ-ozini. M wụ onyẹ-ozi pụ-ichẹn, ẹlẹ hụn ịhịan zi mọbụ hụn wẹ gha ẹka ịhịan tumẹ, kanị hụn Jesu Kristi lẹ Chuku-Nẹdi hụn gha ọnwụn weli Jesu Kristi tumẹ.

Ndị Ẹfẹsọsụ 1:1

Mmẹ wụ Pọlụ de Ẹkụkwọ-ozini. M wụ onyẹ ozi pụ-ichẹn Kraịstị Jizọsị ghahanị uche Osolobuẹ. M rị e dejẹnni ndị nsọ Osolobuẹ rị Ẹfẹsọsụ, ndị wẹ gi e dọn ẹnya imẹ Kraịstị Jizọsị.

Ndị Ẹfẹsọsụ 1:13

Ụnụ nwẹn e họnrinzighọ ndị nke Kraịstị kẹ ụnụ nụ oku hụ wụ ezioku, kweri — oziọma ahụn ụnụ gi nwọnrin nzụọpụha. Ụnụ e kwerigụnị Jesu, Osolobuẹ nọ bu Mmọn-nsọ o kwe nkwa a che imẹ ndụn ụnụ, gi ẹ yi ụnụ ahịma a,

Ndị Ẹfẹsọsụ 4:11

Ịya yesọnmẹ ụka a ndị-ozi pụ-ichẹn, ndị-amụma e zi ozi Osolobuẹ, ndị e jẹnhunmẹ e zi oziọma, ndị ụkọ-Chuku lẹ ndị-nkuzi.

Ditrọnọmi 10:8

Ogẹn ahụn kẹ Osolobuẹ gi họpụha ndị Livaị nị wẹ bumẹ Ẹkpẹti Nkwerigbama Osolobuẹ, nị w'e wuzo ihun Osolobuẹ a rụn ọrụn a, e gi ẹfan a a gọzi ịhịan, kẹ wẹ dọnkwọ nwan e mẹ tannị.

Ndị Filipi 1:1

Pọlụ lẹ Timoti de ẹkụkwọ-ozini. Ẹnyi wụ igbọn Kraịstị wụ Jizọsị. Ẹnyi rị e dejẹnni ndị ile rị imẹ Kraịstị wụ Jizọsị, ndị nsọ Osolobuẹ, hụn rị Filipi, uwẹ lẹ ndị-isi wẹ lẹ ndị-ọrụn ụka wẹ.

Ndị Filipi 2:11

ọnụ ile k'e kurịrị a nị Jesu Kristi wụ Onyẹ nwọn ihiẹn ile, ọghọ e gi ẹ bịanị Chuku-Nẹdi.

Ndị Kolosị 1:1

Mmẹ wụ Pọlụ de ẹkụkwọ-ozini. M wụ onyẹ-ozi pụ-ichẹn Kraịstị wụ Jizọsị, makẹni uche Osolobuẹ rọ. Mmẹ lẹ Timoti nwẹnẹ ẹnyi gba de ẹ.

Ndị Kolosị 1:25

Ịya kẹ Osolobuẹ tumẹni m onyẹ-ọrụn ụka; ịya zi m d'a rụnnị ụnụ ọrụn kẹni m gwachanrịn ịhịan ile oku Osolobuẹ,

Ndị Tẹsalonika Ibuzọ 2:2

Ọsụọn'a nị ẹnyi a tagụọ afụnfụn imẹ Filipi kẹ ụnụ lẹ enwẹn ụnụ dọn marịn, e gbe wẹ ifẹnrẹn ye ẹnyi ihun ebẹhụ, kanị, hụn ahụn ẹnyi rị a lụ ọnwụn, ẹnyi nọkwọ hụn ikẹn saẹka kushi ikẹn ghahanị ikẹn Osolobuẹ zi ụnụ oziọma Osolobuẹ.

Ndị Tẹsalonika Ibuzọ 2:8

Makẹni ẹnyi e nwọnkẹ ihiẹn-ọsụsụọ ụnụ, ẹnyi nọ kwademẹ ni ẹlẹ oziọma Osolobuẹ sụọ kẹ ẹnyi k'e ye ụnụ, kanị enwẹn ẹnyi zi, makẹni ụnụ rị ẹnyi obi ọda-ọda!

Ndị Tẹsalonika Ibuzọ 2:9

Umunẹ, ụnụ a nyanhanghọ kẹ ẹnyi dọn e gi ẹka ẹnyi a lụrụ ogẹn hụ, a rụngbu enwẹn ẹnyi kẹ uhinhin kẹ efinnaị, amamgbe ẹnyi gha a wụrụnị onyẹ ọwụlẹ ibu imẹ ụnụ ebe ẹnyi rị e zi ụnụ oziọma Osolobuẹ.

Timoti Ibuzọ 1:1

Mmẹ wụ Pọlụ de ẹkụkwọ-ozini. M wụ onyẹ-ozi pụ-ichẹn Kraịstị Jizọsị. Osolobuẹ hụn a zụọpụhanị ẹnyi lẹ Kraịstị wụ Jizọsị hụn wụ olilẹnya ẹnyi tumẹ m.

