Ndị Kolosị 3:3 - Ika

³ Makẹni, ụnụ a nwụnhụngụọ; e bugụọ wẹ ndụn ụnụ che imẹ Kraịstị zuemẹ imẹ Osolobuẹ.

Ndị Kolosị 3:3 ပူးပေါင်းရင်းမြစ်များ

Matiu 11:25

Ogẹn hụ kẹ Jizọsị gi sị, “M rị a kpanmịn ị Baba, Onyẹ nwọn elu-igwee lẹ ụwa, makẹni i zuemẹni ndị marịn ihiẹn lẹ ndị nwọn uche ihiẹn ndịnị, we wẹ ghọsị ụmụ-ndu.

Jọnụ 14:19

“Ọ họdụ ẹkẹrẹ nị ụwa hụnbehi m; kanị ụnụ nwẹn k'a gha a hụn m. Makẹni m rị ndụn, ụnụ nwẹn k'a rịzị ndụn.

Jọnụ 3:16

“Makẹni Osolobuẹ nwọn ihiẹn-ọsụsụọ ndị rị ụwa ọda-ọda, ya haịn o gi we akpụ Nwa ohu o nwọn ye, n'ọ wụrụ nị onyẹ ọwụlẹ kwerinin'ẹ alakọ iwi, kama o nwọn ndụn itẹbitẹ.

Jọnụ 4:14

Kanị onyẹ ra mirin m jẹnkọ d'e ye ẹ, onwọnni ogẹn ẹgụn mirin e gizi gụn a elu-ụwanị, mirin hụ k'e họnrindẹ isi-mirin imẹ hụnyẹ, a mụpụhan'a ndụn itẹbitẹ.”

Jọnụ 5:21

Eziẹ, kẹ Chuku-Nẹdi dọn e weli onyẹ nwụnhụnnị e we ndụn e ye ẹ, ẹrịra kẹ Nwa a dọnzi e we ndụn e ye ndị ọ chọ n'o ye.

Jọnụ 5:24

“M rị a gwa ụnụ ezioku, nị onyẹ nụ oku m kweyeni onyẹ zihẹni m, hụnyẹ e nwọngụọ ndụn itẹbitẹ. Amakọ w'a ikpe, kama, ọ ghagụọdẹ ọnwụn banye ndụn.

Jọnụ 5:40

kanị ụnụ achọnị nwan nị ụnụ bịa d'e kunrun m kẹni ụnụ nwọnrin ndụn.

Ndị Rom 5:10

Makẹni, omẹni ogẹn ẹnyi gi wụ ndị-iṅẹnrẹn Osolobuẹ, o gi ọnwụn Nwa a dọnzi ẹgbata ẹnyi lẹ ya, ya wụ nị hụnnị ẹnyi lẹ ịya dọngụ, n'o gighọ nwan ndụn Nwa a zụọpụhachanrịn ẹnyi!

Ndị Rom 5:21

n'ọ wụrụ nị kẹ njọ dọn gi ọnwụn kị ẹrịra kẹ ẹfọma Osolobuẹ k'e dọnzi gi ezi-omumẹ ọ rị e ye ịhịan kị — gi ẹrịra mẹ ịhịan nwọnhẹn ndụn-itẹbitẹ ghahanị Di-nwọnni-ẹnyi wụ Jizọs Kraịstị.

Ndị Rom 6:11

Ụnụ nwẹn, weri ni nwan enwẹn ụnụ kẹ ndị nwụnnahịngụ njọ lẹ ndị nọ imẹ Kraịstị wụ Jizọsị a rịnị Osolobuẹ ndụn.

Ndị Rom 6:2

Mba nụ! Nanị ndị nọkẹ ẹnyi nwụnnahịngụ njọ e dọn tọ imẹ njọ e bi?

Ndị Rom 8:2

Makẹni, ọkịkị ahụn Mmọn-nsọ gi e ye ndụn imẹ Jesu Kristi a gbapụhagụọ ẹnyi ẹka ọkịkị ahụn njọ gi e buhẹ ọnwụn.

Ndị Kọrẹntị Ibuzọ 15:45

Ẹrịra kẹ wẹ de ẹ imẹ Ẹkụkwọ-nsọ, sị, “Ịhịan ibuzọ hụn wụ Adam họ̀nrin onyẹ rị ndụn,” kanị Adam ikpanzụụn e họnrin mmọn e ye ndụn.

