Ndị Kolosị 3:5 - Ika

⁵ Gbu ni nwan ẹgụn ihiẹn-ụwa hụn rị imẹ ụnụ a rụn ọrụn: kẹ ughẹrẹ kẹ obibi ru unyin kẹ ihiẹn ọlịlẹnya kẹ ẹgụn ihiẹn rịlẹni mma kẹ ẹnya-uku hụn wụzị ife-mmọn.

Ndị Kolosị 3:5 ပူးပေါင်းရင်းမြစ်များ

Ọpụpụ 37:22

Mkpụkpụma ndị ahụn lẹ agala ndị hụ lẹ ogwe obu-ukpẹ hụ wụ ibe goru wẹ buchelẹni ihiẹn ọzọ, hụn wẹ tipịa.

Matiu 15:19

Makẹni, obi kẹ ihiẹn ndịnị gha pụha: eje-iroro, igbu-ọchụn, ịna-nwunyẹ-ịhịan lẹ ịzọ-ụkụ-ye-ọfịa, ughẹrẹ ichẹn-ichẹn, Izun-ohin, ịshịa ẹri-ntụ lẹ ikuja oku ịhịan.

Ndị Rom 1:26

Osolobuẹ nọ gi ufiri ẹ la wẹ tọnị ẹgụn ihiẹn-ifẹnrẹn, nke wụ nị ikpoho wẹ nọ mẹmẹ mgba ikpoho ibe wẹ, gi ẹ nọkin ẹnya hụn te furu w'e mẹ.

Ndị Rom 1:29

ihiẹn ile rịlẹni mma e jun imẹ wẹ: kẹ eje-ihiẹn kẹ ẹnya-uku kẹ iwe kẹ iwe-ẹnya kẹ igbu-ọchụn kẹ ikpe kẹ ẹro kẹ ịchọ-njọ; e họnrin wẹ ndị-ọghẹlẹ,

Ndị Rom 6:13

ewelẹ ni mkpamkpa ẹhụ ụnụ ye njọ gi họnrin ihiẹn-ọrụn o gi e mẹ eje-ihiẹn. Ka wechanrịn nị enwẹn ụnụ ye Osolobuẹ nọkẹ ndị wẹ ghagụ ọnwụn weli hụn rị ndụn; ụnụ e wechanrịn mkpamkpa ẹhụ ụnụ ile ye Osolobuẹ n'o gi họnrin ihiẹn-ọrụn ezi-omumẹ.

Ndị Rom 6:6

makẹni ẹnyi a marịnghọ nị ya lẹ onyẹ hụ ẹnyi wụ mbụ kẹ wẹ kpọgbu elu-obe, kẹni wẹ hụn ụzọ napụ onyẹ ahụn ẹnyi wụ mbụ ikẹn, amamgbe njọ ghazị a kị ẹnyi kẹ igbọn.

Ndị Rom 7:23

Kanị, iwu ichẹn kẹ m rị a hụn rị ọrụn imẹ ẹhụ m, a lụsọn Iwu ahụn rị m mma ọgụn, e mẹ m a gbaye njọ hụn rị ọrụn mkpamkpa ẹhụ m.

Ndị Rom 7:5

Makẹni, ogẹn ahụn enwẹn ẹnyi gi rị a kị ẹnyi, eje-ihiẹn ndị ahụn Iwu kpọtiẹn rị ọrụn mkpamkpa ẹhụ ẹnyi, a mịnị ọnwụn mkpụrụ.

Ndị Rom 8:13

Makẹni, ụnụ bimẹ kẹ ịhịan-mmaka, ụnụ k'a nwụnhụnrịrị. Kanị, ụnụ gi isọn Mmọn-nsọ gbupụ eje-ihiẹn ndị ahụn ẹhụ e mẹ, ụnụ k'a rị ndụn.

Ndị Kọrẹntị Ibuzọ 5:1

E kughọdẹ w'a nị ughẹrẹ rị imẹ igunrun ụnụ, ụdị hụn ndị a rụa mmọn ghalẹni a ghẹrẹdẹ — ebe okẹnnyẹ lẹ nwunyẹ nẹdi ẹ nọ ranhịn!

Ndị Kọrẹntị Ibuzọ 6:11

Ihiẹn ndịnị kẹ ụfọdụ imẹ ụnụ te wụ, kanị Osolobuẹ ẹnyi gi Mmọn-nsọ a chanchan ụnụ; o dọn ụnụ nsọ, gi ẹfan Jizọs Kraịstị Di-nwọnni-ẹnyi nabanhan ụnụ.

Ndị Kọrẹntị Ibuzọ 6:13

“Ihiẹn-oriri wụ nke ẹfọ; ẹfọ wụ nke ihiẹn-oriri.” Kanị, Osolobuẹ k'e tikpọ wẹ ẹbụọ. Ẹhụ ẹlẹ nke ughẹrẹ, nke Di-nwọnni-ẹnyi rọ; Di-nwọnni-ẹnyi wụzị nke ẹhụ.