Timoti Ibuzọ 2:7

Ịya haịn wẹ gi tumẹ m onyẹ e zisọnmẹ ozi ẹ lẹ onyẹ-ozi pụ-ichẹn (m rị e ku ezioku, arị m a tụ ntụ) lẹ onyẹ a kuzi ndị wụlẹni ndị Ju okukwe lẹ ezioku.

Timoti Nke Ẹbụọ 1:11

Ufiri oziọmanị k'o gi tumẹ m onyẹ e zisọnmẹ ozi, onyẹ-ozi pụ-ichẹn lẹ onyẹ-nkuzi;

Taịtọsụ 1:1

Mmẹ wụ Pọlụ de ẹkụkwọ-ozini. M wụ igbọn Osolobuẹ lẹ onyẹ-ozi pụ-ichẹn Jizọs Kraịstị. Ọrụn m wụ ịkwadọn okukwe ndị hụ Osolobuẹ họrị lẹ imẹ ịhịan marịn ezioku wẹ gi e fe Osolobuẹ k'o furu.

Hibru 5:4

Ịhịan ara ye enwẹn ẹ ọkwanị. Osolobuẹ sụọ a kpọ ịhịan. Ẹrịra k'o dọn kpọ Ẹrọnụ.

Hibru 7:26

Onyẹ-isi nchụn-ẹjan nọ ẹnịna furu ẹnyi: onyẹ-isi nchụn-ẹjan hụn rị nsọ, nwọnlẹni njọ, nwọnlẹni ebe ọ nọ rụ, hụn ya lẹ ndị-njọ wụlẹni ohu, hụn Osolobuẹ bushigụ elu ghafedẹ igwere.

Jemisi 1:1

Mmẹ wụ Jemisi de ẹkụkwọ-ozini. M wụ igbọn Osolobuẹ lẹ Di-nwọnni-ẹnyi wụ Jesu Kristi. M rị e dejẹnni ụmụ ebọn mmẹbụọ alị Izrẹlụ rị alị ndị ọzọ; e kele m ụnụ!

Pita Ibuzọ 4:17

Makẹni, o ruọlẹ ogẹn okinkin-ikpe e gi bidọn imẹ ụlọ Osolobuẹ. Omẹni ọ gha ẹka ẹnyi bidọn, kịnị k'e mẹ ndị nupụ isi okpuru oziọma Osolobuẹ?

Pita Nke Ẹbụọ 1:1

Mmẹ, Simiọnụ wụ Pita, de ẹkụkwọ-ozini. M wụ igbọn Jizọsị Kraịstị; m wụzịkwọ onyẹ-ozi ẹ pụ-ichẹn. M rị e dejẹnni ndị Osolobuẹ ye ẹnyi lẹ wẹ okukwe ohu ahụn rị okẹn mkpa ghahanị ezi-omumẹ Jesu Kristi hụn wụ Osolobuẹ ẹnyi lẹ Onyẹ-nzụọpụha ẹnyi.

Judu 1:1

Mmẹ wụ Judu de ẹkụkwọ-ozini. M wụ igbọn Jesu Kristi. M wụzịkwọ nwẹnẹ Jemisi. M rị e dejẹnni ndị ahụn Osolobuẹ họrị, ndị ahụn rị Chuku-Nẹdi obi, ndị ahụn Jesu Kristi dọnmẹ:

Rẹvẹleshọnụ 1:1

Ihiẹn ndịnị kẹ Jizọsị Kraịstị ghọsị odibo ẹ wụ Jọnụ. Osolobuẹ we ihiẹn ndịnị ye Jizọsị, kẹni o we wẹ ghọsị idibo ẹ, kẹni wẹ hụn ụzọ marịn ihiẹn jẹnkọ d'e mẹ ẹhụ-nsue. Kraịstị e wepụhagụọ a ifọn ghahanị izihẹ mmọn-ozi ẹ d'a ghọsị odibo ẹ wụ Jọnụ ya.

Rẹvẹleshọnụ 22:6

Mmọn-ozi hụ nọ sị m, “Ihiẹn ndịnị ile wụ ezioku furu wẹ gi e dọn ẹnya, makẹni Di-nwọnni-ẹnyi lẹ enwẹn ẹ, Chuku hụn a gwa mmọn rị imẹ ndị-amụma ihiẹn ndị-amụma e ku, zihẹ nwan mmọn-ozi ẹ d'a ghọsị idibo ẹ ihiẹn ndị k'e mẹrịrị ẹgwa.”

Rẹvẹleshọnụ 22:9

Kanị ọ nọ sị m, “Emẹkwọlẹ a! M wụ odibo nọkẹ ịyụ lẹ umunẹ i wụ ndị-amụma lẹ ndị e mẹ ihiẹn ozi rị imẹ ẹkụkwọnị ku. Fe Osolobuẹ!”