Ndị Kọrẹntị Ibuzọ 2:14

Ịhịan-mmaka nwọnlẹni Mmọn-nsọ ara nabanhan ihiẹn Mmọn-nsọ, makẹni wẹ wụ nzuzu ẹnya a. Ọ ra saẹka ghọta wẹ makẹni Mmọn-nsọ kẹ wẹ gi a ghọha wẹ.

Ndị Kọrẹntị Nke Ẹbụọ 5:14

Ihiẹn-ọsụsụọ Kraịstị rị e nu ẹnyi, makẹni o wegụọ ẹnyi ẹnya nị, ebe o mẹ ni onyẹ ohu a nwụnhụngụọnị ịhịan ile ọnwụn, ya wụ nị ịhịan ile a nwụnhụngụọ.

Ndị Kọrẹntị Nke Ẹbụọ 5:7

makẹni ihiẹn ẹnyi kweri imẹ Kraịstị kẹ ẹnyi gi e bi, ẹlẹ ihiẹn ẹnya ẹnyi rị e legha.

Ndị Galeshịa 2:20

A kpọgbugụọ wẹ mmẹ lẹ Kraịstị elu obe Kraịstị. Ẹlẹzi mmẹ rị ndụn, Kraịstị rị nwan ndụn imẹ m. Ndụnnị m rị nwan e bi imẹ ẹhụ, m rị e bi ẹ ghahanị igi Nwa Osolobuẹ e dọn ẹnya, onyẹ hụn nwọn ihiẹn-ọsụsụọ m, gi ufiri m we enwẹn ẹ ye.

Ndị Ẹfẹsọsụ 3:9

lẹni m ghọsị ịhịan ile kẹ Chuku hụn ke ihiẹn ile dọn nwan rị a rụnpụha ihiẹn-omimi ahụn o zuemẹ ketekete,

Ndị Filipi 4:7

Ogẹn hụ, udọn Osolobuẹ hụn wẹ ghalẹni a ghọta e chemẹ obi ụnụ lẹ uche ụnụ imẹ Kraịstị wụ Jizọsị.

Ndị Kolosị 1:5

ufiri nị ụnụ rị e lee ẹnya ihiẹn hụ Osolobuẹ dọnmẹni ụnụ elu-igwee, hụn ụnụ nụ ogẹn wẹ gi zi ụnụ ozi hụ wụ ezioku, hụn wụ oziọma.

Ndị Kolosị 2:20

O mẹ nwan nị ụnụ e sọngụọ Kraịstị nwụnhụn, ụnụ a nwụnnahịngụọ mmọn lẹ iwu ile wẹ gi e dọn ẹnya elu-ụwanị. Kị ụnụ a gbayeni nwan omẹnalị lekẹ sị ụnụ wụzị nke ụwa?

Ndị Kolosị 2:3

Kraịstị hụn amamihiẹn lẹ nghọta ile zuerini rị imẹ ẹ.

Ndị Kolosị 3:4

Ogẹn Kraịstị hụn wụ ndụn ụnụ jẹnkọ d'e gi pụha, ụnụ nwẹn e sọn ẹ gi ọghọ pụha.

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.

Pita Ibuzọ 3:4

Ka nị nị mma ụnụ wụrụ mma imẹ obi, mma ahụn ghalẹni a fapụ, mma imẹ-jụụ lẹ ịwụ-ọmẹhẹn, hụn rị mkpa ọda-ọda ẹnya Osolobuẹ.

Pita Ibuzọ 4:2

Ara bizi k'ọ rị a; kama, o bi ndụn a họdụnị elu-ụwa n'o mẹ uche Osolobuẹ.

Jọnụ Ibuzọ 3:2

Ndị nke m, ẹnyi wụ nwan ụmụ Osolobuẹ, bụ ihiẹn ẹnyi jẹnkọ d'a wụ eke pụha ifọn; kanị ẹnyi a marịnghọ nị ọ bịa, ẹnyi k'a nọ kẹ ịya makẹni ẹnyi sikọ d'a hụnchanrịn a k'ọ nọ.

Rẹvẹleshọnụ 2:17

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ hụ mẹrini kẹ m jẹnkọ d'e ye mana hụ zuerini. M k'e yezikwọ a ọmụma ọchan hụ wẹ deye ẹfan ọhụn hụn o mẹ ni onyẹ wẹ ye ẹ sụọ k'a saẹka marịn a.