Ndị Kolosị 3:22 - Ika

²² Ndị rị okpuru ịhịan, e humẹni nị ndị ụnụ rị okpuru wẹ elu-ụwanị isi imẹ ọnọdị ọwụlẹ. Ẹlẹ ihun wẹ sụọ, rịkẹ ndị rị e mẹ n'ọ sụọ ịhịan, kama, gi ni akpakalị obi ụnụ e mẹ ẹ, makẹ egun Di-nwọnni-ẹnyi.

Ndị Kolosị 3:22 ပူးပေါင်းရင်းမြစ်များ

Jẹnẹsisi 42:18

Nke akp'ọhịn ẹtọ, Josẹfụ nọ sị wẹ, “Nị m gwa ụnụ ihiẹn ụnụ k'e mẹ makẹ wẹ gha e gbu ụnụ, makẹni egun Chuku a tụ m a tụ:

Nehemiah 5:15

Kanị, ndị gọvanọ bu m ụzọ kị buye wẹ okẹn ibu, d'e ru ebe wẹ nọ sị wẹ tụhamanị wẹ ihiẹn-oriri lẹ manya lẹ akpụrụ egho siliva ọgụnnaị ụhụọhịn-ụhụọhịn; ndị ọrụn ndị gọvanọ a kịgbudẹ wẹ a kịgbu. Kanị, emẹni m ẹrịra, makẹ egun Osolobuẹ.

Nehemiah 5:9

M nọ nwan sị wẹ, “Ihiẹn ụnụ rị e mẹ arị mma. Ẹlẹ o te furu nị ụnụ e gi egun Osolobuẹ ẹnyi e bi amamgbe ndị alị ọzọ ndị-iṅẹnrẹn ẹnyi gha a mụ ẹnyi ẹmụ?”

Ẹbụ-ọma 123:2

Ẹghẹẹ, kẹ ikẹnnyẹ wụ idibo dọn a tụ ẹnya ihiẹn rị di-nwọnni wẹ ẹka lẹ kẹ ikpoho wụ idibo dọn a tụ ẹnya ihiẹn rị nnẹ wẹ ẹka, ẹrịra kẹ ẹnyi dọn nwan rị e lee Osolobuẹ wụ Chuku ẹnyi ẹnya, d'e ru n'o mẹ omikẹn ẹnyi.

Ẹkịliziastisi 12:13

Ẹnyi a nụgụọ nwan ihiẹnni ile; lee nwan nkịkwama ihiẹn ile: Tụ egun Chuku; e mẹ ihiẹn o ku — ịya wụ ogbo ịhịan ile.

Ẹkịliziastisi 5:7

Okẹn-nrọ lẹ ọtụtụ oku wụ ihiẹn ọlaliwi. Tụkwọ nwan egun Chuku.

Ẹkịliziastisi 8:12

Ọsụọn'a nị eje-ịhịan mẹ njọ ọgụn-isẹn, e nwọnzikwọ ụtọmị, a marịnghọ m nị ndị a tụ egun Chuku k'o k'a rịnị mma, makẹni wẹ rị e gi egun Chuku e bi.

Malakaị 1:6

“Nwa a gbaye nẹdi ẹ; odibo a gbaye di-nwọnn'ẹ. Omẹni nẹdi kẹ m wụ, mgbaye m? Omẹni di-nwọnni ụnụ kẹ m wụ, mgbaye m? Ya kẹ Osolobuẹ ihiẹn ile rị okpuru ẹ rị a jụ ụnụ ndị nchụn-ẹjan rị e budan ẹfan m. Ụnụ hụ a sị kẹ nanị ụnụ dọn budan ẹfan m?

Matiu 6:22

“Ẹnya wụ ukpẹ ẹhụ. O mẹ nwan nị ẹnya ị rị ikẹn, ukpẹ sikọ d'e nwungbarị ẹhụ ị.

Matiu 8:9

Makẹni, mmẹ nwẹn rị okpuru ịhịan; m nwọnzikwọ ndị-agha rị okpuru m. M sị hụnnị, ‘Jẹn,’ o jẹn; m sị hụnnị, ‘Bịa,’ ọ bịa; m sị igbọn m, ‘Mẹ ihiẹnni,’ o mẹ ẹ.”

Luku 6:46

“Kị haịn ụnụ gi a kpọ m ‘Di-nwọnni-ẹnyi, Di-nwọnni-ẹnyi,’ bụ ụnụ ara mẹ ihiẹn m ku?

Luku 7:8

“Makẹni, mmẹ nwẹn nwọn ndị m rị okpuru wẹ, nwọnzikwọ ndị-agha rị okpuru m. M sị onyẹni, ‘Jẹn!’ O jẹn, m sị hụn-ẹbọ, ‘Bịa!’ Ọ bịa. M sị igbọn m, ‘Mẹ ihiẹnni!’ O mẹ ẹ.”

Ọrụn Ndị-ozi 2:46

Wẹ hụ e gi obi ohu e zu imẹ Ụlọ-nsọ ụhụọhịn-ụhụọhịn; e ri Oriri-nsọ ụlọ-ụlọ; e gi ịghọghọ lẹ ịshịapụ-ẹfọ e rigbama ihiẹn-oriri iwe wẹ,

Ndị Kọrẹntị Nke Ẹbụọ 7:1

Ndị nke m, hụnnị Osolobuẹ kwe ẹnyi nkwa ndịnị, nị ẹnyi chanpụ enwẹn ẹnyi ihiẹn ile e mẹrụ ẹhụ lẹ mmọn, gi egun Osolobuẹ a rịchanrịn nsọ.

Ndị Galeshịa 1:10

M rịdẹ nwan a chọ nị ịhịan kuni m ọhụnma ra Osolobuẹ? Ra a chọmagụọ m nwan nị m mẹ n'ọ sụọ ịhịan? Omẹni echẹn kẹ m rị a chọ nị m mẹ n'ọ sụọ ịhịan, ya wụ nị ẹlẹ m igbọn Kraịstị.

Ndị Kolosị 3:20

Ụmụ, e humẹni ni ndị mụnị ụnụ isi imẹ ihiẹn ile, makẹni ya kẹ Di-nwọnni-ẹnyi chọ nị ụnụ e mẹ nọkẹ ndị nke ẹ.

Ndị Tẹsalonika Ibuzọ 2:4

Kanị, kẹ Osolobuẹ dọn weri ẹnyi kẹ ndị furu o gi e dọn ẹnya, bu ọrụn izi-oziọma che ẹnyi ẹka, ẹrịra kẹ ẹnyi e kuzi oku kẹ ndị furu wẹ gi e dọn ẹnya. Ẹnyi ara ku n'ọ sụọ ịhịan, kanị Osolobuẹ, Onyẹ hụn e lele obi ẹnyi.

Filemọnụ 1:16

ẹlẹzi nọkẹ igbọn, kanị nọkẹ ezigbo nwẹnẹ, hụn ka igbọn. Nwẹnẹ k'ọ wụ, tụmadụ ebe m rị, kanị ịyụ k'ọ ka a wụ nwẹnẹ ẹ — kẹ elu-ụwa kẹ imẹ Di-nwọnni-ẹnyi.