Ndị Kọrẹntị Ibuzọ 6:18

Gbakwọnị nị ughẹrẹ ọsọ! Njọ ndị ọzọ ile ịhịan e mẹ ẹlẹ imẹ ẹhụ, kanị, onyẹ hụn ghẹrẹni mẹ ẹhụ a njọ.

Ndị Kọrẹntị Nke Ẹbụọ 12:21

Egun rị a tụ m, nị, ikẹnkwọ Osolobuẹ m e welụa m alị imẹ igunrun ụnụ, m bịazị; ikẹnkwọ a kwanma m ẹkwan makẹ ndị bu ọda mẹ njọ mbụ hụn kelẹni rogharị ihiẹn ru unyin lẹ ughẹrẹ lẹ ihiẹn-ifẹnrẹn ile wẹ mẹsọnmẹ.

Ndị Galeshịa 5:24

Ndị hụn wụ nke Kraịstị Jizọsị a kpọgbugụọ ịhịan-mmaka wẹ te wụ lẹ ihiẹn a gụnn'a lẹ ihiẹn a sụọn'a elu obe Kraịstị.

Ndị Ẹfẹsọsụ 4:19

Makẹni ifẹnrẹn arịzị wẹ ẹnya; e wechanrịngụọ wẹ enwẹn wẹ ye ihiẹn-ifẹnrẹn lẹ ihiẹn ile rị ichẹn-ichẹn ru unyin, arịzị wẹ a sa ẹka e kwọndọn enwẹn wẹ.

Ndị Kolosị 2:11

Imẹ Kraịstị, a kwagụọ wẹ ụnụ ezigbo ugun hụn wẹ gilẹni ẹka kwa — ghahanị ibepụ onyẹ ahụn ẹnyi te wụ, ịkwa-ugun hụn wụ nke Kraịstị.

Ndị Tẹsalonika Ibuzọ 4:3

Makẹni, uche Osolobuẹ wụ nị ụnụ rị nsọ; nị ụnụ jụ ughẹrẹ jụchanrịn;

Ndị Tẹsalonika Ibuzọ 4:5

ẹlẹ hụn ẹgụn imẹ-mgba e gi e nuhunmẹ ẹ kẹ ndị marịnlẹni Osolobuẹ;

Timoti Ibuzọ 6:10

Makẹni, ẹkpịrị-egho wụ mkpọgụn ụdị eje-ihiẹn ile gha a suepụha. O nwọngụọ ndị latọ ofufe-Kraịstị ebe wẹ rị a chọ nị wẹ hi ọdanfịn, mẹsọnmẹ ihiẹn bu ọda obi gi e gbu wẹ mgbu.

Hibru 12:16

Hụnzịkwọ n'a n'o nwọnni onyẹ rị a ghẹrẹni, mọbụ onyẹ nọkẹ Isọ nwọnlẹni ihiẹn ọ kpọ ihiẹn rị nsọ, nwa-ibuzọ gi afẹrẹ ihiẹn-oriri ohu ghatarị ukuu nwa-ibuzọ hụn te k'e ru ẹ ẹka.

Hibru 13:4

Gbayekẹnmẹ ni ọlụlụ di-lẹ-nwunyẹ; kẹ di kẹ nwunyẹ ẹ dọnmẹ enwẹn ẹ makẹ elu-ukpo wẹ gha a rụ, makẹni Osolobuẹ jẹnkọ d'a ma ndị ughẹrẹ ikpe.

Hibru 13:5

Anịkwọlẹ ni egho a sụọ ụnụ; a nị nị ihiẹn ụnụ nwọn e jun ụnụ ẹfọ. Makẹni, Osolobuẹ e kuọlẹ, sị, “Ahapụkọ m ụnụ; alakọ m ụnụ tọ.”

Jemisi 4:1

Kị rị e buhẹ ikpe imẹ igunrun ụnụ? Kị rị e buhẹ ọgụn imẹ igunrun ụnụ? Ẹlẹ ihiẹn a gụnnị ụnụ hụn rị a lụ agha imẹ obi ụnụ?

Pita Ibuzọ 2:11

Ezigbo umunẹ m, m rị a rịọ ụnụ nọkẹ ndị wụ abịamabịa lẹ ndị rịlẹni alị wẹ, gbanị nị eje-ẹgụn a lụsọn umẹ-ndụn ụnụ agha ọsọ.

Rẹvẹleshọnụ 21:8

“Kanị, ndị ụjọ lẹ ndị-ghẹrẹghẹrẹ lẹ ndị rụnị; ndị-izighẹ lẹ ndị ughẹrẹ; ndị ile a gwọ eje-ọgụn; ndị a rụa mmọn lẹ ndị-ntụ ile — wẹ ile shikọ d'a rị odiyiri ọkụn lẹ nsịn-ẹnyanwụn hụ, hụn wụ ọnwụn nke mgbe ẹbụọ.”

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.