Ndị Kolosị 3:23 - Ika

²³ Ihiẹn ọwụlẹ wẹ sị ụnụ rụn, gi ni obi ụnụ ile rụn a, nọkẹ sị Di-nwọnni-ẹnyi kẹ ụnụ rị a rụnn'a, ẹlẹ ịhịan;

Ndị Kolosị 3:23 ပူးပေါင်းရင်းမြစ်များ

Ihiẹn Mẹni Nke Ẹbụọ 31:21

O wepụhachanrịn obi e mẹ ihiẹn ile o mẹ o gi kwadọn ofufe rị Ụlọ-nsọ Osolobuẹ lẹ Iwu Osolobuẹ lẹ ihiẹn ile Osolobuẹ ku, e gi wẹ ile e fe Osolobuẹ wụ Chuku ẹ, ọ nọ ghachanrịnn'a.

Ẹbụ-ọma 103:1

Obi m, jama Osolobuẹ mma! Ihiẹn ile rị imẹ m jama ẹfan nsọ a mma!

Ẹbụ-ọma 119:10

Obi m ile kẹ m gi e fe i, dodo, anịkwọlẹ m latọ ihiẹn ndị ị sị ẹnyi e mẹ.

Ẹbụ-ọma 119:145

Obi m ile kẹ m gi a kpọku i; dodo, za m, Osolobuẹ! M k'e dọnmẹ iwu i.

Ẹbụ-ọma 119:34

Ye m nghọta, nị m hụn ụzọ e dọnmẹ iwu i, e gi obi m ile e dọnmẹ ẹ.

Ẹkịliziastisi 9:10

Gi ikẹn i ile rụn ihiẹn ọwụlẹ ị hụn ị k'a rụn, makẹni, imẹ ili ebe ị lakọ, kẹ ọrụn kẹ iroro kẹ ịmarịn-ihiẹn kẹ akọ-lẹ-uche arịa.

Jerimaya 3:10

Ihiẹn ndịnị ile mẹni, Juda nwẹnẹ ẹ ẹnya rịlẹni ụzọ ohu egikwọnị obi ẹ ile kinhẹn d'e kunrun m — o kinhẹnhụ nke ọnụnụ-ire. Ya kẹ Osolobuẹ ku.”

Matiu 6:16

“Ụnụ gha e bu ọnụ, erọnmẹlẹ ni ihun kẹ ndị ihunnaị. W'e rọnmẹ ihun, kẹni ịhịan ile hụn nị wẹ rị e bu ọnụ. Ezioku kẹ m rị a gwa ụnụ, a narịnchanrịngụọlẹ wẹ ụgwọ-ọrụn wẹ.

Ndị Rom 14:6

Hụn sị ụhụọhịn ohu ka mkpa gi ufiri Di-nwọnni-ẹnyi kweri ẹrịra; hụn e ri ihiẹn ile gi ufiri Di-nwọnni-ẹnyi e ri, makẹni ọ kpanmịn Osolobuẹ e ri. Onyẹ ghalẹni e ri ihiẹn ile gizi ufiri Di-nwọnni-ẹnyi a jụ — ọ kpanmịnzị Osolobuẹ a kpanmịn.

Ndị Rom 14:8

ẹnyi rị ndụn, Onyẹ-nwọnni-ẹnyi kẹ ẹnyi rịnị ndụn; ẹnyi nwụnhụn, Onyẹ-nwọnni-ẹnyi kẹ ẹnyi nwụnnị. Kẹ ẹnyi rị nwan kẹ ẹnyi nwụnhụn anwụnhụn, nke Onyẹ-nwọnni-ẹnyi kẹ ẹnyi wụ.

Ndị Ẹfẹsọsụ 5:22

Nwunyẹ, e humẹni di i isi kẹ i dọn e mẹni Di-nwọnni-ẹnyi.

Ndị Kolosị 3:17

Ihiẹn ile ụnụ e mẹ, kẹ omumẹ kẹ oku-ọnụ, e gi ni ẹfan Di-nwọnni-ẹnyi wụ Jizọsị e mẹ ẹ, a gha ẹka a e ye Chuku Nẹdi ekele.

Pita Ibuzọ 1:22

Ebe o mẹ ni ụnụ a chanchangụọ nwan obi ụnụ ghahanị ịgbaye ezioku Osolobuẹ, ụnụ sikọ d'a saẹka e nwọn ezigbo ihiẹn-ọsụsụọ ibe ụnụ. E gi ni nwan obi ụnụ ile, obi rị ọchan, e nwọn ihiẹn-ọsụsụọ ibe ụnụ —

Pita Ibuzọ 2:13

Gi ni ufiri Di-nwọnni-ẹnyi e humẹni ndị-ọkịkị ile isi: humẹni ni eze isi nị ya wụ onyẹ-isi ọkịkị,

Pita Ibuzọ 2:15

Ẹrịra kẹ Osolobuẹ chọ a, nị ụnụ gi imẹ-mma kpukin ndị-nzuzu rị e ku ihiẹn wẹ marịnlẹni ọnụ;